انشاء الله دي هتبقى اول رواية ليا ادعولي انجح فيها💜💜💫
رواية"انت قدري"🙈❤❤
(البارت الاول)
*******************
مع صباح يوم جديد
سلمى بت يا سلمى يلا قومي الساعة بقت 8
سلمى بكسل: يوووه يا مريم هو كل يوم على كدا سيبيني انام شوية كمان
مريم: يلا يا كسلانه هتتأخري على الكلية قومي يلا عقبال ما اصحي بابا وماما
سلمى بأختناق: اووووف حاضر يستي قايمة مانا مش هخلص منك النهارده
ستوووب..
مريم: البنت الكبيرة في العيلة عندها 22 سنه شعرها اسود طويل وعيونها زرقا وقصيرة شوية متخرجة من كلية تربية بس مش بتشتغل
سلمى: اخت مريم الصغيره عندها 20 سنة في كلية هندسة ومدلعة عالآخر
نرجع تاني...
طلعت مريم من اوضة سلمى عشان تصحي ابوها وامها لقيت امها صحيت
مريم: صباح الخير يا ماما
الام بأختناق: صباح النور صحيتي سلمى عشان كليتها
مريم: ايوه يماما
الام: طب روحي حضري الفطار يلا
مريم: حاضر ي ماما
سلوى: ام مريم وسلمى بتحب سلمى اكتر من مريم وبتعامل مريم بطريقة وحشة جدا
حضرت مريم الفطار وطلعت من المطبخ لقت باباها قدامها
راحت حضنته وباسته من خده وقالتله:
صباح الخير يا احلى اب في الدنيا
ابتسم باباها بحنان وقالها:
صباح النور يا احلى بنت في الدنيا اي يبت الحلاوة دي لا انا لازم ادورلك على عريس
قالت مريم بمرح: اه يا كمال يا بكاش انت عريس ايه بس ي بابا لسه بدري عالكلام ده
كمال: والد مريم وسلمى بيحب مريم زي عينيه عكس امها تماما
خرجت امها من الاوضه وسمعت كلامهم وضحكهم فقالت بأختناق:
الله الله حلو اوى يا هانم واقفة هنا تتمايصي وتدلعي ولا كأني قلتلك تحضري الفطار انتي مش بتسمعي الكلام ليه يبت انتي
مريم بأدب: حضرته ي ماما والله وكنت جاية بس اصبح على بابا
الام: طب يلا انجري حطيه عالسفرة
الوالد بغضب: جرى ايه يا سلوى بتتكلمي معاها كدا ليه هي عملت اللى قلتيلها عليه وواقفة بتتكلم معايا مش جريمة يعني
الام: اه ما هي بنتك حبيبتك خليك كدا اقعد دلع فيها لحد ما تبوظها
كان هيرد لولا قاطعته مريم عشان تهدي الوضع
مريم: خلاص ي ماما انا اسفة هروح احط الاكل عالسفرة
وراحت مريم تحضر الاكل وفطروا وكل واحد راح لحاله سلمى راحت الكليه والاب راح الشغل وفضلت مريم مع امها في البيت
في المطبخ...
مريم: ماما انا هنزل النهاردة اقدم ورقي في مدرسة تانية يمكن ربنا يسهلي الحال واتقبل
الام بسخرية: اه هتتقبلي اووى اشحال مكنتيش مرفوضة من 3 مدارس لحد دلوقتي وقاعدالنا في البيت زي اللقمة في الزور
مريم: ي ماما كل شئ قسمة ونصيب وبعدين انا هعمل محاولة تانية يمكن انجح
الام: مسيرك هتتجوزي وهتقعدي في البيت انا مش عارفة هنرتاح منك ومن قرفك امتى بس
طلعت من المطبخ وسابت مريم دموعها على خدها
دخلت مريم اوضتها وقفلت على نفسها واترمت عالسرير وقعدت تعيط وتدعي
مريم: يارب هو انا عملت ايه لكل ده ليه المعاملة دي انا بنتها ازاي بتعاملني كدا يارب ساعدني بقا انا تعبت خلاص مش هستحمل المعاملة دي تاني خلاص
ورن التليفون...
مريم بصوت مبحوح: الو
مي: ايه يا ميرو عامله اي
مريم: الحمدلله بخير
مي: مالك يا مريم صوتك كأنك بتعيطي مامتك دايقتك تاني صح
مريم: ده الجديد بتاع كل يوم يا مي
مي بأسف: معلش يا حببتي ربنا هيعدلها من عنده انشاء الله متزعليش نفسك بس
مريم: ان شاء الله يحببتي قوليلي انتي عامله ايه واخبار خطيبك ايه
مي: هههههه اهو يستي بنجهز نفسينا وهانت اهو فاضل حجات بسيطة بس
مريم: ربنا يتمملك على خير يحببتي
**********************
و في مكان تاني خالص في شقة في عمارة كبيرة شاب عايش في البيت لوحده ونايم عالسرير...
المنبه رن قام الشب بكسل وطفاه:
-عارفين يعم خلاص هقوم اهو
عمر الصاوي: شاب طويل وسيم شعره بني وعيونه عسلي عنده 28 سنه دكتور قلب
قام الشب لبس لبسه الأنيق وطلع من الاوضة وقبل ما يفتح باب الشقة وينزل راح تجاه الصورة اللى متعلقة عالحيطة صورة والده ووالدته المتوفيين مسك الصورة وباسها:
عمر: النهاردة الذكرى الثامنة لوفاتكوا وحشتوني اووى ربنا يرحمكوا
علق الصورة تاني ونزل ركب عربيته السودة الفخمة واتجه للمستشفى اللى بيشتغل فيها
*******************
كفاية لحد هنا ونكمل البارت الجاي😊
رأيكوا في البارت+استمر ولا لأ😕
by: Fatma ali💙🌻
أنت تقرأ
أنت قدري
Romanceالرواية بالعامية المصرية... حين يُخلق الحب من صدفة..! التمسوا لي العذر إن لم تكن الرواية على القدر الكافي من الإتقان والفصاحة، نظرًا لكونها تجربتي الأولى في عالم الكتابة، ستجدون الكثير من التحسُّن والإبداع في باقي الروايات وذلك وعد مني. مع حبي... فا...
