يوم جديد...
فتحت عينيها لاقيت نفسها بين حضنه وهو كان في سابع نومه
ابتسمت مريم واتحسست وجهه بأيديها وفضلت بصاله لفترة طويلة وابتسامتها مختفتش
_هتفضلي بصالي كتير؟؟
قالها عمر وهو مغمض عينه وابتسامه على وجهه
انصدمت مريم وقالت بارتباك: وانت عرفت منين اني بصالك وانت عيونك مغمضين؟؟
فتح عيونه العسلية وضمها لحضنه اكتر
عمر بعشق: لأني بشوفك بقلبي مش بعيوني يا مريم
رجفة سارت في جسمها كله بسبب قربه منها
قامت بسرعة من عالسرير ودخلت الحمام وهي في حالة خجل كبير تحت نظراته وضحكه عليها
*********
في الكلية...
الشاب: متعرفيش جدول الامتحانات نزل ولا لأ يا انسة؟؟
سلمى: لأ والله معرفش بس عالعموم منين ما ينزل كلنا هنعرف
الشاب: طب متشكر اووى
سلمى بابتسامه: العفو
كان محمد واقف وشايف حوارها معاه والغيرة بقت تنهش فيه
راحلها محمد ووقف قدامها بوش غاضب: مين اللى كنتي بتكلميه دا؟؟
سلمى: انا معرفوش بس كان بيسألني على جدول الامتحانات واضح انه جديد في الكلية، او بيغيب عنها كتير
محمد بغيظ: طب ممكن متتكلميش مع شباب الجامعة تاني
سلمى باستغراب: في ايه يا محمد ده كان بيسألني على حاجه بس، وبعدين انا اصلا مبتكلمش مع الشباب اللي هنا، ومنين ما حد يكلمني بيبقى الجواب على قد السؤال مش اكتر ولا اقل
محمد: بس احنا دلوقتي مخطوبين والكل عارف، يعني لو حد شافك بتتكلمي مع اي شاب هياخد عنك فكرة وحشة حتى لو كان كلامكوا في حدود الزمالة، فلو سمحتي تجنبي نهائيا انك تتكلمي مع اي شاب
وكمل كلامه بغيره: وبعدين انا محبش خطيبتي ومراتي المستقبلية تتكلم مع شاب او حتى اي حد يبصلها
ومسك ايدها وهمس بحب: لأنك بتاعتي انا وبس
سلمى بخجل وابتسامه عاشقة: حاضر يا محمد
*********
في مكان تاني خالص...
_لسه الغدا مخلصش يا صفاء؟؟
قالتها ست عجوزة في اواخر العقد الخامس من عمرها
ردت عليعا ست في العقد الرابع من عمرها:
_ حالا يا نوجة 5 دقايق يا حبيبتي
نجلاء باستغراب: الله، اومال البت نور راحت فين؟؟
صفاء: تلاقيها بتلعب مع العيال قدام البيت مانتي عارفة حفيدتك مش بتهدى ليل نهار لعب
نجلاء: طب نادي نور من برة عشان تيجي تاكل وكمان عشان نروح مشوارنا ده ونرجع بسرعه
صفاء: حاضر
حضرت صفاء الاكل وطلعت تنادي على نور
صفاء: نور... يا نور، يلا عشان الغدا يا حبيبتي
أنت تقرأ
أنت قدري
Romanceالرواية بالعامية المصرية... حين يُخلق الحب من صدفة..! التمسوا لي العذر إن لم تكن الرواية على القدر الكافي من الإتقان والفصاحة، نظرًا لكونها تجربتي الأولى في عالم الكتابة، ستجدون الكثير من التحسُّن والإبداع في باقي الروايات وذلك وعد مني. مع حبي... فا...
