Binisaya: Luyo sa Kasakit

LOVE AT FIRST ENCOUNTER

"HAPPY MONDAY MORNING STUDENTS OF LAHUG NIGHT NATIONAL HIGH SCHOOL! TODAY I AM VERY HAPPY TO ANNOUNCE THAT WE HAVE A COMING EXCHANGE STUDENT HERE IN OUR SCHOOL." Announce sa among School Principal right after the flag ceremony. "Our exchange student is from Thailand and will be arriving this afternoon for the campus tour."

Usahay lang magka-announcement after and hate kaayo nako kay grabeng inita mabulad mi sa adlaw. Hate kaayo nako nga wala pa lang mi ka-start sa first period namo, baho na kong singot.

Nanghimulsa na lang ko ug guba ang nawong nga naminaw.

"I really hope that you will welcome our new student warmly. Let us give the Thai student a memorable experience and a good impression. That's all. Thank you for listening." Nakaginhawa ko'g lawom kay at last nahuman na jud siya. Gamay na lay kuwang mapagod na jud ko diri tunga sa plaza.

"Choy, unsa kaha'y nawong sa exchange student no?" Mura ug curious sab akong mga barkada sa ilang gi-anticipate nga pag-abot sa exchange student.

"What do you think choy, gwapa kaha?" Pinatando-tando pa ko nga gisiko sa usa namo ka amigo.

Naglingo-lingo ko.

"Bawo baya ninyo. Tsk. We never know basin lalaki to woy. Mga paminta ha?" Pero ang mga gwapo nakong barkada nag-isig katawa lang man nuon.

"Ingna lang nga curious sab ka sa exchange student. Angkon na lang gud choy, di ba? Di ba?" Wala jud ko undangi ug sungog dah. Ginasundot-sundot pa akong abaga while gangisi.

Wala na lang nako sila pansina ug nahuman among mga subjects nga peaceful akong kinabuhi.

"Choy! Choy! Naa na daw sa gate ang exchange student. Tara tabuon nato!" Gisugat dayon mi sa among barkada paggawas namo sa classroom para motambay sa plaza. Ug ang mga gwapo nakong barkada game kaayo nga nagdinali ug baktas panaog sa building.

"OMG bes! Ingato diay ilang mga nawong sa personal no? Grabe perting hamisa. Glass skin!"

"Mapapa-sana all na lang jud ta bes!" Nalabyan namo ang duha ka girls nga nagtan-aw sa ilang phone.

Well, dili sab nako ika deny nga medyo curious sab ko how the student looks like, kung babae ba siya lalaki, or kung nganong gi-exchange sila sa usa sa among student pud diri sa school.

Actually as far as I know, same grade level mi sa gipadala nila sa Thailand. Top 2 siya sa ranking namong mga Grade 10 students so siya ang napili sa admin. But guess who kung kinsa ang top 1? Hmm... dili sa panghambog pero ako diay ang rank 1 sa among batch last year. Ug ako unta ilang ipadala didto pero wala mosugot si Mommy.

Naa pa lang mi sa covered pathway padulong sa gate grabe daghana na ang mga students nga nagtapok. Mura'g halos tanan estudyante siguro naa diri karun to welcome him/her. Grabe ka big deal ba ani para nila. If I know, same ra man sab siya namo tawo. Kung makatapok sila mura'g gikan laing planeta ang moabot.

"Dali choy, suksok na! Pina-ninja-ninja ba." Gikuhit ko sa akong barkada nga puro nakisuksok na sa nagkabagang estudyante.

"Naa na siya brad! Naa na ang van nga gisakyan kuno niya oh!" I hear from the group of boys sa akong kilid. Mura ug apil mga lalaki atat na sab siya makit-an. Nakita nako among SSG President, among Principal ug mga teachers nga naghulat na nga moabli ang van.

Gikuha nako akong cellphone sa akong bulsa sa dihang ni-vibrate ug kalit. Medyo ni layo sa ko sa daghang tawo kay medyo nag-start na ang kasaba.

"Hello dy! Yeah.. Dia pa ko sa school. Si Mommy? O-okay. I'll go straight to the hospital. Thanks dy. Bye!" Ni-try ko'g suksok sa mga estudyante ug gikuhit akong mga barkada nga mura na'g mga giraffe sige ug lantaw sa gate.