فى المستشفى
يسرى بعياط. حسن حساااااااااان اهئ اهئ
معتز. اهدى شوية يا آنسه يسرى مش كده
يسرى. اهدى ايه بس اهئ اهئ
معتز. ارجوكى كفاية عياط الحادثة كانت بسيطة وحسن اسد برضه متخافيش ان شاء الله هيبقى كويس
يسرى وهى تمسح دموعها. ونعم بالله
يسرى فى نفسها. يلهوى انا مشيت وسبت دارين واكيد قلقانة دلوقتى
اما اكلمها اطمنها
امسكت يسرى هاتفها لتتفاجأ بعشرين ميسد كول من دارين
يسرى. صح انا قولت اكيد قلقت
اتصلت يسرى على دارين
دارين. ايوه يا يسرى انتى فين ومشيتى فجأة ليه وايه اللى حصل كنتى بتصوتى ليه هو فيه حد ات...
يسرى. بااااااااااااااس
دارين. ايه؟
يسرى. اهدى عليا شوية سؤال سؤال ده انا لو فى برنامج واحد من الناس مش هتسئل كده بالراحه يا حبيبتى
دارين. ايه اللى حصل بقى قلقتينى؟
يسرى تحاول كبت دموعها. مفيش يا ستى مشكلة بسيطة كده واتحلت الحمد لله هبقى اقولك بعدين سلام
واغلقت يسرى الهاتف دون ان تسمع اى رد من دارين لأنها قد بدأت بالبكاء حقا...
بعد دقائق من الانتظار خرج دكتور صابر من العيادة واسرعت عليه يسرى
يسرى. دكتور حسن عامل ايه؟ قولى انه كويس
صابر. الأستاذ حسن كويس يا هانم متقلقيش.. هو حضرتك مراته؟
يسرى. لا انا خطيبته
صابر. نص ساعة وتقدروا تتطمنوا عليه
يسرى. شكرا يا دكتور
صابر. الشكر لله
رحل الدكتور
معتز. ممكن تقعدى بقى يا آنسه يسرى الدكتور قال انه كويس
يسرى. شكرا يا استاذ معتز انا مكنتش عارفه من غيرك كنت عملت ايه
معتز. انا معملتش حاجه ده صاحبى وعشرة عمرى
يسرى. شكرا مره تانيه
_______________ ♡_________________
دارين لنفسها. علفكرة بقى الموضوع ده فى إن، والبت دى مش مظبوطه انا لازم اعرف فى ايه بس ازاى؟ فكري يا دارين فكري.. بس لاقتها مفيش غيره
حاولت دارين الاتصال على هاتف حسن لكنه مغلق
دارين. ايه الحكايه؟ ياربى انا قلقانه اوى
نوال. داااارين
دارين. نعم يا نونه؟
نوال. تعالى عيزاكى
دارين. نعم
نوال. هى يسرى فين؟
دارين. والله ماعرف جالها فون ومشيت فجأة ومقالتليش هى رايحه فين
نوال. طب بصى ابوكى راح الشيفت بتاعه فى المستشفى وقالى انه شاف يسرى هناك
دارين. يلهوى يلهوى يلهوى
نوال. روحى يا بنتى شوفيها وطمنينى
دارين. حاضر
ذهبت دارين وارتدت ملابسها
وعقدت شعرها فى ذيل حصان وكانت مثل الأميرات
انطلقت لتوقف سيارة اجرة اوصلتها الى المستشفى التى يعمل بها والدها مصطفى وتنقلت فى الممرات تبحث عن صديقتها يسرى
يسرى. دارين؟؟؟؟
دارين. يسرى بدور عليكي
يسرى. مين اللى قالك ان انا هنا؟
دارين. بابا كان نازل الشيفت بتاعه وشافك
يسرى. اها
دارين. هو فى ايه يا يسرى؟
يسرى. مفيش
دارين. مفيش ازاى يعنى هو انتى جايه المستشفى تشمى هوا مثلا؟
يسرى وقد بدأت فى البكاء. حسن عمل حادثة اهئ اهئ
دارين. يلهوى يلهوى يلهوى
اخذت دارين يسرى فى حضنها ويسرى لم تكف عن البكاء
بعد قليل
اكرم. انا جيت
معتز.حمد الله ع السلامة
اكرم. فى جديد؟
معتز. آه الدكتور طلع
اكرم. قالكوا ايه؟
معتز. نص ساعة وهنشوفه هو تقريبا عدى ربعهم
اكرم. اها
..........................
يسرى. خودينى على الأوضة فاضل خمس دقايق وادخل لحسن
وبالفعل اسندت دارين يسرى حتى وصلت الى باب الغرفة وكان اكرم فى الحسابات يدفع لحسن
يسرى. انا هدخل وانتى روحى
دارين. لا طبعا مينفعش اسيبك
يسرى. يا دارين روحى ومتتعبينيش زمان نونه قلقانه روحى بقى عشان خاطرى
دارين. ماشى يا ستى عشان خاطرك انتى بس
ذهبت دارين وفى طريق عودة اكرم شعر اكرم بوخزة فى قلبه لا يدرى سببها
ولكن لم يعطى الأمر اهتماما واكمل طريقه
ودارين ذهبت الى بيتها لتتطمئن امها
دارين. نونه انا جيت
نوال. ايه يا بنتى لاقتيها
دارين. آه
نوال. فى ايه؟
دارين. مفيش يا نونتى كان خطيبها تعبان شوية فودوه المستشفى متخديش فى بالك
نوال. متكدبيش عليا يا دارين انا عرفاكى
دارين. يا نونه حاجه بسيطه
نوال. اتكلمى يا دارين فى ايه؟
دارين. حسن عمل حادثة
نوال وهى تضع يديها على صدرها. يا مصيبتى
دارين. مصيبتك ايه بس يا نوال دى حاجة بسيطة طلع منها سليم الحمد لله مفيش حاجة
نوال. ربنا يجيب العواقب سليمة
دارين. يسمع من بقك ربنا
.
.
.
.
.
.
.
.
.
.
# ملكة التشويق 👑✌💖🌹
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
★ vote ★
★ comment ★
★ share ★
أنت تقرأ
رهان العشق 💔
Science Fictionبحبك مش مجرد كلمة، الحب ده وعد، خليك قده عشان متخسروش، جايز تقابلك عقبات كتيرة ف حياتك، حاجات انت مكنتش متخيل انها تحصلك، بس انت قدها مدام حواليك الناس اللى بتحبهم وبيحبوك وبيشجعوك، كون ليهم ضهر وسند، يكونوا ليك نقطة قوة، حياة دارين واكرم مك...
