لحقنا لهذاك سبيطار خرج ياسر قبلي خرجت و طلعت رأسي نشوف سبيطار شحال كبير بدا قلبي يتزير عليا واقيل نرجع خير
.....: اجري راهم فقدو بزاف دم ( هدرها بتركية)
شفت وين لعياط لقيت اومبيلونص و قدامها زوج طونوبيلات دورت رأسي لقيتهم مخرجين طفلة تبان في العشرينيات اصبر كيفاه هذي طفلة تاع المنام ضاق فيا نفس بديت نتنفس بزربة كان كرشها داخل فيها زجاج و ناس يجرو بيها ديرلنها تاع الأكسجين في فمها تبعتهم باش نعرف شكون هيا حتى شفتهم مداخلين واحدخرة هذي انا و الله أنا رأسي كان جاع دم حسيت بواحد البرد فطرافي تقول واحد ارمى عليا بيدون ما ماحسيتش بروحي غير نشوف كلش مضبب و دموعي مخلنيش نشوفوا الطريق حتى حسيت دنيا حبست صوت تقطع و لبلاصة والات جاع كحلة
yasser prv^
خرجت قبل أية باش نراقب تصرفتها و نشوف إذا عقلت على سبيطار لقيتها تقرب لبلاصة فارغة مافهمتش واش بيها شفت يديها يرجفوا و دموعها بدو يسلوا حتى بدات تعيط راحت نجري ليها نسي نكلميها حتى تغاشت قبل ما توصل اللرض رفدتها جات واحدة لفرملية جابتلي بونك حطيتها و داوها لغرفة المعاينة قعدت فوق الكرسي نسنا فيها واحد زوج سوايع باش خرجو
^الهدرة بالإنجليزية ^
ياسر: هي دكتور ماي وايف واشبيها
دكتور: يور وايف عندها فقر الدم حاد
ياسر: فقر الدم كيفاش مكنتش مريضة هيا بيه
دكتور: مع الأسف الجسد تاعها مقاومتوا ضعيفة و نظن عندها فقدان الشهية علابيها مرضت نقدر نسقسيك
ياسر: تفضل دكتور
دكتور: كي عرضنا لمريضة على الأخصائية النفسية تبين سبب الإنفعلات و الإنهيارات العصبية راجعة للحادث طرأ لها تقدر تحكيلني عليه
ياسر: وي عندها واحد لعام صرالها حادث سير هنا في تركيا فقدت الذاكرة بسبتو
دكتور: فقدان كلي و لا جزئي
ياسر: جزئي نسات بريودات المراهقة تاعها
دكتور: فهمتك شوف هناك أمل تشفى و ترجع ذاكرة كيما قادرة ماترجعش لازم تسعفها و تعاونها
ياسر: علاه كاين خطر على صحتها
دكتور: في الوقت دوكا إيه مع صحتها لي مساعدتنش
ياسر: ماتخفش دكتور ندير واش نقدر نقدر نشوفها
دكتور: من الأفضل تخرجها منا سبيطار مساعدهاش
أنت تقرأ
طفولية غيرتني ❤< باللهجة الجزائرية >مكتملة
Paranormalعيون عسلية .. كشهد في الخلية ، و كملاك تحدى الجاذبية ، كَالنورسِ الهائم في الحدود الساحلية تلك هي التي قطعتَ بإسمها الوعود ، لكنها لم تتوقع أن تجد لها الطريق و تعود ، بعد أن تذهب العاصفة و الطمأنينة ستسود .. تتفاجأ بالغيم الممطر المستمرة له بالصعود...
