شوق المارو

٢٠ : الفرحه الكبيره...

٢٠ : الفرحه الكبيره...
- مروان : الي بيقولوا صح يا شوق ؟!
- شوق : اه... و لو جينا للصراحه انا مشوفتش منهم حاجه وحشه..
- مروان : باباكم جوا ؟!
- خالد : اه.
- مروان : هتساعدوني اقبض عليه.... اول حاجه حد منكوا هيدخل و يرش عليه دا و بعدين هنقبض عليه.
- ادهم : انا ممكن ادخل.
- مروان : تمام.... المخدر اهو رشوا عليه و لما ترش عليه هتخرج و إحنا هندخل نشوف شغلنا.
- ادهم : حاضر.... و اخد الرشاش و دخل لباباه.
- مصطفى : اي الي بيحصل برا ؟!
-   ادهم : اسف يا بابا.
- مصطفى : اسف على ا.... و لقا ادهم بيرش حاجه في وشه....خرج ادهم لمروان و شاورله عشان يدخل.
- مروان في مكبر الصوت : يلا هندخل نقبض عليه... و دخل قبض عليه و خرج.
- نادر : خلاص كده يا صاحبي خليك انت مع خطيبتك و انا هروح القسم اعمل معاه الصح.
- مروان : ماشي يا زميلي.
- خالد بحرج : تسمحولي اعزمكوا على الغدا ك اعتذار للي حصل؟
- مروان : مش ل..... و لقا شوق بتقرصه في دراعه.
- شوق : ماشي يلا بينا... و بصت لمروان بإبتسامه.
- خالد :طب اتفضلوا العربيه من هنا... و شاور لعمىو عشان يروح يفتحلهم العربيه.
- مروان : شكرا واللهي يا جماعه.... هنتعبكوا معانا.
- خالد : لا ولا تعب ولا حاجه متقولش كده و بعدين تعبكوا راحه....و ركبوا العربيه و راحوا المطعم...
خالد اخدهم على مطعم فخم جدا و يعتبر للاشخاص من الطبقات العليه فقط!
- مروان : هو انت متاكد انك هتعرف تدفع الاكل هنا ؟
- خالد : اه عادي يعني فيها اي.
- مروان : لا مفيهاش حاجه... انا رايح اقعد...و قعد جمب شوق و طلبوا الاكل و استنوا و بعدين شوق لمحت شخص بيشرب سجاره... تسيبه ؟! لا طبعاً.... قامت ىاحتله وسط نظرات مروان و خالد و ادهم و عمرو.
- شوق و هيا بتاخد السجاره من بوق الراجل : انت بتشرب سجاير ؟!... و رمتها على الارض و داست عليها.
- الراجل بعصبيه و صدمه : انتي مجنونه ؟ انتي ازاي تعملي كده ؟!
- شوق بحده : لا بقولك اي انت تحترم نفسك معايا احسنلك...
- الراجل : هتعملي اي يعني ؟! انت بنت و ملكيش اي تلاتين لازمه.
- شوق بحده وهيا بتشاور على مروان و ادهم و عمرو و خالد  : شايف الي هناك ده ؟و شايف الي حواليه ؟!
- الراجل : اه..
- شوق : واحد منهم يبقى شرطي و ممكن بكلمه مني اوديك في داهيه... و الي جمبه دول خالد و عمرو و ادهم مصطفى عز الدين الاسيوطي... اشهر واحد في مصر و الشرق الاوسط ...و بردوا بكلمه مني ممكن اوديك في داهيه.
- الراجل بخوف جاول يخفيه  : طب خلاص هكلمك باحترام... بس ممكن اعرف رميتي السجاره بتاعتي لي ؟!
- شوق : عادي يعني عشان مضره.
- الراجل : مش فاهم مضره إزاي يعني ؟؟
- شوق : يعني يكابتن مضره اولا بصحتك و بتأذي رئتك.... ثانياً كل سجاره بتقلل من عمرك ٣٥ دقيقه.
- الراجل بصدمه : نعم!
- عند مروان -
- خالد : سوري يعني بس هيا دايما حشريه كده؟!
- مروان : معرفش بس جريئه اوي و تهورها ده هيوديها في داهيه في يوم من الايام.
- ادهم : ربنا يكون في عينك...
- عمرو : معرفش هتستحملها ازاي ؟!
- مروان : هستحملها عشان بحبها و هيا بتحبني و ده يكفيني.
- خالد : ربنا يتمملكوا على خير.
- مروان : ربنا يخليك.
- نرجع لشوق -
- شوق : يعني يكابتن نفترض انك هتموت و انت عندك ٧٥ سنه و ساعتين و ٣٠ دقايق و ٥ ثواني  مثلا يعني الله اعلم... السجاره هتقلل ٣٥ دقيقه من ال٧٥ سنه و ساعتين و ٣٠ دقيقه و ٥ ثواني دول.
- الراجل : اممم تمام... فيها اي يعني ؟
- شوق بعصبيه : فيها انك هتسيب وراك بهايم و كائنات لطيفه متربوش و معاشوش مع ابوهم بسبب تهوره...
- الراجل ببرود : ممكن امشي ؟!
- شوق : قسماً بالله عندي استعداد اراقبك و افضل وراك لحد ما تبطلها.
- الراجل : لا مش لازم... انا هفكر في كلامك و ان شاء الله هبطلها.
- شوق : شاطر تقدر تتفضل.
- الراجل : شكرا لزوقك... مع السلامه.
- شوق : العفو... و راحت قعدت... النادل جاب الاكل و أكلوا و روحوا.
- هناء : بنتي حبيبتي.... الناس دول عملوا فيكي حاجه ؟!
- شوق : لا يا ماما... أنا كويسه قدامك اهو... فين اياد و سمر ؟!وحشوني.
- امير  : و انا موحشتكيش ؟!
- شوق : اكيد يعني وحشتني بس هما اكتر.... ههههههه.
- أمير و هو بيحضنها : حمدلله على سلامتك... متعرفيش انا كانت حالتي اي لما مكنتيش موجوده.
- شوق بمكر : اوعى تقول انك ردعت تشرب تاني!
- امير : لا... ذنت ببات في الشغل عشان مفكرش في الموضوع كتير و ارجع اشرب.
- شوق : كويس جدا...ماما انا هروح اشوف سمر و اياد و ارجع هنا تاني.
- امير : خليكي و هما هييجوا.
- شوق : لا هروح انا.
- هناء : خلاص سا حبيبتس خليكي و هما هييجوا عشان خاطري.
- شوق : حاضر يا ماما... و راحت ناحية الاوضه.
- مروان : احم.. شوق.
- شوق و رجعت مكانها : أفندم ؟
- مروان : ان شاء الله هبدء تشطيب الشقه بتاعتنا و بعد اسبوعين كده هنعمل الفرح و كتب الكتاب... حابه يكون اي النظام؟!
- شوق : نظام اي بالضبط؟!
- مروان : يعني عايزاه زي المصريين كتب الكتاب في يوم و الفرح في يوم و الحنه في يوم ؟ ولا زي التركيين ؟!
- شوق ببراءه : زي التركيين... زي التركيين.
- مروان : ماشي... موافقه يا طنط؟موافف يا امير ؟!
- هناء : على بركة الله يبني.
- امير : موافق... ربنا يخليكوا لبعض.
- مروان و هو باصص لشوق بحب : يارب... هستأذن انا بقى.
- امير : ما لسه بدري ؟!
- مروان : لا نا علشان الحق اروح البيت و اعمل شكل الديكور بتاعه و كده.
-امير : ماشي يا عم... سلام.
- مروان : عن اذنكم... سلام.
- هناء : اذنك معاك يبني.
مروان مشي و شوق دخلت اوضتها تستريح شويه و باد ساعتين اميره جت بالعيال.
- سمر و اياد و هما بيجروا على شوق : وحشتينا يا عمتو.
- شوق بحب : انتوا وحشتوني اكتر واللهي يا حبايبي و عشان كده هجبلكوا بيتزا انهرده و هنرقص و نلعب سوا اي رايكوا؟!
- سمر و اياد و هنت بيدخلوا اوضة شوق : هييييييييي.... عمتو هتلعب معانا...
- أميره : عامله اي يا شوق ؟
- شوق : الحمدالله تمام...
- اياد بصوت عالي : يلا يا عمتو.
- سمر بصوت عالي بردوا : اه يلا يا عمتو.
- شوق بضحك : هقوملهم لحسن هيفضلوا يصرخوا كده.
- اميره : ماشي ادخليلهم.
شوق دخلتلهم و لعبوا سوا و اياد و سمر ناموا على سرير شوق ف اميره سابتهم يباتوا نع شوق و هيا روحت و مكانتش تعرف ان في عين بتراقبها من ساعت ما جت هيا و العيال بحب و ندم على كل حاجه كان بيعملها فيهم و فيها بالذات.
*****************
- تاني يوم -
الساعه ٨ : ٥٥.
صحيت شوق و صحت ايتد و سمر و نزلت اخدت تيمور و ودتهم الحضانه و فضلت تدور على مروان لحد ما لقته....و كلن سرحان في الجهاز الي عمل عليه تصميم البيت لحد ما لقا..
- شوق : بخ انا جيت.
- مروان بصدمه : نعم! عرفتي منين!؟!
- شوق : ياااه دس حكايه طويييله.
- مروان : لا بجد عرفتي منين؟!
- شوق : هقولك حاضر بس وريني الاول تصميم البيت.
- مروان و هو بيرفعه : لا.
- شوق و هيا بتنط عشان تاخده : هجيبه غصب بس كده... و فضلت تحاول تنط و هو بيحاول يبعد بحد ما فجأه....
****************

☆4 votes.