قلبي بك قد فتن

9

أنت شمساً تُنيرُ ظلمة داخلي ، كيف لا أُحبك وأنت أول ما أبصر ؟

فتحت الباب على كيف مدت راسها داخل الغرفه لكته بعده نايم زفرت بملل وهي تفكر شكد ينام ما تكدر تصبر اكثر راح تكعده احسن الليل كله تفكر بهاي اللي يحبها ويريد يتزوجها شكد حاولت تعرف منو هي وشلون عرفها ويمتى اصلا عرفها ما قبل يحجي شي يكلها الصبح مو هسه وهي الفضول صار يقرأ الف عدها خصوصا من كالها اريدج بسالفه مهمه خلص لهنا وانتهت الا تعرف شنو الموضوع ابتسمت بشر وهي تشوفه شلون داخل بسبات عميق والنوم مجافيها بسببه دخلت للغرفه وهي تسمي باسم الله حتى يعينها على اخوها حاولت تخفي ابتسامتها وهي تقرب منه وتكعد على طرف الجربايه مالته وتهمس اله

(بكر بكر اكعد يلا ما عندك شغل كافي نوم)

تحرك بانزعاج وهو يفتح عين وحده شاف اخته تبتسم بوجهه

(صباح الخير يلا صحصح حتى اسويلك احلى ريوك من ايديه)

بعده على نفس النومه وما تحرك وهو يشوف اخته بنشاطها الغريب بعدين طخت براسه عدل روحه وضحك على حماسها الي عيونها تنطقه ما تخفيه حجى بصوت مبحوح بيه النومه

(كل هذا حتى تعرفي منو البنت)

( شوف انا بالعاده أنكر والف وادور بس هالمره لا ما راح اسوي هيج ومن الاخر اي اريد اعرف منو هي ويمتى تعرفت عليها وشلون وشنو اسمها وحلوه لولا )

حجت بسرعه وعيونها تلمع من الحماس خلت اخوها يضحك ومنها

( حيلج يا بنتي شنو انهديتي شبالعه من الصبح ومن الاخير حتى اخصمها وياج ماعرفها للبنيه حتى اسمها ما اعرفه وكل الي سويته البارحه حتى اتهرب من الفضول مالكم انتي وامي خفت لا اتورط )

شاف الصدمه بعيونه قبل لا تكول

( شنو يعني انت جنت تضحك علينا وما راح تزوج )

عدل كعدته وهو يرد عليها بهدوء

( منو كال هذا )

( شنو منو يكول غير كلامك هذا معناها حتى الي تزوجها مالها وجود من الأساس )

( مو صح انا كلت ما اعرف عنها شي )

( نفس الشي يعني مالها وجود )

جاوبت بحيره مو فاهمه عليه بسبب تناقض كلامه شافته يكوم من لفراش ويكعد على القنفه واشر الها تجي يمه

( شوفي الموضوع مو هيج بالنسبه للزوج اكيد راح اتزوج بس اكو نقطه معينه هي بسببها كتلج رايدج بشغله لان الموضوع معقد شوي لبنيه موجوده بس انا ما اعرفها كتلج )

قاطعته وهي تزيد حيره

( صراحه ما جاي افهم عليك او انت مو كادر توصل الي تريده الي صح خلينا نرجع من البدايه وحده وحده انت تكول تريد تزوج ولبنيه موجوده وحسب الي وصلته النا انا وامي انو تعرفها وعندك علاقه بيها صح )