يسرى مع دارين بتنقيلها فستان تلبسوا فى الخطوبة وفعلا اختاروا فستان كاشمير رائع ودارين اشترته
دارين. الفستان ده غالى اوى بس عجبنى جدا
يسرى. يلا يا عم اى خدعة
دارين. يلا نروح بقى انا تعبت اوى
يسرى. وانا كمان
وطلعوا على بيت دارين
دارين راحت المطبخ وصبت كوبايتين عصير ليها وليسرى ويسرى راحت حطت الفستان على السرير وقعدت جمبه ودارين جت واديتها كوباية العصير وقعدوا يشربوا ويتكلموا وفجأة ويسرى بتضحك طارت كوباية العصير و..............
دارين. ينهار اسود يلهوى يلهوى يلهوى هعمل ايه دلوقتى منك لله يا يسرى يا نهار اسود
طبعا حصل اللى توقعتوه وهو ان يسرى دلقت كوباية العصير على فستان دارين الغالى
يسرى بتحاول تبرر موقفها. انا آسفة اوى بجد مكانش قصدى
دارين بتلطم. آسفة؟؟؟ يلهوى ودى اصرفها من انهى بنك حضرتك يلهوى يلهوى يلهوى
دارين حاولت تهدى نفسها وعدت من واحد لعشرة وهديت تماما
دارين ببرود. هنعمل ايه دلوقتي؟
يسرى. انا هحاول اصلحه واوعدك لو معرفتش هجبلك واحد جديد
دارين. متجيبيش حاجة هاتى الفستان ده كده
يسرى مسكت الفستان واديته لدارين
دارين اتفحصت الفستان واتنهدت. اففففف حاجة بسيطة تعالى معايا
يسرى راحت مع دارين المطبخ ودارين طلعت حاجات كتير وحطتهم على بعض وحطت عليهم مياه ونقعت الفستان وراحوا قعدوا وبعد نص ساعة دارين طلعت الفستان ونشرته ولما نشف كان مفيهوش اى حاجة وكإنه جديد
يسرى. يابنت اللذينة عملتى كده ازاى لا اروبة اروبة يعنى
دارين. ميرسى
_______________ ♡ ____________
حسن ومعتز اتصلوا على اكرم عشان يباركوله
حسن. مبروك يا زميكس
معتز. اخيرا بقى هشوفك عريس ياخى
اكرم. ههه الله يبارك فيك يابو على الله يبارك فيك يا ميزو
معتز. اوعى تنسى تعزمنا على فرحك يسطااا
اكرم. انسى؟ انسى ازاى بس ده انتوا اول ناس هتيجوا
حسن. كده انا اطمنت
اكرم. انتوا فاكرين ان انا هنساكوا ده انتوا صحابى واخواتى وعشرة عمرى
معتز. ده من زوقك يا كبير
حسن. مبروك تانى مره يا صاحبى
اكرم. الله يبارك فيك
معتز. سلام
حسن. سلام
اكرم. سلام
___________ ♡ _______________
عدا اليوم عادى جدا لحد ما جه اكرم بالليل واتفق مع مصطفى ابو دارين على كل حاجة واتفقوا ان الخطوبة يوم الأربع الجاى
تسريع الأحداث:
يوم الأربع دارين لبست فستانها على ميكب خفيف لأنها جميلة من غير حاجة وطبعا سيبت شعرها الأسود الفحمى الطويل وكان منسدل على كتافها بطريقة رائعة واكرم ببدلته الكحلى الغامق ف منتهى الشياكة والجمال مستنيها بره طبعا دارين اصرت ان فرحهم يبقى على الضيق عشان هى مبتحبش الهيصة وفعلا عدى يوم الخطوبة ولبسوا الدبل اللى نقاها ابوها واكرم لأنها رفضت تروح تنقى وكان يوم جميل للكل الا دارين اللى كان على وشها ابتسامة باهته ومصطنعه
.
.
.
.
.
.
.
.
* ي ترى دارين عملت كده ليه؟*
هنعرف هنعرف 😂
# ملكة التشويق 👑✌💖🌹
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
★ Vote ★
★ Comment ★
★ Share ★
أنت تقرأ
رهان العشق 💔
Science Fictionبحبك مش مجرد كلمة، الحب ده وعد، خليك قده عشان متخسروش، جايز تقابلك عقبات كتيرة ف حياتك، حاجات انت مكنتش متخيل انها تحصلك، بس انت قدها مدام حواليك الناس اللى بتحبهم وبيحبوك وبيشجعوك، كون ليهم ضهر وسند، يكونوا ليك نقطة قوة، حياة دارين واكرم مك...
