دارين اتصلت بيسرى
يسرى. الو
دارين. ايوه يا يسرى عايزه منك خدمة
يسرى. نعم
دارين. عايزاكى تشوفى رقم اكرم من على فون حسن وتبعتيهولى
يسرى بزعيق. هتودينا ف داه....
دارين. اخرسى ومتفضحيناش
يسرى بهمس. انتى هبلة يا بت انتى ولا اتجننتى ولا فى ايه؟
دارين. كل ده عشان بطلب رقم خطيبى المستقبلى
يسرى. خطيبك؟؟؟؟؟
دارين. آه خطيبى
يسرى. وده ايه بقى ان شاء الله؟
دارين. اسكتى هو انا مقولتلكيش
يسرى. لا مقولتليش
دارين. يقطشعنى 😂😂
يسرى. مش وقت هزارك البايخ فى ايه انا مش فاهمه حاجة
دارين. فى ان اكرم جه امبارح وطلب ايدى رسمى من بابا
يسرى. بتهزرى
دارين. وانا عمرى كدبت عليكى
يسرى. طب خلاص هحاول اشوفلك الموضوع ده
دارين. قشطه عليك يا زميل
يسرى. سلام
دارين. بااى يا احلى ياسووو
_____________ ♡ _______________
اكرم قعد يفكر ف كلام دارين عن انها مستحيل تحبه لحد ما قاطع تفكيره صوت رسالة وصلتله
الرسالة من حسن بتقول. ايه يا آكرم عامل ايه يا صاحبى بقالنا كتير متقابلناش انت فين كده؟
رد عليه اكرم بريكورد. ف البيت هكون فين بس كان عندى شوية شغل ما تيجى نتقابل
بعد شوية رد عليه حسن. گ
صحيح اكرم مكانش لى نفس يخرج او يشوف حد بس كان عايز يبطل تفكير ف دارين وبالفعل قام لبس وراح لحسن وعدوا على معتز وخرجوا خروجة شباب جميلة وبالفعل قدر اكرم يبعد تفكيره عنها لبعض الوقت بس اول ما روح طبعا كل ابواب افكاره فيها اتفتحت تانى والمره دى مقدرش يسيطر على الابواب دى لحد ما رن تليفونه برقم غريب و..........
___________ ♡ ______________
بعد ساعتين بعتت يسرى رقم اكرم لدارين على الواتساب
دارين لنفسها. قشطه عليكى يسطااا
بعدين قعدت تفكر شوية وتعابير وشها اتقلبت للحزن
دارين لنفسها. انا بجد اسفه جدا على اللى هعمله فيا وف اكرم انا بجد مش عايزه اظلمه بس اعمل ايه يلا يمكن ربنا يعوضنى واقدر احبه هو صحيح انسان كويس واخلاقه كويسه ومز يعنى بس مش عارفه ليه مش قادرة احبه
دارين اتصلت على رقم اكرم
اكرم. ايوه مين؟
دارين بعد دقائق بصوت باهت. انا دارين يا اكرم
اكرم اتنفض. دارين؟؟؟ ازيك يا قلبى عامله ايه؟ وحشتينى جدا
دارين. اكرم
اكرم. قلبه
دارين. انا موافقه انى اتجوزك
اكرم نط من الفرحة. انتى بتتكلمى جد؟؟ انا مش مصدق نفسى
دارين ببرود. بكره تيجى تخطبنى من بابا
اكرم. طيارة
دارين قفلت الخط وقعدت تعيط
.
.
.
.
.
.
.
.
.
.
.
* ي ترى دارين هتتعامل ازاى مع الموقف اللى حطت نفسها فيه؟*
# ملكة التشويق 👑✌🌹💖
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
★ Vote ★
★ Comment ★
★ Share ★
أنت تقرأ
رهان العشق 💔
Science Fictionبحبك مش مجرد كلمة، الحب ده وعد، خليك قده عشان متخسروش، جايز تقابلك عقبات كتيرة ف حياتك، حاجات انت مكنتش متخيل انها تحصلك، بس انت قدها مدام حواليك الناس اللى بتحبهم وبيحبوك وبيشجعوك، كون ليهم ضهر وسند، يكونوا ليك نقطة قوة، حياة دارين واكرم مك...
