حسن. نعم؟؟؟
اكرم. زى ما بقولك كده انا بقالى ساعة بخبط ومحدش بيفتح
وفجأة رن تليفون اكرم برقم غريب
اكرم. الو
.........اهلا بالكبير
اكرم. مين معايا؟
........مش لازم تعرف بس عايز اقولك ان صاحبك الاستاذ ميزو عندنا
اكرم. نعم؟
.......ومش هنرجعه قبل ما تنفذ اللى هنطلبه منك
اكرم. اللى هو
....... هتسلملنا كل عقود الشركة وتبيعهالنا بأى تمن تحبه
اكرم. ده شئ مستحيل
......عموما انت حر ولو منفذتش اللى قولتلك عليه انسى ان عندك صاحب اسمه معتز
اكرم. الو الو انت مين ي كلب
حسن. ف ايه ي اكرم؟
اكرم. معتز مخطوف
حسن. ايييه؟!!
____________ ♡ ______________
ف اليوم التانى دارين صحيت من نومها اللى مكانش نوم اصلا وكانت فى قمة التعب ورغم كده خدت دش سخن ولبست هدومها وودعت اهلها وراحت الجامعة
يسرى. دارين
دارين بصوت هزيل. يسرى ازيك
يسرى. حبيبتى انا كويسه مال صوتك؟
دارين. مفيش شوية برد بس
يسرى. الف سلامة عليكي
دارين. الله يسلمك
يسرى. انا مش مصدقة نفسى انتى متخيلة ان دى آخر سنة
دارين. آه كويس اوى
يسرى. دارين انتى مالك هو فى حاجة؟
دارين. لا مفيش حاجة يلا نروح نسلم ع البنات
يسرى. اوك يلا
نهى. اهلا اهلا دارين ويسرى عاملين ايه وحشتونا اوى
يسرى. انتى اكتر
دارين. الحمد لله كويسين انتى كمان ليكى وحشة
نهى. حبيبتى
سلمى. انا جيت
يسرى. نورتى الجامعة
سلمى. بنورك ي قمرايه وانتى ي دارين عامله ايه؟
دارين. الحمد لله تمام
سلمى. خسيتى ي بت واحلويتى
يسرى. نهى. ههههههههههه
سلمى. بس مالك حساكى مش على بعضك
يسرى. شوفتى مش انا لوحدى اللى لاحظت
دارين. مفيش حاجة انتوا مصرين ان يبقى فى حاجة
سلمى. لا طبعا ي قلبى ربنا ما يجيب حاجات
يسرى. نهى. آمين
نهى. مبروك على الخطوبة ي دارين
دارين وشها اتقلب وحاولت تسيطر على نفسها
دارين بابتسامه مصطنعه. الله يبارك فيكى
ساندى. يلا ي بنات المحاضرة بدأت
ودخلت البنات على المحاضرة وطبعا دارين ف عالم تانى خالص
د / سميرة. دارين
دارين شارده ومش مركزه ف أى حاجة ومش سامعه اى حد
د / سميرة. ي دارين
يسرى بهمس. دارين ي دارين اصحى ي بنتى انتى فين
دارين. ها
يسرى. ها ايه بس الدكتور بتنادى عليكى
دارين. ايوه
د / سميرة. قومى ي دارين جاوبى ع السؤال ده
دارين وقفت وبتحاول تقرأ السؤال بس عنيها بتلف وتدور وشايفه ضباب والرؤية مش واضحة وفجأة اغمى عليها
.
.
.
.
.
.
.
.
.
.
.
.
* يمكن تحسه ان فكرة خطف راجل دى غريبة شوية بس عادشى 😂 *
* ي ترى هيعملوا ايه مع الخطاف؟ وهيرجعوا معتز ازاى؟*
* اكرم وحسن هيختاروا الشركة ولا صاحبهم؟*
* تفتكروا ممكن يضحوا بشركتهم اللى تعبوا فيها؟*
* ودارين ايه اللى هيحصلها *
ده اللى هنعرفه ف البارت الجاى
فظيعة انا صح 😂👊
يتبع........
# ملكة التشويق 👑✌💖🌹
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
★ Vote ★
★ Comment ★
★ Share ★
أنت تقرأ
رهان العشق 💔
Science Fictionبحبك مش مجرد كلمة، الحب ده وعد، خليك قده عشان متخسروش، جايز تقابلك عقبات كتيرة ف حياتك، حاجات انت مكنتش متخيل انها تحصلك، بس انت قدها مدام حواليك الناس اللى بتحبهم وبيحبوك وبيشجعوك، كون ليهم ضهر وسند، يكونوا ليك نقطة قوة، حياة دارين واكرم مك...
