في احد المطاعم...
محمد: بصي بقا، الاول هيبقى ولد والتاني يبقى ولد والمرة التالته ننوع شوية فا هتبقى بنت والرابعة بردو تبقى بنت ويبقوا كدا متساويين ونرجع نعيد من الاول عشان منزهقش يبقى الخامس ولد والمرة السادسة تبقى بنت ويبقوا كدا 3 ولاد و3 بنات
سلمى بصدمة: حيلك حيلك ايه شايفني أرنبة يا بابا، عايزني اجبلك ست عيال كدا مره واحده
محمد: اوماال مانا مش هتنازل عن نص دستة
وكمل كلامه وهو بيغمزلها: ولو عايزه اكتر انا معنديش مانع، انا جاهز وتحت الطلب في اي وقت
سلمى: حد قالك قبل كده انك قليل الادب
محمد بتكبر: كتير الصراحة بس انا اللى مبحبش اتكلم عن نفسي كتير
سلمى بزهق: طب يلا عشان نطفح
محمد: نطفح، بقا انا جايبك مطعم وقاعدين قاعدة رومانسيه وبنفكر في جوازنا واولادنا وكمان شوية كنت هقولك هنسميهم ايه وانتي تقوليلي نطفح اي الفصلان ده يا سلمى
سلمى بضحك وضربته على كتفه بخفة: طب يلا عشان متأخرش على ماما انت عارفها بتقفلي عالواحدة
وبعدين تليفونها رن...
سلمى: الوو
واتسعت عينيها بصدمة وقالت وهي بتقوم من عالكرسي: انت بتقول ايه؟!! مستشفى ايه؟!
محمد وقام وقف: في ايه يا سلمى؟؟
سلمى: طيب طيب انا جاية حالا
محمد: في ايه يا سلمى اي اللى حصل؟!!
سلمى بخوف: مش عارفة يا محمد واحد اتصل بيا وقالي ان ماما في المستشفى وانا لازم اروحلها
محمد: طب استني انا جاي معاكي
************
وصلت سلمى ومحمد للمستشفى ودخلوا فورا للأستقبال يسألوها عن رقم غرفة والدتها فقالتلها الممرضة الرقم وراحت جري عالأوضة
اول ما دخلوا لاقوا واحد من ضباط الشرطة واقف ومعاه الدكتور وممرضة وامها اللى نايمة عالسرير تحت المحاليل وجهاز التنفس على فمها
سلمى وجريت عليها ببكاء: ماما ايه اللي حصلك؟؟
ووجهت كلامها للى واقفين: ايه اللى حصلها؟!
الضابط: انسه سلمى عايز اتكلم معاكي شوية
سلمى وهزت راسها: حاضر
طلعت مع محمد للضابط وبعدها بدأ الضابط الحديث:
_احنا لاقينا والدة حضرتك في منطقة مهجورة وكان حد ضاربها بالسكينة في قلبها، بس احنا مسكنا المجرم لأنه ملحقش يهرب وطلع انه واحد هربان من اسبوع تقريبا، وهو اعترف بكل حاجه وانه جه يقابل والدتك عشان ياخد منها فلوس تمن مهمة قتل هي كانت مكلفاه بيها، وانها مرضتش تديله الفلوس وكمان حاولت تقتله وحصل بينهم مشاحنة انتهت بأنه ضربها بالسكينة
أنت تقرأ
أنت قدري
Romanceالرواية بالعامية المصرية... حين يُخلق الحب من صدفة..! التمسوا لي العذر إن لم تكن الرواية على القدر الكافي من الإتقان والفصاحة، نظرًا لكونها تجربتي الأولى في عالم الكتابة، ستجدون الكثير من التحسُّن والإبداع في باقي الروايات وذلك وعد مني. مع حبي... فا...
