إلهام: معليش بنتي سلامات ياك هيليك مانو علجية و مرت عمو خولة بنتها نريمان مرت خالو أميمة بنتها نهلة مزوجة و عندها طفلة و هذي خالتو وئام و بنتها تسنيم هذا لعام لبيام
سلمت عليهم بدالة حناكي طابو و قعدت بين خالتو إلهام و مانو علجية
علجية(يمات باباه): واشبيك بنتي مصفرة و مشيانة مراهمش يتهالو فيك
خولة: تبان صغيرة ماشي واجدة للزواج قالتها و هيا تحرك شفاه الفقمة تاعها
إلهام: خلوا طفلة ياك مربية و عاقلة و بنت أصل هذاك لي يهم
رتيبة: اشربوا كولوا راه قدماكم ماتحشموش
علجية: نتي يماها على رتيبة
اية: لالا عمتي يما ميت ربي يرحمها قلتها و أنا شايدة دمعة
علجية: الله يرحمها بنتي ماتزعفيش ماني كي سقسيت
رتيبة: نورمال لالة علجية
نريمان: مرانيش مأمنة ياسر حيتزوج يما تشفيلوا كيفاه كان
خولة: كيفاه ننسا ماكان حتى واحد يحبو لي يقرب ليه يجرحوا و مزالو هكاك
أية: ماشي لازم تحبوه نتوما صح أنا نحبوا ياك أنا مرتو
مريم: صحا صحا شوف شكون راهي تحمي على خويا قالتها بلعقل مي سمعتها
تسنيم: هيا نزهيوا لحالة ديروا شوية غنا
دراو لغنا لي تشطح تشطح لي تزغرت تزغرت غير أنا حاسة روحي منتميش ليهم جات خالتو وئام ليا تهدر معيا تبسمتلها
وئام: خموس عليك بنتي الله يبارك و مرحبا بيك عندنا
أميمة: ارواحوا نحنيو لعروسة و نديروا لبقالات
بدو يحنيولي مي هذيك مرت عمو و بنتها لجوني قاعدو غير يرموا لكلام مافهمتش علاش يكرهوه لياسر
إلهام: بنتي كاش مابيك
اية: والو طاطا إلهام كنت غايسة برك
خولة: طاطاك نوغمالمون تقوليلها يما
أوكي أية شهيق نهيق تنفسي منحبش واحد يقولي هكا نحس روحي مقطوعة من شجرة عندي غير يما واحدة و لي هيا ياسمينة مي هذي حاج كلوف
اميمة: خلي طفلة واقيل حشمت ايه عيطو لعريس يلبسلها الخاتم
خولة: علاه راهم عقدو و دارو كلش كاش ماقعد خاتم
علجية: وي مافهمتش علاش تعرضونا دقيقة لخرا تقول مافميلتو هنايا
دخل ياسر وراحت هذيك ناريمان تسلم عليه واشبيك سريو واشبيك شافت فيا مريم لقيتها تغزر فيا بغزرة و إبتسامة شيطانية كي خوها وقفت قدامو و شدلي يدي شكون الحيوان لي دار موسيقى رومانسية دورت رأسي للبوست لقيت اسامة مع مريم قاعدين يتمعشقوا و يضحكوا ماحسيتش بياسر لي قرب ليا
أنت تقرأ
طفولية غيرتني ❤< باللهجة الجزائرية >مكتملة
Paranormalعيون عسلية .. كشهد في الخلية ، و كملاك تحدى الجاذبية ، كَالنورسِ الهائم في الحدود الساحلية تلك هي التي قطعتَ بإسمها الوعود ، لكنها لم تتوقع أن تجد لها الطريق و تعود ، بعد أن تذهب العاصفة و الطمأنينة ستسود .. تتفاجأ بالغيم الممطر المستمرة له بالصعود...
