قلبي بك قد فتن

2

حاولت تهدي نفسها بعد ما رفع ضغطها شاهين سحبت اكثر من نفس وزفرته قبل لا تصيح لاخوها حتى يدخل

( ادخل محمد )

دخل اخوها وهو شايل بنته تجنن تشبه امها بحلاتها وخدودها ممليه ما ماخذه من ابوه اي شي من شافت عمتها رفعت ايديها الها عود اخذيني وهي تضحك الها خلت مزاج هاله بثانيه يتغير مدت اديها الها واخذتها من اخوها

( تعالي يا روح عمتج انت )

( شذى تريد تجهز وانا لازم اطلع اجيب بيبيتي وعماتي ثائر ما يكدر يوصلهن لهنا مستعجل ما ادري شنو عنده وعمتج سناء مولعه على الاخر وخابصه الدنيا عليهم المهم رايده شي اجيبه وياي وانا جاي )

كال محمد وهو يطي بنته لهاله بعد ما باسه

( لا سلامتك يا كلبي انتبه على نفسك والحك على عمتك لا تسوي شي وتزعل الدنيا كلها منها )

( طيب يلا طالع انا )

( اي ست حبايب شنو هي لحلاوه ياويلي على حال ابوج الي راح يجن وهو يحميج من الي راح يخطفج منه )

كالت هاله وهي تبوس بنت اخوها الي منجنه على عمتها وتضحك الها وهي ما تفهم شي من كلامها

( ضحكي يا كلب عمتج انتي بس شنو نكعد عقال حتى عمتو تجهز نفسها تمام ياحلوتي انتي )

نومتها على لفراش وكامت بسرعه اطلع لبس الها وكل شويه تباوع عليها خاف طيح من المكان خلصت لبس على السريع وفتحت شعرها حتى تمشطه ما تعرف شنو تسوي بيه تركه محلول لو ترفعه وكفت كبال لمرايه تشوفه وتحرك شفايفها يمنا ويسرى بحيره بعدها قررت انها تظفر شعرها فرنسيه حلوه تطلع عليها لان شعرها طويل فتركته حتى تجي شذى وتسوي الها فصارت تحط مكياج سريع وخفيف لانها ما تحبه هواي وغير هذا ما يصير تبرز اكثر من اختها الي جاين الها انتبهت لشذى الي دخلت عليها

( هلا يا حلوات )

( همزين اجيتي سوي شعري الي لحد ما اخلص مكياج )

( طيب بس ابوس حبايب كلبي )

باست بتها حيل واجت الها حتى تظفر شعرها تلاكت عيونهن بالمرايه وسالتها بخوف من فعايل حنين المجنونه

( شفتي حنين انا خفت صراحه اوصل الها وهي نار الله صايره )

ردت هاله عيها وهي ملتهيه بمكياجها

( تركج منها نار على نفسها المهم تطلع اخر همي شنو هي )

بمحاوله اخيره فاشله مثل الي فاتن حاولت تقنع هاله تكول لحنين منو الي جاي يخطبها بس عبث هاله معنده وما قابله تكول

( مو هنا هي المشكله انها راح تطلع خاف تسوي مصيبه وعيب من الناس الجايه وبعدين لازم تعرف حتى تفرح والله حرام تكسرون بفرحتها هيج )