أنت قدري

Part 22

في بيت عمر...
راح عمر دخل الاوضة لمريم اللى كانت قاعده عالسرير ضامه رجليها لجسمها ودافنه راسها فيه

عمر وقعد جنبها عالسرير وبصوت حنون جدا: مريم

مريم ورفعت راسها بوش احمر ودموع كتيرة واترمت في حضنه بسرعة وقعدت تعيط بصوت عالي واللى خلى قلبه يتقطع وكأن سكاكين بتغرز فيه

عمر بألم وهو بيحضنها جامد: مريم متعيطيش انا مش بستحمل اشوف دموعك عشان خاطري كفاية

بعدت عنه مريم وبصوت صراخ عالى: عملت فيا كده ليه انا كان زنبي ايه، ليه رمتني وبعدها مفكرتش حتى انها تسأل فيا ليه، ليييييه؟؟؟!

_ مريم هي قالتلك هي عملت كدا ليه، الظروف كانت اقوى منها، يا مريم الفقر بيخلي الواحد يعمل اكتر من كدا وهي عملت كدا عشان تحميكي من الفقر ومن الناس

_ تحميني من الناس؟!!! بس هي متعرفش انها حطتني قدام دماري هي محمتنيش من حاجه، الشارع كان هيبقى اكرملي من البيت اللى كنت عايشة فيه، 22 سنه ذل واهانة ومحرومة من حنان الام واخر الحال اتطردت من البيت ولولاك انت يا عمر كان زماني دلوقتي في الشارع

_هي ما كنتش تعرف ان هيحصلك كل ده، مريم هي عملت كدا عشان تحميكي من الشارع وقساوته لأن محدش كان هيرحمك، القطة بتاكل عيالها عشان خايفة عليهم يا مريم واللى عملته امك كان وقتها هو الصح، فكري في اللى قلته كويس وهتلاقي عندي حق

وبعدين سابها بتفكر في كلامه ونزل راح المستشفى
**********
في المستشفى...
عمر وهو بيمسح على وجهه: وده كل اللي حصل

كريم: واضح ان مراتك دي تعبت وشافت كتير في حياتها

حسن بأسف: معاك حق، مي كانت بتحكيلي عنها وعن حياتها اللى عاشتها في بيت كمال وسلوى دول وفعلا حاجه تقطع القلب، بس موضوع ان امها تظهر كدا دي حاجه كويسة بردو على الاقل هتعوضها عن الحنان اللى اتحرمت منه طول عمرها

عمر: بس والدة مريم فكرت كدا لمصلحتها، يمكن وقتها التصرف كان غلط بس الاسباب كانت مبرر كافي للى عملته

كريم: اهم حاجه دلوقتي مراتك تسامح والدتها عشان يتجمعوا من تاني واظن كفاية بُعد لحد كدا

حسن: معاك حق

وبعدين تليفون عمر رن...
عمر: الوو

هالة: ازيك يا عمر، وحشتني يا حبيبي

عمر: وانتي كمان وحشتيني اووي يا هالة، ونفسي تبقي معايا دلوقتي

هالة بقلق: مالك يا عمر صوتك مش عاجبني، انت تعبان؟؟
عمر وبدأ يحكيلها كل اللى حصل

هالة بأسف: ياعيني يا مريم اكيد هي مدمرة دلوقتي

_جدا يا هالة

_ملكش حق يا عمر ازاى تسيبها لوحدها في وقت زي كدا كان لازم تكون جنبها

_لازم اسيبها لوحدها شوية عشان تعرف تفكر يا هالة، عشان تعرف تاخد قرار صح