كلمات الحب تكفيني

البارت الاحدى عشر

            البارت الاحدى عشر

                 بقلم

           زهراء الزيدي

           " هل يعود "

باسم ..🥀

حاولت اعاقب ضحى بالبعد بسبب ضعفها وخوفها ان تعترف بالحب ..

ولكيت العقاب كان ماموجه بس الها لا عاقبت نفسي وياها..

ايام اكضيها اسهر وعيوني كل مااغمضها تجي بالي صورتها وضحكاتها ..

بديت اخذ خفارات بالشغل بمكان اصدقائي واتعب نفسي واعتقد انسى ..

كم مره بمره الزم الدفتر الي اخذته من ايد نهى وضميته بروحي ..واعيد كل حرف مكتوب..

هذي الكلمات الي اقراهن كلهن مشاعر وحرمان واني زدته الها من خطبت اختها ..

ماردت نهى تضوج مثلي من انكسرت .. او يمكن ردت اقترب من شي صار ممنوع عني ..

يمكن اني ازيد اخطائي..وحرگتها وحرگت نفسي ..

وارجع الوم واكول ..لو صايره قويه ومتمسكه بيه ...لو معترفه واني اشوف حل ..

ولو ولو كم احتمال خليت لكن بعد ماينفع شي ..

ضحت ودمرتنه والنتيجه شنو اخت فضحتنا وبقرارها بعدتنا اميال ..

لكن رغم الطعنه الي اخذتها اكو شي بداخلي مرتاح لان عرفت ..
كل احساسي كان صح ..

شغلت نفسي..بس كلبي يحن ..

واكثر من مره الكه نفسي ماخذ اجازه زمنيه ورايح حتى المح طريقها من تطلع من المدرسه ..

اراقب شبح ضحى ..واموت الف موته..بس ماينفع القرب واذا اروح واتقرب شنو احجي ..

اكللها انتِ الي بعتيني تعالي سامحيني ..

ابوي وامي ملو من كثرة الالحاح حتى ارجع وياهم للبيت ..

ويكون الرفض جوابي ..

كل يوم امي تجي بعرض زواج جديد ..

واخر مره هي وابوي ..من يأسوا خلو الخيار المستحيل ..

وكالو نهى راح تتزوج مبقالها شي ..

وعمك ماعدنا  شي ويا ومتصافين ونعتبر الي صار سوء فهم بين الاهل ونحاول نقنعه..

ونهى طايره من الفرح ولاكانو اكو احد قبل خاطبها ومهتمه ..

نرجع نخطبلك ضحى ..الي ادمرت بسبب فضيحة اختها ..

بس ارجع شوف حالتها وانت تقرر ..

شنو اكول شفتها شلون منتهيه واني منتهي اكثر منها ..

باقي اكابر واعاقب نفسي واعاقبها ..

محمد تزوج واجه بنفسه حتى ارجع للبيت ورفضت ..