شوق المارو

١ : اضواءً مُشتعِله.

الساعه ٨ : ٥٥.
صحيت من النوم و كالعاده سامعه صوت عياط مامتها دخلت الحمام غسلت وشها و اتوضت و صلت و دخلت لمامتها.

- شوق : ماما؟
- هناء و مسحت دموعها بسرعه : ادخلي يا شوق..
- شوق بحزن : اي الي حصل تاني يا ماما ضربك لي؟
- هناء بيأس : معملتش حاجه واللهي يا بنتي و ماشيه على الصراط المستقيم و بدعي ربنا يهدي أبوكي.
- شوق بحزن : طب لي يا ماما مطلبتيش يطلقك؟
- هناء بحزن : طلبت يا بنتي و كل مره كان بيضربني... معرفش اي الي حصل و خلى ابوكي يتغير فجأه..
- شوق بضيق : انا بكرهه... و مش هعترف بيه غير لما يبطل الي بيعمله... من هنا لحد ما يبطل انا مليش اب اسمه نور....فين شنطة الإسعافات الأولية؟
- هناء : مينفعش كده يا بنتي هو مهما عمب و مهما كان اسمه ابوكي.
- شوق بضيق : ماما اقفلي الموضوع..
- هناء : معندكيش شغل او جامعه انهرده يبنتي؟
- شوق : عندي يا ماما بس هروح الشغل اشوف لو هيحتاجوني في حاجه انهرده و لو مش هيحتاجوني هستأذن و اروح الجامعه.
- هناء : و المدير هيسمحلك؟
- شوق و هيا بتدهن المرهم : اه متقلقيش يا ماما انا متفقه معاه على كده من قبل ما أشتغل...يلا انا خلصت... متتحركيش كتير انهرده!
- هناء بحنان: حاضر... خلي بالك من نفسك.. روحي يا بنتي ربنا يحبب فيكي خلقه و يريح قلبك ❤️
- شوق : آمين يا ماما... انا هقوم البس و انتي نامي شويه.
- هناء بحنان : حاضر.
شوق قامت دخلت اوضتها و لبست تيشرت ابيض واسع على بنطلون boyfriend اسود... و رفعت شعرعا ديل حصان و حطت برفيوم و نزلت ركبت العجله بتاعتها و راحت للشغل.
****************
- مروان : انت يبني يلا فوق..
- زياد بنعاس : نعم عايز مني اي؟!
- مروان : قوم يا زيزو يلا عشان الجامعه.
- زياد بنعاس : مش عايز اروح انهرده.
- مروان : هتروح غصب اي رأيك؟
- زياد و فتح عين واحده : و لو مروحتش؟!
- مروان و ربع ايده : هشيلك كده بالبجامه و احطك جوا الأوبر و اوديك الجامعه.
- زياد بضيق : اوووووف حاضر حااااااضر.
- مروان : يلا قوم اتوضى و صلي و انا هروح المطبخ اشوف اي حاجه تتاكل.
- زياد : حاضر.
- مروان : انا مش فاهم... هو البيت ده مدعي عليه؟ هو كل ما اروقه يتكركب تاني.... هروقه لما ارجع... و لقى اتصال من نادر.
- مروان برسميه : الو يا نادر.
- نادر : تعالى بسرعه في عملية و محتاجينك فيها ضروري.
- مروان برسميه : جي اهو ربع ساعه و هتلاقيني قدامك.
- نادر : تمام يلا سلام.... و قفل الخط.
- مروان بصوت عالي : انت يا زفت يلا خلصني.
- زياد : اي عايز اي ؟
- مروان : يلا تعالى خلص نادر عايزني في عمليه مهمه مينفعش اتأخر.
- زياد : طيب انا خلصت اهو يلا.
- مروان : يلا.
خرجوا و سابوا الانوار مفتوحه و نسيوا يقفلوا الباب بالمفتاح و الوضع جوا البيت كأن في قُنبله انفجرت و عملت في المكان فوضى كبيره.
**************
- شوق بهدوء : يلا بسم الله... و خبطت على الباب.
- حسام : اتفضل.
- شوق : حضرتك هتحتاجني انهرده في الشغل ولا اقدر استأذن عشان ورايا محاضره مهمه انهرده في الجامعه؟!
- حسام : تقدري تستأذني انهرده عادي بس يُفضل يا آنسه شوق لو ترجعي بعد محاضرتك لأن في حاجه هحتاجك فيها.
- شوق : حاضر يفندم.
شوق خرجت و ركبت عجلتها و راحت للجامعه بس لفت انتباهها بيت انواره كلها مفتوحه و مفيش حركه جواه و شدها جدا و وقفت عجلتها و مشيت شويه... خبطت على الباب لقت الباب بيفتح.
- شوق : اي الكركبه دي... ازاي اصلا في ناس تسمح لنفسها تعيش هنا... يلاهوي تلاقيهم بيدفعوا كهربا كتيره دول فاتحين انوار البيت كلها.... طب اعمل اي دلوقتي... و فضلت تبص على الكركبه... انا هرتبه و خلاص حتى اكسب ثواب في اصحاب البيت.
بدأت بالصاله مكنش فيها كركبه كتير و لما دخلت اوض النوم لقت هدوم الخروج في كل مكان و السرير مش مترتب خااااااللص.
بعد حوالي ساعه شوق سمعت تلفونها بيرن بأسم ساره .
- ساره : الو يا زفته فينك؟!
- شوق : موجوده عايزه اي ؟!
- ساره : هو انتي نسيتي المحاضره ولا اي؟!
- شوق : ينهار اسود.... طب اقفلي اقفلي انا جايه اهو.... و قفلت...
- شوق لنفسها : طب انا اعمل اي... اتفضل المطبخ و هو اصلا الي في شغل كتير و مش هلحق اعمله...انا همشي و خلاص مش هلحق اعمله.
خرجت ركبة العجله و مشيت و بعد تلت ساعه وصلت الجامعه و قابلت صاحبتها ساره بس كان واقف معاها حد.
- ساره : اخيرا شرفتي.
- شوق : معلش حصل حاجه كده... و بصت على زياد و رجعت بصت لساره.
- ساره : اه اعرفك ده زياد معايا في الدفعه.... و في نفس الوقت ابن خالتي.
- شوق بضيق : طب انا هستأذن... عشان المحاضره.
- ساره : استني بس.
- شوق بضيق : محصلش حاجه انا هروح المحاضره و هقابلك بعدها قبل ما اروح الشغل.
- ساره بحزن : طيب الي يريحك و كملت في سرها... انا غلطانه... انا بحاول اساعدك واللهي يا شوق... مينفعش طول عمرك تفضلي متعقده... منك لله يا عمو.. و منك لله يا ايمن.
- زياد : اي الي حصل ؟ مشيت لي اول ما قولتلها عليا؟ عملت حاجه؟
- ساره : لا معملتش حاجه هيا بس...
- زياد : بس اي؟!
- ساره بحزن : هيا بس متضايقه شويه.
- زياد : متأكده؟!
- ساره : اه.
- زياد : طب يلا عشان نلحق المحاضره.
- ساره : يلا.
**************
- نادر : تعالى بسرعه.
- مروان : خير..
-نادر : في عمليه في الشرق عند الجيش كده و محتاجينك هناك ضروري.
- مروان : بس انا لازم ارجع بليل!
- نادر : لو قدرت تسيطر على العدو و تمسكه هتروح بليل..
- مروان بضيق : حاضر.... ركب عربيته وقبل ما يبدأ يسوق فتح تلفونه بعت رساله لأخوه و ساق بأقصى سرعته ناحية الشرق.
***********
- شوق بضيق و بصوت واطي : اووووووف مش قولتلك هجي بعد المحاضره عمال ترن لي.
- الدكتور : ياريت الي تلفونه عمال يرن يتفضل يرد او يقفل تلفونه خالص.
- شوق بحرج : اسف واللهِ....هخرج ارد و ارجع تاني..
- الدكتور : اتفضلي....
شوق خرجت و ردت على التلفون.
- حسام بحده :عمال ارن عليكي مبترديش ليه؟!
- شوق : كنت في المحاضره و خرجت عشان ارد على حضرتك.
- حسام : محاضرتك قدامها قد اي؟!
- شوق : نص ساعه تقريبل..
- حسام : بعد ٤٥ دقيقه الأقيكي قدامي.
- شوق بضيق : حاضر يفندم.
شوق قفلت تلفونها و دخلت المحاضره و اعتذرت للدكتور و راحت قعدت في المدرج...
****************
- زياد بضيق : اووووف.
- ساره : مالك يبني؟!
- زياد بضيق : مروان رايح الشرق عند الجيش.
- ساره : مروان مين؟! و لي ؟!
- زياد : هيكون مروان مين يعني؟ اكيد مروان اخويا..رايح للجيش عنزه عمليه هناك.
- ساره : خلاص يعم متزوقش و انا ايش عرفني ان قصدك على مروان اخوك.... اهدى ان شاء الله خير مش هيحصله حاجه.
- زياد بحزن : يارب يا ساره... بجد بقلق اوي لما يروح الجيش اخر مره مكنش هيرجع.
- ساره : طب هتعمل اي؟!
- زياد : هعمل اي في اي؟!
- ساره : يعني هتروح معايا و لا هتروح على بيتكوا؟!
- زياد : ممكن اروح معاكي و اشوف خالتي و خالي بالمره.
- ساره : اي رودي موحشكش؟!
- زياد : لا ده بالذات له محبه خاصه عندي ده صغنن و بحبه اوي.
- ساره : طب يلا بينا عشان لسه هقابل شوق.
- زياد : روحي قابليها و انا هستناكي عند البوابه الرئيسيه..
- ساره : تمام.
زياد راح للبوابه الرئيسيه و في نفس الوقت ساره راحت لشوق..
- شوق : ساره انا مضطره امشي عشان المدير عمال يتصل عليا من ساعت نا دخلت المحاضره.
- ساره : تمام... خلي بالك من نفسك...
- شوق : حاضر و انتي كمان خلي بالك من نفسك.
شوق ركبت العجله بتاعتها و راحت الشركه بسرعه و في نفس الوقت ةانت ساره ركبت مع زياد اوبر عشان يروحوا.
**************
- عاصم : انت هتقود الفرقه( د) دي... لازم نلاقي القنابل قبل ما تنفجر.
- مروان : حاضر... في احتمال كبير تكون القُنبله في قسم الألعاب لان ده مكان معظمنا مش هيدور فيه ف انا متوقع يكون العدو حاطت القنبله هناك في دبدوب من الدباديب.
- عاصم : اعمل الي عايزه اهم حاجه نلاقي القنبله قبل ما تنفجر.
- مروان : ان شاء الله هنلحق... لازم تخلو المكان اهم حاجه.
- عاصم : الفرقه (ب) بتخرج المدنيين من المحل.
مروان كان معاه ٣٠ شخص قسمهم ل ٣.
- مروان : يلا... لازم نلاقي الفنبله و اهم حاجه ندور بسرعه.
و بدأوا يدوروا و كان مروان واقف في قسم لوحده و كان اسرع واحد فيهم و لقى الدبدوب... و مسك جهاز التواصل اللاسلكي و بدأ يتكلم..
- مروان : لقيت القنبله... حول..
- عصام : خدها و اجري لحد البحر و ارميها فيه و اتاكد ان مفيش حد قبل ها ترميها حول.
- مروان : تمام يفندم.... حول.
*************
- شوق : انا جيت يا استاذ حسام.
- حسام : تعالي.
- شوق : حاضر.
- حسام : بكره يكون على مكتبي المعلومات كلها بتاعت شركة OAB عشان هندخل في صفقه معاهم.
- شوق : حاضر يفندم... هروح دلوقتي و بكره هيكون الملف جاهز على مكتبك.
- حسام : اتفضلي.
نزلت شوق و ركبت عجلتها و ساقت ناحية البيت.
****************
- سناء : كده يا زياد انت و اخوك محدش يشوفكوا؟!
- زياد : معلش يا خالتي واللهي انتي عارفه مروان و شغله و انا كمان الجامعه في اخرها و لازم اركز.
- سناء : شد حيلك يا حبيبي عايزاك تطلع الأول على دفعتك.. عادي مش لازم ساره تطلع الاولى.
- ساره بضحك : كده بتبعيني يا سوسو.
- سناء : ببيعك اي يا بنتي... بس بردوا ابن خالتك ولازم نشجعه.
- ساره : طب انا بقول تتفضلي يا ست الكل تسخني الاكل و انا هدخل اغير و اخرج اكل عشان جعانه.
- سناء : طب انا هدخل اعمل الاكل لحسن تاكلنا هههههههه.
- ساره : انا هقف على السرير و نط عشان اخلصكوا مني.
- سناء : اقعدي يا بت مكامك..
***************
شوق رجعت من شغلها و سمعت صوت زعيق و صريخ طالع من شقة اخوها و قررت تفتح بالمفتاح الاحتياطي و تدخل.
- شوق : ياربي... فين ام المفتاح ده.... اهو اخيرا... فتحت و دخلت.
- أمير بزعيق : انتي ملكيش لازمه... لا نافعه في تربية العيال و لا نفع في حاجه... من ساعت نا دخلتي حياتي و هيا بتبقى اسوء... اخرجي من حياتي يا شيخه.... و بيضرب في اميره.
- شوق بصوت عالي : بس بطل بقى بطل.... اميره قومي اطلعي بالعيال فوق.
- امير و ضرب شوق بالقلم : اخرسي خالص... اترزعي مكانك يا اميره.
- شوق بصوت عالي : اطلعي يا اميره اسمعي كلامي.... مش عايزها طلقها يخي بطل تعذبها سبها تعيش حياتها و انت عيش حياتك... ارحمها... هيا انسانه زيك... فاهم يعني اي انسانه؟ يعني بتحس... عندها احساس.... و ولادك بردوا عندهم احساس... انا مش هسمح لعيالك يطلعوا زيك و زي بابا ملهمش اي تلاتين لازمه.... و لو عايز تضرب حد اتفضل انل قدامك اهو اضربي... بس قسماً عظماً يا أمير لو مديت ايدك تاني على اميره او حد من العيال لأروح للقسم و اعمل فيك محضر و اخليها تسيبلك البيت و متعرفلهاش مكان... ارحمنا...يلا يا امي....ولقت امير نازل فيها ضرب.
- اميره بعياط : اطلعوا لستو يا عيال و انا هجيب خالتو و اطلع وراكوا.
- سمر بخوف : ح... حاضر يا ماما.. يلا يا اياد.
- اميره بعياط : بس خلاص يا امير البت هتموت تحت ايدك...
- شوق بصوت عالي و تعب : اطلعي انتي يا اميره و سيبي الباب مفتوح و شويه هتلاقيني طالعه وراكي انا عارفه هعملوا اي.
- اميره بعياط : ح.. حاضر.
اميره طلعت و سابت الباب مفتوح و هناء فتحت الباب.
- هناء بقلق : اميره يا بنتي بتعيطي لي مالك؟!و العيال طالعين خايفين لي؟!
- اميره بعياط : ش.. شوق... امير بيضرب ش.. شوق تحت.
- هناء بصدمه :........!
*****************
يا ترى هناء ردت بإيه؟