....: طيط طيط طيط بلاك
سلامات دخلت في شجرة راحت نشوف طونوبيل قستها شوية نلسقها بشرطيطو و خلاص
....: واشبيك بنتي سلامات
خرج واحد راجل يبان كبير في العمر و لابس حطة وي عمي سلامات عمي مي معرفتش نجريها
.....: مراد وليدي أرواح عون طفلة
جراهالي مراد يعطيك صحا خويا ياربي يعطيك واش تتمنا مرسي عمو لوكان ماشي نتا لوكان راني باصيت
مصطفى: بلا مزية بنتي برك سوقي بلعقل و راح
ركبت في طونوبيل غلقت لبيبان و تواقي شعلت كليماتيزور و قعدت نستمتع بأجمل دقايق حياتي حتى شفت واحد يدقدق في التاقة دورت راسي صبتو بوليسي
لبوليسي: لكوارط ختي و ممنوع تجري هنا
مديتلوا لكوارط لي كانو في طونوبيل و ندعي مايقوليش أعطيني لبارمي
لبوليسي: لبارمي ختي و لاكارت جريز ( نغمالمون هذا هو أسمها) ميتا
دارها زهري لكلب تبسمت تبسيمة صفرة وقلت ماعنديش
لبوليسي: تبعيني ختي
دارلي بروسي لكلب و زاد راني في لكوميسريا بن عمي قاع لابسين لزرق تحسب سنافر قعدوني قدام واحد العجوزة قعدت نجسر معها حتى يدخل البطل المغوار مع عائلتي الكريمة
محمد: روح يا محمد روح على كبري جايب بنتي من بوست بوليس
أسامة: دربتيلي طونوبيل يالكلبة
إلهام: كاش مصرالك بنتي ياك سلامات
فهمتوا دوك علاه نحب طاطا إلهام وي لاباس بابي ياك مسرقتش جريت في بلاصة غالطة و لاكارت ميتا و بلا بارمي
مريم: برك ماشي حاجة مزية ياسر عندو معريفة
أية: ماتهمنيش المعرفة أنا غلطة نتحاسب يالوكان ندخل للحبس 10 سنين
ياسر: أخرجي أخرجي راني فريتها
اية: باي خالتي نتلقوا في ساعة لخير
العجوزة: بقي على خير بنتي إذا هذا راجلك ماتفرطيش فيه باين بلي يحبك
تحبو حبة إن شاء الله خالتي مشيت معهم و في هذه دقيقة نفحتلي نهرب عشية راح نسمع محاضرات من الأب و من أسامة
ناصر: مالا نوصلوكم معنا جينا زوج طونوبيلات
مريم: وي أنا و أسامة و أية نروحوا مع ياسر و نتوما مع بابا
أية: نقدر نروح مع عمو ناصر
ياسر: لالا و أركبوا خلونا نقلعوا
قعدنا ساكتين ياسر يسوق قدامو أسامة و أنا و مريم ساكتين يعني مريم كانت تشلل عينيها و أنا نخمم اما جامع حيصلوا عليا حتى تنطق مريم و ليتها منطقتش
أنت تقرأ
طفولية غيرتني ❤< باللهجة الجزائرية >مكتملة
Paranormalعيون عسلية .. كشهد في الخلية ، و كملاك تحدى الجاذبية ، كَالنورسِ الهائم في الحدود الساحلية تلك هي التي قطعتَ بإسمها الوعود ، لكنها لم تتوقع أن تجد لها الطريق و تعود ، بعد أن تذهب العاصفة و الطمأنينة ستسود .. تتفاجأ بالغيم الممطر المستمرة له بالصعود...
