وصل عمر المستشفى ودخل مكتبه وبعدين لقى الفون بيرن
عمر: اهلا يا هانم كدا يومين متسأليش ماشي اما وريتك يا هالة
هالة: اسفة يحبيبي عارفة اني مقصرة والله بس ظروف معلش انت عامل ايه
عمر: بخير يحببتي هشام عامل ايه والقرد حبيب خالو عامل ايه
هالة: ههههههه هشام كويس الحمدلله والقرد بيسلم عليك
عمر: اكيد فاكره النهارده ايه
هالة: وانا اقدر انسى ذكرى وفاة بابا وماما يا عمر
عمر: طب مش هتيجي
هالة: مش هقدر يا عمر هشام مرتبط بشغله هنا كذلك مدرسة ادم مش هعرف صدقني
عمر بحزن: يعني زي كل سنه هقضيه لوحدي
هالة: متزلعش يا عمر ووعد مني هجيلك في اقرب فرصة
عمر: خلاص ماشي سلام
هالة: اخت عمر اكبر منه ب 4 سنين عندها 32 سنة متجوزة وعايشة مع جوزها هشام وابنها ادم في كندا
الباب بيخبط...
عمر: ادخل
هبة: ازيك يا كتور عمر
عمر ببرود: الحمدلله انتي عامله ايه
هبة برقة مصطنعة: بخير الحمدلله
عمر بجدية: المريض بتاع امبارح عمل ايه
هبة: هو عايز دعامتين للقلب
عمر: طب ياريت العملية تتعمله بسرعة مش لازم نستنى عشان واضح ان حالته متأخرة اووى
هبة: حاضر يا دكتور عن اذنك
عمر: اتفضلي
بعد ما طلعت هبة من المكتب
هبة: اوووف هو هيفضل لابسلي الوش الخشب كدا لحد امتى مش حاسس بيا خالص
هبة: دكتورة زميلة عمر في المستشفى وبتحبه جدا بس هو بيعتبرها زميلة مش اكتر ولا اقل
..................................
في بيت مريم...
كمال رجع من الشغل وسلمى رجعت من الكليه والكل اتغدى
سلوى بتقول لمريم: يلا قومي لمي المواعين وروح اغسليهم
مريم: حاضر يا ماما
كمال: سلوى تعالي ورايا الاوضة عايزك
دخلوا الاوضة
كمال بغضب: وبعدين معاكي يعني انتي هتفضلي تعملي كدا لحد امتى
سلوى باستعباط: وهو انا عملت ايه
كمال: تقدري تقوليلي ايه المعامله اللى بتعاملي بيها مريم دي ليه كدا هي عملتلك ايه دي شيلانا وشيلا البيت كله فوق راسها ارحميها بقا
سلوى: انت بالذات متتكلمش وكفاية اوى اني وافقتك عالمهذلة دي فاكر فاكر عملت ايه من 22 سنه ولا افكرك يا كمال
كمال: احنا مش كنا خلصنا من الموضوع ده بتفتحيه تاني ليه
قامت سلوى واتجهت نحو الباب وقبل ماتخرج قالت:
_افتكر كلامي كويس يا كمال مريم مش بنتنا لا من لحمنا ولا من دمنا انت عايز تعاملها زي ابوها انت حر اما انا عمري ما هعاملها او اعتبرها انها بنتي ابدا واضح
وخرجت من الاوضة وسابت كمال بيغلى من الغضب
راحت عالمطبخ وكانت مريم بتنضف
سلوى بغيظ: متتلحلحي شوية يختي هتقعدي ساعة في كل شغلانه انا مش عارفة امتى هتغوري من البيت ونرتاح منك ده ايه القرف دا
مريم بكسرة: يا ماما مانا بعمل اهو وبعمل كل حاجه في البيت لوحدي اصلا ومحدش بيساعدني اعمل ايه اكتر من كدا
سلوى بغضب وصوت عالي: انتي كمان هتردي عليا يا قليلة الادب ياللي متربتيش انتي طيب انا بقا هخلي ابوكي يحطلك حد النهاردة
ومشيت وهي لسا بتزعق وبتشتم فيها وراحت على الاوضة اللى فيها كمال
سلوى بغضب: كمال شوف صرفة من بنتك اللى...
ولسه مكملتش الكلام راحت مصوته من المنظر اللى قدامها
سلوى: كماااال
مريم اول ما سمعت صويتها راحت جري عالأوضة ووقفت مكانها زي الصنم اول ما شافت المنظر ابوها مرمي على الارض كأنه ميت وامها قاعدة جنبه بتصوت وتعيط
مريم جريت على ابوها
مريم: بابا، بابا هو ايه اللى حصله يا ماما في ايه
سلوى بعياط: مش عارفة انا جيت لقيته مرمي كدا عالأرض مش عارفة ايه اللى حصله
مريم: طب يلا بينا ناخده عالمستشفى
اخدوه عالمستشفى وكلهم قاعدين برا على اعصابهم وبيعيطوا
الدكتور طلع من الاوضة وقالهم:
_القلب تعبان جدا ولازم يتعمله عملية في اسرع وقت وإلا مش هنقدر نلحقه
مريم بعياط: ماشي يا دكتور اعملهاله بسرعه مستني اي
الدكتور: تمم ماشي روحي حضرتك املي الاستمارة ووقعي على شوية ورق عقبال ما نجهز اوضة العمليات وكمان لازم توقعي على ورقة ان لو حصل للمريض اي حاجه مش هيبقى على مسؤلية المستشفى
مريم: حاضر يا دكتور
مريم بتقول لأمها: ماما انا هروح اوقع عالأوراق وكمان هروح البنك اسحب فلوس العملية خليكي هنا انتي وسلمى
امها مردتش من كتر العياط بس هزت راسها بس
وبعد ما رجعت مريم وعملت كل حاجه وبعد 3 ساعات طلع الدكتور من غرفة العمليات وجريو عليه
مريم بلهفة: ها يا دكتور اي اللى حصل
سلوى بعياط: العملية نجحت صح قولي يا دكتور ابوس ايدك
الدكتور:.....
************
أنت تقرأ
أنت قدري
Romanceالرواية بالعامية المصرية... حين يُخلق الحب من صدفة..! التمسوا لي العذر إن لم تكن الرواية على القدر الكافي من الإتقان والفصاحة، نظرًا لكونها تجربتي الأولى في عالم الكتابة، ستجدون الكثير من التحسُّن والإبداع في باقي الروايات وذلك وعد مني. مع حبي... فا...
