يوم جديد
في بيت سلوى...
سلوى ع التليفون: ها لقيتها؟
الراجل: ايوه يا هانم قاعدة مع شاب في بيته
سلوى بضحكة استهزاء: شاب، ده الطبيعي ماهي بنت حرام طبيعي تبقى شمال
الراجل: لا يا هانم ده جوزها
سلوى بصدمة: نعم!!!
_انت بتقول ايه جوزها مين، وانت عرفت منين اصلا؟
الراجل: البواب هو اللى قالي كل حاجه وقالي انها مراته
سلوى بتفكير : طب بص انا اللى هقولهولك دا تعمله بالحرف الواحد
الراجل: اوامرك يا هانم
سلوى: انت تروح تسكن في العماره دي بأي طريقه المهم تبقى في العماره دلوقتي وبعدين هقولك هتعمل ايه
الراجل: حاضر النهاردة هكون فيها بس انا مش هصرف من جيبي يعني يا هانم كُلك نظر
سلوى: هبعتلك الفلوس بس تعمل اللى بقولهولك فاهم
الراجل: من عنيا
بعد ما قفلت التليفون
سلوى: بقا متجوزة يا مريم
بس اتجوزتيه امتى ده؟
يلا مش مهم المهم دلوقتي انك وقعتي في ايدي، ومش هرحمك، ووريني بقا مين هينقذك مني
***************
في بيت عمر...
قامت مريم بكل نشاط وسعادة
طلعت من الاوضة لقت عمر لابس وكان نازل
عمر: انتي صحيتي اصلى محبتش ازعجك
مريم بابتسامه: لأ مفيش ازعاج
عمر: طب انا نازل رايح المستشفى تحبي اجبلك حاجه وانا راجع
مريم: لأ شكرا، فطرت ولا احضرلك الفطار
عمر: لأ انا هفطر في المستشفى
وقرب منها وزاح خصلات شعرها من على عنيها
عمر: كدا احلى
اتكسفت مريم جدا وخدودها احمروا
قرب منها اكتر ورفع وشها ناحيته
عمر: عيونك الزرقا دي جميلة اووى
ضعفت جدا قدامه وقدام كمية المشاعر دي وفضلت سرحانه في عيونه كأنها بتدور على حاجه تقولها ان الكلام ده طالع من قلبه وانه بيحبها زي ما هي بتحبه بس انتبهت للوضع ودخلت اوضتها بسرعه قبل ما يغمى عليها
ضحك هو على كسوفها وبعدها نزل
مريم لنفسها: يا ترى احساسي هيبقى صح ولا لأ؟
ممكن يكون بيحبني؟
متستعجليش يا مريم بكرا تعرفي كل حاجه
***************
في المستشفى...
دخل كريم وحسن على عمر المكتب
كريم: اي يا عريس اخبارك يا عم
عمر: الحمدلله يا سيدي
حسن: اي نقول صباحية مباركة يا عريس؟
عمر: اسكت يا حسن، اسكت عشان كلامك بينرفزني وبيجبلي شلل
حسن: ايه يا عم هو انا قلت ايه واحد عريس هيتقاله ايه يعني
عمر: مانت عارف الجوازة دي جات ازاى يا حدق يبقى بلاش كلام كتير بقا
كريم: طب انا اسيب القاعدة وامشي عشان شكلي كده قاعد في حضانة
أنت تقرأ
أنت قدري
Romanceالرواية بالعامية المصرية... حين يُخلق الحب من صدفة..! التمسوا لي العذر إن لم تكن الرواية على القدر الكافي من الإتقان والفصاحة، نظرًا لكونها تجربتي الأولى في عالم الكتابة، ستجدون الكثير من التحسُّن والإبداع في باقي الروايات وذلك وعد مني. مع حبي... فا...
