في بيت عمر...
كان قاعد على كرسي السفرة ومريم بتجيب الاكل
عمر: بصراحه الريحة لا تقاوَم وشكلك كدا طباخة من الدرجة الاولى
مريم بابتسامة: بالهنا والشفا
قعدوا ياكلوا ومريم افتكرت حاجه
مريم: اه صح في راجل جه سأل عليك النهاردة وكان عايز منك استشارة
عمر: جه البيت هنا؟
مريم: اه بس انا قلتله على المواعيد اللى بتبقى فيها في البيت لأني كمان معرفش عنوان المستشفى بتاعتك
عمر: طب ياريت يا مريم متفتحيش لأي راجل الباب وانتي لوحدك في البيت، امان ليكي يعني، عشان ممكن يحصلك اي حاجه ماشي
مريم وحست بأهتمامه بيها وخوفه عليها وفرحت
-ماشي
وفجأة رن تليفون عمر...
عمر: ايه يا حبيبتي وحشاني اووى
صدمة لجمت مريم مين حبيبته يعني هو بيحب واحدة تانية
عمر: انا بخير يا قلبي مش ناوية تيجي ولا ايه حضرتك
قامت فجأة ودخلت الاوضة وقفلت الباب
مريم: حبيبته!!!
يعني عنده حبيبة؟
وبيقولها وحشاني كمان
يعني هو مش بيحبني؟
انتي الغبية، هيحبك ليه يعني ها، ده اتجوزك شفقة عليكي مش اكتر، فوقي بقا لنفسك
برا الاوضة...
عمر بفرحة طفولية: واخيييراااا هتييجي
هالة: ايوه يا حبيبي 3 ايام بالكتير واكون عندك يا روحي ومش هسيبك في حالك
عمر: طب حلو اووى بصي قوليلي المعاد اللى هتيجي فيه عشان اروح اجيبك من المطار
هالة: حاضر هتصل بيك قبلها بيوم اقولك يلا مع السلامة
عمر: مع السلامه
ساب التليفون ومسك مجلة وبيقلب فيها وبعدها مريم طلعت من الاوضه
قعدت قصاده وكانت بتبصله بغيظ
عمر لنفسه: ودي مالها دي ضاربة بوزها شبرين ليه
عدت دقايق على نفس الحالة
عمر: مالك يا مريم في حاجة مضايقاكي
مريم بهدوء اصطناعي عكس اللى جواها : هي مين اللى كنت بتكلمها دي وبتقولها حبيبتي ووحشاني
عمر وحس بغيرتها فقرر يتلاعب بأعصابها:
_دي بقا اغلى حاجه في حياتي، دي واحده بحبها جداً
مريم بغيظ: والله طيب
ودخلت اوضتها وسابته بيضحك في سره
***************
في بيت هبة...
هبة لنفسها: كلامك مش هيأثر فيا يا عمر، ومش هستسلم وهفضل وراك لحد ما تبقى ليا، انت حبيبي انا، انت ليا انا وبس
دخلت عليها امها:
_هبة يا حبيبة قلبي قومي البسي عشان في ناس برة عايزه تشوفك
هبة بتساؤل: ناس مين يا ماما؟
الام: ناس يا حببتي جاية تشوفك عارفة يا هبة ابنهم رجل اعمال قد الدنيا وليه مركزه وغني والف واحدة تتمناه ومش كبير اووى
هبة وفهمت مخزى كلام امها:
_ااااه هو الموضوع كدا، طب انا مش هقابل حد يا ماما
الام بنرفزة: ليه يا روح امك بت انتي متجننيش معاكي هو كل ما يجيلك عريس ترفضيه اي حكايتك
أنت تقرأ
أنت قدري
Romanceالرواية بالعامية المصرية... حين يُخلق الحب من صدفة..! التمسوا لي العذر إن لم تكن الرواية على القدر الكافي من الإتقان والفصاحة، نظرًا لكونها تجربتي الأولى في عالم الكتابة، ستجدون الكثير من التحسُّن والإبداع في باقي الروايات وذلك وعد مني. مع حبي... فا...
