رهان العشق 💔

part 2

يسرى. الأستاذ شاكر شرف انهارده
دارين. يلهوى يلهوى يلهوى
يسرى. الحمد لله انك مجيتيش ده كان يوم مطلعتلوش شمس
دارين. الحمد لله صح مقولتليش عملتى ايه مع حسن
يسرى. عارفه يا دارين بصراحه كده
دارين. اشجينى
يسرى. انا مش حساه
دارين. نعم يا عمر؟
يسرى. قصدى يعنى ان انا مش مشدوداله يعنى حاسه انه مبيوحشنيش او مببقاش عايزه اشوفه  مبرتحش وانا بفضفضله او اصلا مبحبش افضفضله وبعدين هو كمان متعب اوى
دارين. قصدك ايه؟
يسرى. يعنى بصى بحسه عنده كهربا زيادة
دارين. وربنا مفاهمه حاجه
يسرى. يعنى Super Haiper Active هيجننى
دارين. هو عمل ايه بقى لكل ده؟
يسرى. بصى انا هفهمك يعنى مثلا اممممم مبيفوتش معاد ولو اتأخر ثانية بيتضايق اوى وبيطربق الدنيا فوق نفوخى انا تحسى معندهوش حاجة اسمها اعد فى البيت تخيلى بيتصل عليا يصحينى الساعة ستة الصبح انا بجد قربت اتشل
دارين. بس بيحبك
يسرى. تفتكرى ده كفايه؟
دارين. يعنى؟
يسرى. يعنى تفتكرى حبه هيكفينا احنا الاتنين
علفكره بعيدا عن نشاطه الزيادة انا بقولك مش مشدوداااااااااله
دارين. خلاص خلاص خرمتى طبلة ودنى
يسرى. فهمانى يا دارين ولا انا بكلم نفسى
دارين. بتكلمى نفسك
يسرى. انا مش نقصاكى علفكره
دارين. معلش
يسرى وهى تستعد للذهاب. انا غلطانه ان انا بحكى لواحده زيك اقولك حاجه انا ماشيه
دارين تمسكها من يديها. استنى هنا رايحه فين اعدى
يسرى. عايزه ايه؟
دارين. يا يسرى يا حبيبتى مش كل الامور ناخدها كده لازم نلاقى حل وسط انتى اكيد عارفه ان حسن بيموت فيكى ولو بعدتى عنه هيموت بجد
يسرى. تفتكرى اعمل ايه يا ام المفهوميه؟
دارين. حبيه
يسرى. نعم؟
دارين. حاولى تحبيه يا يسرى وافتكرى اللحظات الحلوة اللى بينكم مش لازم يعنى تفتكريله المواقف اللى بتضايقك وصدقينى هتلاقى الدنيا مشيت زى الفل بس احنا نفكر صح
يسرى. ترانى تأثرت
دارين. مبهزرش يا حمارة
يسرى. ايه ده بجد والله؟
اول مره تتكلمى بجد i,m so proud of you babe
دارين. ميرسى
يسرى. بقولك؟
دارين. جولى
يسرى. قومى هاتيلى كوباية مايه
دارين. لا
يسرى. كده مااااااااشى علفكره بقى انا هاقوم اجيبها انا ولا الحوجالك
دارين. احسن برضه
وفجأة رن هاتف يسرى
يسرى. الو
............................
يسرى. ايوه انا
............................
يسرى. ينهار اسود ؟!

_______________ ♡ __________________

فى المستشفى
اكرم بينهج. حسن فين ؟
معتز. انت بتنهج كده ليه؟
اكرم. عربيتى فى الصيانة المهم دلوقتى فين حسن؟
معتز. حسن فى الاوضة دى
اسرع اكرم وكان على وشك دخول الغرفة فأمسكه معتز
معتز. ايه يا عم اهدى شوية الدكتور جوه
اكرم. اعمل ايه يعنى؟
معتز. اهدى واصبر ان شاء الله تيجى سليمة
اكرم. يااااارب
وفجأة ادار معتز وجهه ليرى احدى الممرضات...فتاة رائعة الجمال خطفت قلب معتز من اول نظرة
اقترب منها معتز وجهه مشرق وابتسامته زاهيه
معتز. اا..ا..ا...يا آنسه
مريم. نعم؟
معتز. حضرتك اسمك ايه؟
مريم. مريم يا فندم اى خدمه؟
معتز. عاشت الاسامى
مريم. ميرسى
معتز. ميرسيهك معاكى
مريم. حضرتك عاي
قاطعها. معتز اسمى معتز
مريم. اتشرفت
معتز. الشرف لينا ( وكل حاجة لينا على فكرة)
مريم. حضرتك بتقول حاجه؟
معتز. لا كنت بكح
مريم. بعد ازنك
معتز. اتفضلى
مريم فى نفسها. مجنون ده ولا ايه؟ بس ايه مز مز يعنى
.
.
.
.
.
.
.
.

# ملكة التشويق 👑✌💖🌹

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

★ vote ★

★ comment ★

★ share ★