وقف عمر يسمع كلام الجيران...
الجارة الاولى: شفتي الدكتور اللى ساكن هنا وعامل فيها محترم جايب بنت في شقته
التانية: بالله عليكي!!
الاولى:اه والله شفته امبارح كان شايلها وكان باين انها مش في وعيها ودخلها الشقة ومطلعتش غير النهارده لسه طالعه من شوية كدا
التانية: بس ده محترم واخته محترمه واهله الله يرحمهم كانوا ناس يتحلف بأخلاقهم ازاى يعمل كدا صحيح اللى اختشوا ماتوا
الاولى: احنا لازم نعمل حاجه مينفعش واحد بالأخلاق دي يفضل معانا في العمارة
سمع عمر الكلام واتعصب جدا وراح عشان يقابل اصحابه
................................
في الكافيه...
كريم: ايه يا ريس اخبارك
عمر: بخير الحمدلله
حسن: كريم قالي انك عايزنا في موضوع مهم خير يا عمر
عمر: هقولكوا...
وبدأ يحكيلهم كل حاجه
كريم بنرفزه: لأ انت اكيد اتجننت يعني ايه تقعدها معاك في شقتك دي الناس هتاكلك انت فاكر نفسك عايش فين في امريكا لأ يا حلو انت في مصر يعني الكلام دا مش هنا
عمر: عايزني اعمل ايه يعني يا كريم انا اللى كنت هخبطها وبسببي كان ممكن يحصلها حاجه عشان كدا انا المسؤول عنها وبعدين يا اخي ما انا قلتلك ظروفها يعني هي معندهاش مكان تروحوا وانا مينفعش اسيبها
حسن: يا حنين يا اخويا تصدق يولا عيني دمعت مانت يا خايب كنت ممكن تديها قرشين كويسين وهي تتصرف بيهم في اي مكان تقعد فيه مش تقعدها معاك ايه خلاص دماغك مبقتش تفكر
عمر: اهو اللى حصل بقا هو ده اللي جه في بالي وقتها
حسن: عشان اهطل ودماغك فوتت تقعدها معاك ليه يعني
عمر: يعم انت بني ادم بدماغ كلبه امال احنا بنهري في ايه من الصبح مقولنا معندهاش مكان تروحه
حسن: قعدها في اي حته تانية
عمر: ولا اسكت لأحسن وربي اسفخك قلم اعورك
كريم: وربي قاعد مع شوية عيال هتسيبوا الموضوع كله وهتقعدوا تتخانقوا، دلوقتي يا كريم خليك حريص ان الناس متعرفش ان في بنت في بيتك
عمر وهرش في راسه:
_لأ ما هما عرفوا
وحكالهم كلام جارته
حسن:
_شفت اهو ده اللى احنا كنا خايفين منه
كريم: خلاص اللى حصل حصل بس خلي بالك بقا يا عمر
عمر: ربنا يستر
................................
في كافيه تاني...
مي: لأ انتي اكيد اتجننتي هتقعدي معاه في بيت واحد يا مريم اش ضمنك انه نيته سليمه
مريم: مش عارفه بقا يا مي بس انا حاسه اني مرتحاله واني مطمناله وحتى معاملته معايا محترمه جدا وبعدين هروح فين انا مضطرة عشان لولا كدا هقعد في الشارع احساس وحش اووى يا مي انك تحسي انك عاجزة ومضطرة تقبلي بأي وضع حتى لو كان غلط حاجه صعبة متمناش ان حد يحسها ابدا
وقعدت تعيط
مي وبتحاول تهديها: خلاص يا حبيبتي اهدي كل حاجه هتتحل باذن الله خلي ايمانك بربنا كبير وخلي بالك منه يا مريم
مريم: انا مش هطول متقلقيش انا هدور على شغل واول ما اخد فلوس هأجر ان شالله اوضة اقعد فيها
مي: ربنا معاكي يا حبيبتي
................................
روحوا والاتنين وصلوا في نفس الوقت ودخلوا
عمر: انتي تقدري تفضلي في الاوضة اللى جوه وفيها حمام كمان وكمان في هدوم لأختي هالة عشان تلبسيها واي حاجه انا تحت امرك
مريم باحراج: انا بجد مش عارفه اقولك ايه انا محرجه منك جدا مهما شكرتك مش هوفيك حقك بجد
عمر: متقوليش كدا دا واجبي
وبعدين سرح فيها وفي جمالها فضل باصص في عنيها مده وهي كمان كانت بصاله متعرفش ليه في حاجه شدتها ليه ومكنتش قادرة تنزل عنيها من عليه
بس لما لاحظوا وضعهم كل واحد دير وشه الناحيه التانيه واتكسفوا جدا
مريم بكسوف ووش احمر:
_عن اذنك
.............................
وعدا حوالي اسبوع وكل يوم كانت مريم تنزل تدور على شغل بس مكانتش بتتوفق
وكل يوم كانوا بيحسوا ان في حاجه بتشدهم لبعض ميعرفوش ايه هي
عمر كان قاعد في الصالة وفجأة الفون رن...
عمر: الوو
هالة: ازيك يا حبيبي عامل ايه
عمر: حبيبة قلبي وحشاني والله
هالة بزعل مصطنع: لو كنت وحشاك كنت اتصلت بيا وسألت عليا يا دكتور عمر
عمر: معلش يا هالة والله عارف مقصر معاكي بس انتي كمان مقصرة ايه خلاص مش ناوية تيجي
هالة: هجيلك يحبيبي والله بس هشام يفضي نفسه كدا وهاجي اقعد معاك شهر بحاله
وكملت كلامها...
_بقولك ايه يا عمر
عمر: ايه يا هالة
هالة: مش ناوي بقا تشوفلك بنت حلوة كدا وتتجوزها
ميعرفش ليه اول ما قالت كدا جه في باله صورة مريم بوشها المكسوف وخدودها الحمرا وعيونها الزرقا
عمر بابتسامه: كله بأوانه يا هالة يلا انا هقفل دلوقتي سلام
دخل اوضته وقعد يفكر في مريم
سأل نفسه سؤال...
_هو انا ليه فكرت فيها لما هالة جابت سيرة الجواز؟
عقله رد عليه وقاله: اكيد عشان عايشة معاك في بيت واحدة والوضع ده وضع المتجوزين عشان كدا فكرت فيها
القلب: بس يا ابو مخ بسله، واضحه يا عمر انت بتحبها
العقل: بيحب مين انت التاني ده بقالوا اسبوع بس يعرفها وكانت معرفة سودة ومطينة بطين من ساعه ما شافها والمشاكل مش سايباه ف حاله
القلب: وهو في حب من غير مشاكل يا ابو المفهومية المشاكل هي اللى بتقرب الاتنين من بعض اصلا حتى لو التعامل بينهم قليل، اسمع مني يا عمر انت بتحبها وخد التقيلة بقا انت بتعشقها وبتموت فيها كمان
العقل: متسمعش كلامه يا عمر ده بيخرف
القلب: بخرف اه، مين اللى يعرف في الحب اكتر انا ولا انت سيب الحب لأصحابه
وعمر واقف بيسمع الاتنين ومش عارف يعمل ايه يمشي ورا قلبه ولا عقله
وقطع كل الحوار ده الخبط على الباب
***********
أنت تقرأ
أنت قدري
Romanceالرواية بالعامية المصرية... حين يُخلق الحب من صدفة..! التمسوا لي العذر إن لم تكن الرواية على القدر الكافي من الإتقان والفصاحة، نظرًا لكونها تجربتي الأولى في عالم الكتابة، ستجدون الكثير من التحسُّن والإبداع في باقي الروايات وذلك وعد مني. مع حبي... فا...
