شوق المارو

٢١ : هل تسامحيني ؟

٢١ : هل تسامحيني ؟

فجأه لقوا نفسهم بيقعوا على بعض.
- شوق بخوف : في حاجه حصلتلي ؟!
- مروان : انا ضهري وجعني بس مش مشكله... خليكي كده شويه.
- شوق بضحك : قليل الادب.
- مروان : هو انتي لسه شوفتي قلة ادب ههههههه.
- نادر بصوت عالي : مروااااان مرواااان.
-شوق بصوت واطي و خوف : رحت في داهيه اكيد هتفهم غلط....و غمضت عينها.
- مروان :حاولي تقومي بسرعه....
- شوق و هيا بتحاول تقوم : شعري عالق في زراير القميص... و بعدين وطي صوتك.
- نادر : طب قدام انت مش هنا فاتح الباب ليه ؟ استغفر الله العظيم.... و خرج و قفل الباب.
- مروان : مشي يلا بقى فكي شعرك.
- شوق بحزن  : للدرجه دي انت زهقان مني يا مروان.
- مروان : يا حبيبتي انا عمري ما هزهق منك بس ضهري وجعني من الوقعه.
- شوق : خلاص اهو اتفك.... انا هروح بقى.
- مروان : لا تعالي هنا... عرفتي مكاني ازاي؟!
- شوق ببراءه :من نادر.
- مروان بغيره : انتي كلمتيه؟!
- شوق : اهدى بس و هفهمك..
Flashback<<<<
- شوق : انا غبيه واللهي كان المفروض اساله الشقه فين.
- ساره : و على اساس دي حاجه جديده يعني ؟ ما انا عارفه انك غبيه من زمان.
- شوق : بااااس عرفت مين هيقولي... فين زياد؟
- ساره : هيجي اهو... بس عايزاه لي ؟!
-شوق : عشان اسأله على مروان يا اذكى اخواتك.
- ساره : اهاااااااا اوكي اهو جاي ناحيتنا.
- شوق : احم...ازيك يا زياد.
- زياد : الحمدالله و انتي ؟!
- شوق : الحمدالله... هو انت متعرفش مروان واخد الشقه فين؟!
- زياد : لا معرفش واللهي... بس ممكن نادر يكون عارف.
- شوق : طب معلش ممكن تتصل عليه تسأله ؟!
- زياد : من عنيا ثواني و هجبلك عنوان الشقه.
- شوق بحرج : شكرا.
- زياد : مفيش شكر بينا انتي هتبقى مرات أخويا....
- شوق : تسلم...
زياد اتصل بنادر.
- زياد : الو يا نادر.
- نادر : الو يا زياد... خير في حاجه؟
- زياد : اه متعرفش الشقه الي مروان هيسكن فيها فين؟!
- نادر : و بتسأل لي ؟!
- زياد : اصل عايزه في حاجه عائليه كده و بتصل عليه مبيردش.
- نادر بحيره : طيب... و الحاجه دي متقدرش تستنى ؟!
- زياد : لا دي ضروريه اوي..
- نادر : طيب الشقه في التجمع التالت قريبه من مطعم zack's.
- زياد : تمام شكرا يا نادر.
- نادر : العفو.... يلا سلام.
- زياد : سلام.
End flashback>>>>>>
- شوق : و بس كده.
- مروان بشر  : حاضر يا زياد انت و نادر.
- شوق بحنيه : ونبي ما تعملهم حاجه يا حبيبي.
- مروان بضيق : طيب..
- شوق ببراءه : عشان خاطري.
- مروان : حاضر يا حبيبتي.
- شوق : هروح انا بقى عشان على الساعه ٤ كده هنزل انا و ساره نشتري شوية حاجات.
- مروان : ماشي... خدي بالك من نفسك.
- شوق : من عنيا.
- مروان : يسلمولي..
شوق مشيت و مروان كمل تصميم البيت...وصلت شوق البيت و غيرت هرومها و جهزت و الساعه ٤ بالضبط نزلت عدت على ساره عشان يروحوا المول سوا.
- ساره : البتاع ده هيليق عليكي اوي يا بت.
- شوق : اها عجبني... احنا اشترينا هدوم بما فيه الكفايه... ثواني اتصل على مروان اقوله على حاجه.
- ساره : طيب.
- شوق : الو يا حبيبي.
- مروان : الو يا حبيبتي... في حاجه حصلت ؟!
- شوق : لا متقلقش... انا دلوقتي في المول و هشتري شوية انتيكات عجبوني و بعدين هروح مشتل و اشتري زرع تمام ؟
- مروان : ماشي يا حبيبتي... اجي معاكي ؟!
- شوق : لا خلاص مش لازم ساره معايا اهي.
- مروان : تمام يا حبيبتي الي يريحك مع السلامه.
- شوق : سلام.. بحبك.
- مروان : بموت فيكي..وقفل.
شوق اشترت انتيكات و راحت المشتل مع ساره و جابت صبار و زرع كتير شكله كيوت و روحت... اما مروان قعد يكمل ديزاين و تصميم الشقه.
*********************
بعد اسبوعين كانت كل حاجه جهزت... مروان جهز الشقه و مكنش ناقصها اي حاجه غيره هو و شوق العروسه... و شوق بردوا كانت نزلت جابت انتيكات و حاجات قليله عشان تحطها في الشقه لما تتجوز... و جه يوم الفرح و الكل متوتر.
- مروان : شكلي حلو يا زياد ؟
- زياد : حلو بس ده انت شكلك قمر ١٤ بالبدله... خلاص هتتجوز يا مروان وتسيبني ؟
- مروان : انها سنة الحياه... بس عادي لو عايز تعالى خدلك شقه فوقينا.
- زياد : بفكر واللهي... يعني اكيد مينفعش اخليكوا تعيشوا حياتكوا طبيعي كده من غير قرف.
- مروان : قرف اي بس... هتوحشني واللهي يا زياد.
- زياد بعين مدمعه : خلاص يعم بقى واللهي هعيط..
- مروان : لا خلاص متعيطش يلا بين... و لقوا حد بيخبط.
- زياد : ادخل.
- خالد : ازيك يا عريس..
- مروان  : ازيك يا خالد اخبارك.
- خالد : الحمدالله... الف مبروك عقبال ما نجيلك في السبوع بقى.
- مروان : ان شاء الله.
- خالد : اتفضل التذاكر دي هديه بسيطه كده مني بمناسبة جوازك انت و الآنسه شوق.
- مروان : كتر خيرك واللهي متعب نفسك.
- خالد : لا واللهي ولا تعب ولا حاجه.
- مروان : ربنا يخليك.
- في اوضة تجهيز العروسه -
- هناء : خلاص فهمتي يا حبيبتي هتعملي اي ؟!
- شوق بتوتر : اه يا ماما... بس انا متوتره اعمل اي.
- ساره : بصي يا شوق حاول تبقى relax خالص اعملي شهيييق زفيير.
- شوق بتوتر : حاضر.... شهيق زفير شهيق زفير شهيق زفير.
- هناء : يلا يا حبيبتي العريس زمانه مستني.
- شوق :حاضر يا ماما..
شوق بصت لنفسها بصه اخيره في المرايه و قامت نزلت قعدت على الكرسي و كان الجو متوتر لحد ما المأذون بدء يتكلم.
-المأذون : موافق تتجوزها و تعيش معاها في السراء و الضراء و الحزن و السعاده و المرض و الصحه؟
- مروان بفرحه : موافق.
- المأذون : موافقه!؟!
- شوق بفرحه : موافقه.
-المأذون : ياريت توقعي هنا و انت توقع هنا.
- شوق و مروان : حاضر... و وقعوا.
- المأذون : بارك الله لكما و بارك عليكما اعلنكم الآن زوج و زوجه.
- شوق : الله يبارك فيك يا عمو.
- هناء : لولولولي لولولوولولولى لولولولى.
وسط اجواء الفرحه و الرقص و كل حاجه في حد وقف بكل ثقه و مسك الميكروفون و قال : لوسمحتم سكوت خمس دقايق.
- شوق بصدمه : اي ده امير!؟!
- هناء  : هو بيعمل اي ؟!
- مروان بفرحه : استنوا بس.
- امير : احم... انا واقف انهرده عشان اعتذر من اي شخص موجود هنا و انا اذيته قبل كده و اولهم شوق و أميره.. و عيالي.... انا اسف يا شوق مسمحاني ؟!.
هزت شوق راسها ب أه...
-امير : أميره.... انا اسف جدا.... اسف على اي حاجه عملتهالك في الماضي... اسف ليكي و لولادي...انا فعلا مكنتش اب او زوج كويس زمان... لكن شوق ادتني قلم و فوقت فيا حاجات مكانتش فايقه قبل كده... القلم الي ادتهوني فوقتني بيه و انا بشكرها انها ضربتني و مش زعلان منها... لان انا استحق القلم ده... انا اسف و بوعدك قدام الناس دي كلها ان لو وافقتي نرجع لبعض تاني انا هخلي حياتك ورديه و هحاول على قد. ما اقدر انسيكي امتي و العيال الي شوفتوا مني السنين الي فاتت.
- : وافقي.
- :كفايه انه اتشجع و اعتذرلك قدام الناس كلها.
- : صعب عليا و هيا كمان.
- : يارب توافق.
- اميره بصوت عالي : موافقه.
و بقت الفرحه فرحتين... اميره رجعت لامير و شوق اتجوزت مروان و خلص الفرح و كل واحد روح لبيته.
- مروان : احم هو انتي مش ناويه تغيري ؟!
- شوق بكسوف : مكسوفه اعمل اي يعني.
- مروان و قرب منها : تعالي اقولك كلمة السر.
- شوق بكسوف آكتر : هو انت بتعمل اي ؟
- مروان و قرب اكتر : بقولك كلمة السر.
*******************
- بعد اسبوع -
كانت شوق في المطبخ لما حست بايد بتحضنها من ورا.
- مروان بحب : بحبك آوي.
- شوق بحب  : بموت فيك.
********************
تمت بحمد الله.