البارت الرابع
🥀"الصدفه وجاري"🥀
بقلم
زهراء الزيدي
لين..🥀
من بعد الحديث الي كان ويا صديقاتي..ودعتهن..وكلي حزن،،،
حزن على صديقه ماحبت تفاركنا بيوم،،،
وبعد مانعرف شوكت نشوفها و نسمع اخبارها،،،
وصديقه اول مابدت تحب،،،كانت ضعيفه بساحاته وقررت متواجه ويكون الانهزام خيارها،،،
رجعت للبيت اني وامي.و اليوم ماكنت بنفس النشاط والمرح،،،
سألتني شبيج من شنو ضايجه تعبانه لو اكو سبب،،
المفروض عطله وتفرحين مثل كل مره حتى تكرسين وقتج للكنيسه مثل كل سنه،،،
جاوبتها عن سبب حزني هو صديقتي رفل وسفرها المفاجأ ،،،ويجوز منعرف اخبارها بعد ،،،
وموضوع ضحى مذكرته لأن اعتبرت مشاعرها وكلامها عن ابن عمها ..شي خاص بيها ولازم احتفظ بهذا الشي ،،،،
كمل حديثنا وامي تخفف عني بكلماتها الحنونه وتكول هي هذي الحياة مو دائما نستمر ويا الاشخاص الي نحبهم.. ولازم يجي يوم للفراق ورقرق الدمع بعيونها وهي اكيد تتذكر الحبيب والصديق ورفيق الدرب،،،
غيرت الموضوع من شفت راح نرجع لنقطه تخلي امي تتذكر و يكون يومها كل حزن واعتكاف بغرفتها،،،
وحاولت استعيد نشاطي واكمل يومي مثل كل يوم تغدينا،،،،
وبين ترتيب البيت واخذ قيلوله تعودنا عليها ک نظام عسكري من قبل جدو و بيبي واخذناها للكبر،،،
العصر رحت يمهم وكانو متجمعين وكاعدين يتفرجون على التلفزيون وجدو متمدد يم بيبي وهي تلعب بشعره ومستمرین بالحديث بینهم ،،
احلى طيور حب هم بيبي و جدو واحن جدين،،،
حاولت احسسهم بوجودي المرح واجيت يم بيبي حتی اخذ مكان جدو،،،
بدا يضحك لان يعرفني،،،
كال اجت الغيوره تردين امج وبيبيتج كلهم الج،،،
تعالي بابا هذي الساحه الج ،،،
تعال استاذ جدو مو قصدي اخاف زعلت،،،
هو اني اريد اكوم اصلا اروح ارش الحديقه من شنو ازعل شرشور،،،
اذا هيج زعلت وهنا اني اثبت وجودي مو بيبي،،،
اي استمرو ضحكو عليه اعرفكم متقدرون طاقاتي وقدراتي في اسعادكم،،.
جاوبتني امي...اي ليونه عاد شلون قدرات اكتسبتي شهادتها من ارقى الجامعات،،،
تعالي اليوم خميس شنو نسيتي،،.
لا منسيت وهاي اني راح اجيب العصير والذره المشويه،،،
أنت تقرأ
كلمات الحب تكفيني
Kısa Hikayeأيتها البريئة بالملامحِ، الطفولية بالصفات دعيني اتأمل وجهًا طالما كان أجمل أحلامي رؤياه وأسرقُ منهُ ملامحهُ لِأسمح ليدي بأن تنحت رسمًا يبقى قريبًا مني ولا أنساه أني بقربي منكِ يكمنُ خوفٌ لمصيرٍ مااقساه فهنا دمعي وهنا ضحكات مسروقه وهنا صمتي وهنا...
