شوق المارو

٦ : مواجهه..

٦ : مواجهه..
- شوق بتوتر : ا.. انت مين؟
- مروان : انا صاحب البيت انتي الي مين؟
- شوق بتوتر و بدات رجع لورا : بعتذر جدا... بع.. بعتذر جدا... و لفت وشها و جريت لحد ما خرجت من البيت و مروان جري وراها بس للأسف هيا كانت بتجري اسرع و معرفش يلحقها.
- مروان بضيق : معرفتش الحقها... طب.. طب كانت تقول اسمها بس... اعرف اسمها اي بس.
جاب مفتاح الشقه و قفل الانوار و قفل الباب و ركب عربيته و مشي.
****************
- شوق بتوتر و بتتنفس بسرعه : يلهوي... عرفت اهرب... الحمدالله... استغفر اللله... يارب سامحني يارب... واللهي انا بس حبيت اساعد و اروق البيت و مش في نيتي حاجه و انت عارف... يارب احميني و ساعدني يارب.
شوق فضلت واقفه مكانها لحد ما هديت و بعدين راحت الشغل.
- نيره : بقى كويس؟
- شوق : مين؟
- نيره : ابن اخوكي.
- شوق : اه اياد... الحمدالله بقى احسن.
- نيره : الحمدالله.... يلا انا في المكتب لو احتاجتي حاجه.
- شوق : تمام..
شوق فضلت واقفه و لو في حد جه بتحاسبه و تقعد و لما جه وقت الحضانه استأذنت من نيره عشان تروج تجيبهم و راحت روحتهم و رجعت الشغل.
******************
- نادر : مالك يا مروان؟
- مروان بضيق : كويس مفيش حاجه.
- نادر : لا مش كويس.. من الصبح و انا حاسك مخنوق و متضايق.
- مروان بضيق : خلاص يا نادر قولتلك مفيش..
- نادر : الي يريحك بس انا موحود لو احتجت تحكي لحد.
- مروان بضيق : ماشي.
- نادر : جهز نفسك... يوم التلات عندنا عمليه صعبه... في شركه مخزنها في المنطقه الصحراويه هتسلم بضاعه مضروبه و تُنصب على شركه و تم ابلاغنا و هنمسكهم و هما بيسلموا البضاعه.
- مروان : انا جاهز في اي وقت.
- نادر بجديه : كان في إبلاغ عن بنت مفقوده اسمها روان عايز الملف بتاعها عشان الاقي أهلها... و عايز ملف الي عاملين إبلاغ عن بنتهم المفقوده.
- مروان : تمام... ربع ساعه و الملفات كلها هتبقى عندك.
- نادر : هستناك.
قام مروان و جمع الملفات كلها.
******************
- شوق : يلا انا هروح... حضرتك محتاجه حاجه؟
- نيره : سلامتك يا بنتي.
- شوق : الله يسلمك.
شوق لبست شنطتها و عدلت هدومها و شعرها و ركبت عربيه و روحت....
- سمر : عمتو جت عمتو جت.
- شوق : تعالي هاتي بوسه... و باستها في خدها.
- سمر : هتحكيلنا قصه قبل النوم.
- شوق : من عنيا... اومال فين اياد؟
- سمر : في الاوضه.
- شوق : يلا روحي الاوضه و انا هغير هدومي و اجيلكوا.
- سمر : حاضر يا عمتو.
- شوق : يحضرلك الخير..
شوق دخلت اوضة مامتها و غيرت هدومها بعدين دخلت المطبخ شربت ميه و طلعت الحاجات الي كانت جايباها ليها و لسمر و اياد و اخدتهم و دخلت اوضتها.
- شوق : انا جيت..
- سمر : نورتي يا عمتو...
- شوق : نورك يا حبيبتي...بعدين لاحظت هدوء اياد و نظراته للكتاب و هو محتار.
- سمر بهمس : اياد بيحل جبر..
- شوق : اها طب اقعدي و انا هروحله.
- سمر : حاضر.
- شوق : ديدو.... بقولك.
- اياد و هو مركز في المسأله : ازيك يا عمتو.
- شوق : الحمدالله يا ديدو و انت؟
- اياد و لسه مركز في المسأله : الحمدالله.
- شوق : سمعت انك بتحل جبر.
- اياد و بدء يكتب : اه..
- شوق : في حاجه واقفه قدامك؟
- اياد ساب القلم و بصلها : اه المسأله دي مش عارف احلها.
- شوق : وريني كده.... امممم دي مسألة ضرب... انت حافظ جدول الضرب؟
- اياد : حافظ جدول ضرب رقم واحد بس.
- شوق : طيب... بكره هنحفطه كلنا تمام و انا هفهمك دي دلوقتي عشان تسلمها بكره.
- اياد : ماشي.
- شوق :دلوقتي عندك تفاحتين و عايز تزود عليهم ٢ كمان هتعمل اي؟ هتجيب تفاحتين كمان... المسأله دي ٢ x ٢ يعني هتجيب ٢ و تزود عليهم ٢ كمان يبقى المجموع اربعه.
- اياد بحزن : دي طلعت سهله.
- شوق : و اي الي مزعلك.
- اياد : انا بحب الجبر و طلعت مبعرفش احله.
- شوق : بص في اي حاجه حتماً لازم يقف قدامك حاجه عشان تعرف تكمل..... يلا قوم تعالى غشان احكيلكوا القصه.
- اياد : حاضر... و قام قعد جمب سمر على السرير.
- شوق : كان يا مكان في قديم الزمان... كان في بنت اسمها مريم... كانت حزينه جدا و بتجيب درجات وحشه و المدرس بيطلعها و يخلي زمايلها يتريقوا عليها لحد ما في يوم في بنت صاحبتها و قالتلها عايزه ابقى صاحبتك و بقوا صحاب و مريم بقت بتجيب درجات حلوه و في يوم المدرس اتصدم من درجتها و طلعها و قالها انها غشت... راحت البنت صاحبة مريم قامت و قالتله كفايه ملكش دعوه... هيا نجحت بمجهودها... مريم بنت جميله... كنت بشوفها كل يوم بتعيط بعد المدرسه بسببك.... و بسبب الي بيتريق عليها... هيا كانت عايزه يكون ليها صحاب... انا صاحبتها و اتغيرت... انا كنت نقطة تغيير في حياة مريم و ده مجهودها و مينفعش تفضل طول عمرك كده... و توته خلصت الحدوته.... و القصه دي تعلمنا لي؟
- اياد و سمر : اي؟
- شوق : اننا نختار الصحاب الصح... و لو لقينا شخص وحيد منحسسهوشش انه لوحده.
- سمر : يعني لو لقيت واحدة لوحدها اصاحبها.
- شوق : أيوة كدة لازم تكون جمب بعض اتفقنا.
- اياد وسمر : اتفقنا.
- شوق : طب يلا ناموا.
- اياد : ماشي تصبحي علي خير.
- شوق :وانتو من اهله.
وخرجت من الاوضه.
- شوق : ماما عايزة حاجه انا هنام.
- هناء : لا يا حبيبتي سلامتك.
بعدين رجعت و نامت جنب اياد و سمر.
**********
أميرة فكرت أنها تروح تتكلم مع امير شويه بهدوء فراحت كان قاعد قدام للتلفزيون قعدت جمبه.
- أميرة بتردد : امير.
- امير وهو مشغول بالماتش : نعم؟
- اميرة : عايزة اتكلم معاك شويه.
- امير بصلها بضيق : لازم دلوقتي وانا بتفرج علي الماتش.
أ- ميرة : معلش خليها عليك يا امير.
- امير : اتفضلي خير.
- أميرة بضعف : ليه بتعمل معايا كدة؟
- امير ببرود : بعمل ايه؟
- أميرة : انت عارف كويس أمير هو انا مش متجوزين عن حب راح فين الحب دة يا أمير ليه بقيت كدة ليه بقيت تقسي علي اقرب الناس ليك
- امير : انا مش بقسه علي حد يا اميرة.
- أميرة بعياط : لا بتقسي ليه بضيع عمرنا كدة.
امير-  حس بضعف قدام دموعها : ممكن متعيطيش.
- أميرة : خايف عليا.
- امير : ملوش لزمه الكلام دة بس متعيطيش.
- أميرة : امير انا تعبت.
- امير بعصبية : تعبتي اه وعايزة تطلقي صح.
- اميرة : انا مش عايزة زفت يا أمير انا عايزاك تحبني زي الاول عايزة امير الانا حبيته هو راح فين.
- امير : قدامك اهو يا هانم بس انتي مش واخدة بالك.
- اميرة : لا انت الي مش واخد بالك اني بضيع منك.
- امير بعصبية : تقصدي ايه؟
- أميرة بزعيق : اقصد اني مش هتسحملك تاني بعد كدة اقصد ان ليا طاقه وهتخلص ولو مطلقتنيش هخلعك؟
- امير قام بهدوء وقرب منها : تخلعيني انا صح .....ضربها بالقلم جامد ومسكها من شعرها : انا يا زباله يا عرة انتي فاكرة نفسك مين عشان تقولي ليا انا الكلام دة ....دة انا اموتك.
- أميرة بالم : اااااه حرام عليك بقي حرام يا أمير.
- امير وبيضربها بعصبيه : حرام هو انتي لسا شوفتي حاجه.
- اميرة بصتله بالم من ضربه وقالت : بكرهك يا أمير صدقني بقيت اكرهك.
امير وقف عن ضربها واتصدم من الكلمه الكلمه هزت جواه حاجه حس أن قلبه خرج من مكانه من نبرتها وشكلها دة كان عايز يحضنها جامد يخفف عنها بس عقله رفض وفجاه انهال عليها بضربات جامدة صرخت بوجع منه ومقدرتش تستحمل كل دة واغمي عليها
فضل يضربها لحد ما لاحظ سكوتها بصلها لقاها اغمي عليها قلبه وقع من منظرها شالها بصدمه : أميرة فوقي !!!!