عنيده ولكن للكاتبة " اسو_احمد " كامله "

الفصل السادس عشر

فى مطعم جون جولى

تجلس قدر و روتيلا واسماء وساره على طاوله بالقرب من باب المطعم يتحدثون سويا

اسماء بغضب
مش مصدقه إللى حصل ده ؟؟ بتتكلمى بجد ياروتى

ساره وهو تقبض يدها بغضب
الحيوان الحقير أزاى يتجرء ويقولك كده ، هو ليه عين كمان يتكلم بعد إللى عمله فيكى زمان

روتيلا بحزن
انا تعبت بجد من كل ده ومش عارفه اعمل ايه ثم وضعت يدها على شعرها قائله، هو عايز منى ايه تانى مش كفايه إللى عمله فيا " لتطبطب عليها قدر وساره"

قدر بحزن على صديقتها
ماتزعليش نفسك ياروتى على حتت كلب ولا يسوى ، خليه يغور في ستين داهيه تاخده

اسماء
طب لما هو بيشتغل فى الشركه قبلتى الشغل ليه ؟؟ ما كنت رفضتيه احسن

ساره باعتراض
بالعكس انا شايفه عملة الصح علشان لو كانت سابت الشغل كان هيفكر انها خايفه منه أو لسه قاعده ضعيفه زي زمان

قدر بتأييد
معاكى حق يا ساره هى عملت كويس لما قبلت الشغل ده ، وكمان كده هتثبتله انها مش روتيلا بتاعة زمان الضعيفه اللى بتخاف من اقل حاجه وكمان دى فرصه ليها علشان تنتقم ولا ايه وتبتسم ابتسامه صفراء لها

روتيلا وهو تلوى فمها
وده أزاى ياست قدر بقي ؟؟

اسماء بابتسامه
أوعى يكون إللى فى بالى صح

قدر وهو تضع قدم فوق الاخره
اممممم تقريبا صح نههها نههانههها " ضحكه شريره يعنى 😂"

ساره ل روتيلا
فاهمه حاجه من اللى بيقولوها يابت ياروتى ؟؟

روتيلا
علمى علمك ياختى

ساره وهى تلوح بيدها لهم
طب ما تفهمونا ياشويه عرر بتفكرو فى ايه ؟؟

قدر ببعض الغرور
هقول بس بشرط

روتيلا بغيظ
وكمان هتتشرطى ياعرت العرر ما تخلصي وتحكى يا وليه " لتكمل بغضب قليلا " بدل ما هخليكى تحكى بما لا يرضي الله فااخلصي هاااا

ساره بتأييد
خافى على عمرك ياقدر واحكى يابنت الحلال بدل ما انتى عارفه روتى لما بتتعصب بتعمل إيه ، انا بقولك اهو

قدر بحزن
لا بجد كده حراااام قوى كل مره تخلونى احكى غصب عنى ومش بتخلونى اتشرط عليكم أبدا بجد ده ظلم مش كفايه بتعب علشانكم " وتشبك يدها إلى صدرها وتعبس وجهها "

اسماء بتأثير
" بتبكى " اهئ اهئ اهئ اهئ لا بجد حرااام عليكم كلكم على البونيه كده ليه ، ماتزعليش ياقدر ياحبيبتى اعتبرينى زى اختك وقوليلى عايزه ايه وانا هعملهولك اهئ اهئ اهئ

قدر وهى تحضنها وتبكى
حبيبتى يا سمكه اهئ اهئ اهئ ، انتى الوحيده إللى حاسه بيا ياحبيبتى اهئ اهئ ، ربنا يخليكى ليا ياقلبي