شوق المارو

٤ : انتظار..

*******
٤ : انتظار..
كتبت على الورقه " بص انت لا تعرفني ولا اعرفك كل الحكايه أن انا لقيت بيتك مفتوح فدخلت ومعجبنيش فوضت البيت دي فا روقت وسوري علي الازعاج وشكرا علي كلامك" و سابت الورقه وخرجت بس مضايقه من نفسها اوي ازاي عملت كدا ازاي دخلت بيت واحد عازب ما اكيد دة مش متجوز علي ما الفوضي ال في البيت دي هي لا يمكن تروح تاني البيت دة خلاص مينفعش نروح تاني وقررت كدة وكانت مضايقه من نفسها علي العملته.... و راحت شغلها القديم.
- حسام : اتفضل.
- شوق : انا عايزه اقدم استقالاتي.
- حسام بتعجب : لي كده؟
- شوق : مش هعرف اشتغل هنا... و كمان الشغل هنا بيخليني مركزش في مذاكرتي و كده... و انا عموماً بدأت في شغل جديد اسهل.
- حسام بضيق : تمام.. فين ورقة الإستقاله؟
- شوق : اتفضل اهي.
- حسام بضيق : تقدري تمشي.
شوق مشيت و راحت لشغلها الجديد و هيا مليانه نشاط....
- نيره : ازيك يا بنتي.
- شوق : انا الحمدالله... معلش اتاخرت شويه عشان وديت ولاد اخويا الحضانه و روحت قدمت استقالتي.
- نيره : ولا يهمك يا بنتي... اقفي في الحته دي و لو في حاجه تترص او كده هناديلك... انا في المكتب.
- شوق : تمام اتفضلي..
*****************
- زياد : ازيك يا اخت.
- ساره : لا موڨ جامده موڨ جامده... اي القصه دي يبني.
- زياد : عجباكي؟! اعملهالك؟
- ساره : لا مش للدرجه دي يا عم.
- زياد : كملي الي هقوله... في دماغي طفل و راجل عجوز.
- ساره : عندي شجاعه اصارع النمور.... و على فكره هيا دماغي طفل و راجل عجوز.
- زياد : انا بهبد اصلا و مش حافظ.
- ساره : انا قولت كده بردوا.
- زياد : طب مش يلا عشان المحاضره؟
- ساره : يلا.
****************
- حامد : اي ده شوق ازيك.
- شوق بصت : انت!
- حامد : اه... عامله اي ؟
شوق جريت دخلت المكتب..
- نيره : مالك يا شوق؟
- شوق بألم : لوسمحتي ممكن انتي تحاسبي الزبون الي برا ده..
- نيره : طب اقعدي استريحي و انا هحاسبه.
- شوق : تمام... و قعدت سرحانه....
- نيره : اتفضل الفاتوره... الحساب ١٠٠ جنيه.
- حامد بحزن : اتفضلي.. ياريت تعتذري للآنسه شوق نيابةً عني..
- نيره : حاضر.... و دخلت المكتب.
- شوق بألم : مشي؟!
- نيره : اه بس ممكن تقوليلي عمل اي معاكي عشان يقولي اعتذر نيابةً عنه؟!
- شوق و هيا سرحانه : قصه قديمه.
- نيره قربت منها و حضنتها : و انا موجوده لو عايزه تحكي.
- شوق : حامد يكون قريب بابا بس من بعيد و كنا بنتكلم كل يوم و كنت بعتبره اخويا الكبير لحد ما في يوم لقيت حد باعتلي من اكونت مزيف و بتقول انها بنت و حذرتني منه و انه وحش و كانت بتحاول تكرهني فيه مصدقتهاش عشان مشوفتش منه حاجه وحشه... بعت لصاحبه و قولتله ان اكونته ممكن يكون متهكر و قولت لصاحبه اني لازم اوصله دلوقتي.... بعديها صاحبه بعتلي سكرين للرسايل ما بينهم بيقول كالآتي... انا كرهت حامد في حياته و انه بعت بنت عشان تكرهني فيه و انا بردوا مش عايزه اسيبه في حاله... يومها قررت اقطع الصفحه الي مكتوب فيها حامد من حياتي...
- نيره : طب لي متصلتيش على حامد؟
- شوق بألم : كان عايش بره و معيش رصيد اكلمه... من ساعتها و انا بقيت بخاف اصاحب حد... مبحبش اتعلق بحد و يسيبني... هيا ساره الوحيده الي صديقتي.
- نيره : روحي يا بنتي....و لما يجي تاني ادخلي هنا على طول و انا هخرجله من غير ما تخاطبيه.
- شوق : حاضر...
شوق لبست الشنطه و عدت خدت اياد و سمر من الحضانه و روحت البيت.
**************
- زياد : لا بقى كده عفريت... كده انا مُتأكد ١٠٠٪ في البيت ده ملبوس و فيه عفاريت....مش معقوله ٣ ايام ورا بعض البيت يتروق
مروان كان لسا راجع من الشغل وسمع زياد.
- مروان :ايه دة يعني اكيد شافت الورقه هروح اقرئها ... بعدين وقف وقال بخبث :لا احنا نتسلي علي الاهبل بتاع العفاريت دة شويه.
وبعد خرج ودخل من باب المطبخ ومشي بهدوء لحد اوضته وجاب لبس عفاريت ولبسه وقفل النور عن البيت ونزل.
- زياد بخوف :احيييه هو النور أطفئ ليه كدة.
سمع صوت همس قريب منه كدة.
- زياد برعب : ايه الصوت دة يلهووي عليا انت مين يا عم.
- مروان بصوت مرعب : انااااا كلاشينكوف.
- زياد بغباء :مش كلاشينكوف دة بتاع استاذ محمد رجب.
- مروان بهمس : انا بخوف مين يارب بخوف واحد تافهه ...... وبعدين قال بصوت مرعب اكتر: لااااا انا العفريت كلاشنكوف دة اسمي.
- زياد :ايه !!!! عفريت يخرااااااابي.
- مروان : باااااس انا اي لبنضف البيت.
- زياد برعب : انا قولت كدة بردو ....علي فكرة أنا بدعيلك في كل صلاه يا راجل كل صلاه والله.
- مروان بغضب :صلاااه؟
- زياد : ايه انت مش بتصلي.
- مروان : انا عفريت يا غبي.
- زياد :اااااه ط ...ط طب اا ا اعمل ايه دلوقتي.
- مروان : انت لازم تموت لانك جيت وانا لسا في الفيلا.
- زياد : احييييه ياااااامه اموووت لييييه بس بص ولا اكني شوفتك والله.
- مروان : لا هتموت هتموووت.
- زياد : ممكن ممكن نسيبلك الفيلا خالص ونمشي.
- مروان وهو بيقرب : هتموت هتموت.
- زياد برعب وهو بيبعد : اه يا حوستي السودة يانا يااما هموت بدري ياااامه.
- مروان : اتشاهد علي روحك.
- زياد : عاااااااااااااااااااا لاااااااااااااااااااا.
مروان مقدرش يكمل و وقع علي الارض من كتر الضحك.
- زياد قام بخوف بعد ما عرف أن دة صوت اخوه وفتح النور : انت متخلف يا عم حد يعمل كدة.
- مروان بصوت متقطع من كتر الضحك : اعمل... اعملك ايه انت الاهبل هموووتتت.
- زياد بعصبيه : تصدق بالله انت حيوان دا انا كنت هعملها علي روحي يا جدع منك لله.
- مروان : أحسن مش انت العمال تقول عفريت عفريت.
- زياد : ربنا يخدك يارب وأشوف فيك يوم.
- مروان : بس يا أهبل يا ابن الهبله.
- زياد بسماجه : ما هي الهبله هي نفس الهبله الي جبتك.
- مروان : اه صحيح طب يلا يا اخويا اطلع غير.
- زياد : حاضر ...كشفت راسي ودعيت عليك.
- مروان : مقبولة ....واول ما اتاكد أن زياد طلع جري علي المطبخ ومسك الورقه وشاف الي كتبته "بص انت لا تعرفني ولا اعرفك كل الحكايه أن انا لقيت بيتك مفتوح فدخلت ومعجبنيش فوضت البيت دي فا روقت وسوري علي الازعاج وشكرا علي كلامك"
ابتسم تلقائيا علي كلامها وحس أن قلبه دق بسرعه جنونيه ومش عارف ليه ..... هو مستغرب ازاي بنت قدرت تخش بيت متعرفوش وكمان تروق مخافتش طب ؟؟! غريبه البنت دي مووت بس شكلها طيبه بسذاجه... بس لا انا لازم اشوفها واشكرها بنفسي بس اشوفها ازاي انا حته معرفش اسمها ايه !! هبقي افكر في الموضوع دة بس اطلع انام شويه.
********
شوق رجعت بالأطفال وطلعت علي شقه امير.
- أميرة : حبايب ماما وحشتوني.
- ايام و سمر : وانتي كمان يا ماما.
- أميرة : تعالي يا شوق خشي.
- شوق : لا لا هطلع بقي.
- أميرة : هزعل منك تعالي خشي يلا.
- شوق : تمام.
ودخلو كان امير قاعد.
- امير بغضب : كويس انك جيتي يا استاذة تعالي.
- شوق بتعب : خير يا أمير؟
- امير : انتي ازاي يا هانم متجيش تقوليلي موضوع حضانه الولاد.
- شوق بتعجب : هي أميرة مقالتش.
- امير : لا قالت بس المفروض حضرتك كنتي جيتي قولي.
- شوق : والله المفروض مرات حضرتك هي الي تقولك هي ام الولاد وانت ابوهم انا مالي.
- امير : انتي بتعلي صوتك عليا.
- شوق بتعب : امير بالله عليك انا تعبانه ومش قادرة اتخانق فا ونبي سبني.
امير قلق شويه عليها ...امير واخد طبع أبوه الشديد أو ابوه العلمه يبقي كدة بس هو مش زي أبوه هو يمكن نقطه في بحر قسوة ابوة بس الجينات ماثرة.
-زامير بقلق حاول يخفيه : مالك؟! انتي كويسه؟
- شوق بألم و تريقه : اهمك اوي.
- امير بعصبية : انتي بتتريقي طب تعالي.
- أميرة جريت ومسكته : امير عشان خاطري انا بلاش تيجي جمبها انت مش شايف وشها عامل ازاي عشان خاطري انا يا أمير ونبي.
امير بصلها حس بحنين ليها رغم كل الي بيعمله هو لسا بيحبها بس مش عارف يتخلص من طريقه أبوه ...بصلها بحب بس مش لاقي نظره حبها لي شايف كره خوف مفيش نظرة حب الغضب اتملك منه تاني خصوصا لما امه قالتله علي الطلاق هي لا يمكن تبقي لغيره ...دفعها جامد وزعق: ملكيش دعوة ...انتي ملكيش عندي خاطر اصلا مش انتي عايزة تطلقي جايه تقوليلي خاطري دلوقتي اوعي من وشي ودخل الاوضه.
شوق بصت علي الاطفال لقيتهم واقفين بيعيطو راحتلهم.
- شوق بحنان : بتعيطو ليه؟
- سمر : بابا بابا بيزعق جامد اوي.
- اياد : هو بابا ليه بيعمل كدة؟
- شوق : حبايبي بابا متخانق مع ماما شويه وهيتصالحو متخافوش كدة.
- اياد : بس بابا علطول كدة انا خايف منه اوي.
- سمر : وانا كمان.
- شوق بغضب من أمير : متخافوش يا حبايبي بابا مش هيعمل حاجه يلا اطلعوا لستو عشان تناموا. .
العيال طلعوا وشوق لقت أميرة بتعيط جامد.
- شوق : اهدي يا اميرة عشان خاطري.
- أميرة : انا تعبت هو ليه بيعمل كدة انا بحاول اصلح بينا لاكن هو بيسوء يوم عن تاني معقوله دة امير الي حبيته واتجوزته معقوله هو دة امير الي كان بيموت فيا معقول !!!
- شوق : حبيبتي دة نصيب معلش.
- أميرة : انتي عارفه ايه الي وجعني اني لسا بحبه يا شوق بعد كل الي عمله لسا بحبه انا بني ادمه معدومه الكرامه.
- شوق : لا مش معدومه ولا حاجه بس الحب كدة معلش كله هيبقي خير.
- أميرة : يارب يارب.
- شوق : انا هطلع أنام تصبحي علي خير.
- أميره : وانتي من أهله.
****************
مروان منمش طول الليل بعد قرار الإجازة أيوة خد إجازة عشان يشوفها وكلم صاحبه وقال إنه تعبان وهياخد إجازة ...لازم يشوفها البني ادمه دي غريبه ولازم يعرف هي بتعمل كدا مع كل حد ولا ايه بظبط من كتر التفكير نام وهو متشوق يشوفها !!