_سبحان الله وبحمده سبحان الله العظيم _
مروان: تسما قالتيلي بلاك خدمة مي شكيت حاجة كبيرة
أية: نتا تعرف علاء قبل
مروان: مانعرفوش مي ماشكيتش هوا سبة هذي لمرة خطرش لوكان هموا غير في ياسر يعرف كيفاه يضروا مي هذي لمرة حتى فؤاد داخل فلوسط
أية: دوك نعرفوا هايليك لابوسط
خرجنا مطونوبيل شديت يد أمير و دخلنا للكوميساريا كلش زرق و ناس هنا و هنا لي يخدم لي يلعب لي يأكول لي يبكي قعدت فوق واحد لكورسي و درت أمير في حجري راني صح خايفة نعرف لريبونس
مروان: نروح نهدر مع شاف و نجي
همهمتلوا برأسي وقعدت نزكم خيماري راهي قريب طيحلي دمعة مي لازم نشد روحي لازم نكون قوية لازم شفت مروان جاي و كان يتبسم إرتحت شوية
مروان: ليكي أية كاين هذيك شومبرا تع ليزافوكا روحي يفتشوكا تفتيش خفيف و أدخلي تستناي ياسر
درت كيما قالي فتشتني واحدة لتم و دخلت قاعدة غير نخبط برجلي متقلق حتى شفت لباب تحل نضت لقيت ياسر داخل و في يديه ليمينوت جيت رايحة لعندو حبسني بيدو
ياسر: علاه جيتي - ببرود-
أية: واش قصدك جيت لعندك باش نطمان عليك
ياسر: متجيش و هذي لادغنياغ فوا نلقاك في هذي لبلايص- هدرها بعياط-
أية: ياسر واشبيك علاه راك تعيط مي أنا جيت علاجالك علاش هكا
ياسر: إسمعيني مليح دوك تنوضي كي شاطرة تدي تيليفوني من كومساريا و تروحي للدار و مادخليش روحك جاع في القضية هذي
أية: علاه ياسر ماراكش حابني نوقف معك علاه أنا مرتك و هذا واش لازم ندير واجبي مانخليكش وحدك
ياسر: علاه على واش ياك أنا راجلك أسمعي واش قولتالك و هيا
أية: واشنو علاش خطرش نحبك مراكش تشوف بلي مانقدرش نسمح فيك واشبيك هكا ياسر علاه راك تهدر معيا هكا
ياسر: و شكون قالك أنا نحبك مرانيش حابة تزيد تتخرب حياتي كثر أقعدي بعيدة
أية: ياسر منك سيريو راك حابني نقعد بعيدة عليك في الوقت لي تسحقني معليش صحا على كلش
حسيت كلماتو تقول موس دخل في قلبي جاني واحد لوجع كانت حتطيحلي دمعة مي شديت روحي قدامو خرجت بواش قعدلي من كرامة يعني هكا تخلاص عليا كي خممت فيه جرحني زاد كمل عليا تسما أنا نحس دخل في حياتو عندها لحق واش قالت مريم
مروان: أية واشبيك كيفاش راه ياسر
أية: راه خير مني مروان جيبلي تيليفونوا قالي خليه عندك
مروان: أوكي شدي مفتاح روحي لطونوبيل و دوك نجي و نجيب أمير
أية " راحت قاعدت في طونوبيل و خليت دموعي يطيحوا و قعدت نتنفس بسيف علاه دايمن أنا علاااه ياسر واش درتالك علاه يعني هذا معنتها رفضني هو قالهالي مايحبنيش شفت مروان جاي مسحت دموعي و دورت رأسي للتاقة "
أنت تقرأ
طفولية غيرتني ❤< باللهجة الجزائرية >مكتملة
Paranormalعيون عسلية .. كشهد في الخلية ، و كملاك تحدى الجاذبية ، كَالنورسِ الهائم في الحدود الساحلية تلك هي التي قطعتَ بإسمها الوعود ، لكنها لم تتوقع أن تجد لها الطريق و تعود ، بعد أن تذهب العاصفة و الطمأنينة ستسود .. تتفاجأ بالغيم الممطر المستمرة له بالصعود...
