كنت باكل ف مطعم ونقابي اتبهدل مني
لحسن الحظ كنت جايبه نقاب تاني ف الشنطه علشان لو حصل حاجه زي كدا
دخلت حمام السيدات علشان اغيره وقفت قدام المرايه
جت بنوته ف نفس سني تقريبا وقفت جمبي وفتحت شنطتها وطلعت الروج والكحل والفونديشن وحاجات كتير رصتهم قدامها أنا استغربت بصراحه
بصيت قدامي وبدأت افك ف نقابي انا كمان
اول حاجه شيلت دبابيس كتير وحطتهم قدامي وبعد كدا فكيت الخمار والبونيه وبعد كدا نقابي
رصتهم قدامي زيها بالظبط وبدأت اغسل وشي
لقيتها بتبص ع حاجتي بإستغراب زي مانا استغربت حاجتها
قالتلي بتعجب لي كل داه مبتديقيش
بصتلها وابتسمت وقولتلها: وهل حافظ الشئ يؤذيه
ردت بدهشه : بس انتي جميله اوي ليه مغطيه وشك
ضحكت وقتها معرفش ليه وأكتشفت إن فيه ناس بتقول
اه انتي حلوه يبقى تلبسي نقاب
وناس بتقول انتي حلوه ليه لابسه نقاب!
فعرفت وقتها إننا كمنتقبات صعب نرضي الطرفين
رديت وقولتلها
النقاب للعفيفات مش للجميله ولا الوحشه مع إن مفيش بنت وحشه اساسا
بصت للمرايا وبدأت تحط الروج وانا كمان بصيت قدامي وبدأت ألف نقابي
رجعت بصت عليا تاني بإستغراب وقالت انتي مش خايفه لمتتجوزيش
لسه هرد عليها جت بنتي من بره وقالتلي
ماما بابا بيقولك هو نام بره انتي اتأخرتي اوي كدا ليه
ضحكت ورديت عليها
قوليلوا خلاص ثواني وجايه
لقيتها بصدمه بصت على بنتي وقالتلي : ماما! هو انتي متجوزه
قولتلها اه من بعد لبسي للنقاب بحاولي شهر
حسيت انها اتلخبطت وافكارها دخلت ف بعضها
قالتلي هو النقاب مبيمنعش الزواج زي ما بيقولوا
قولتلها بإبتسامه
الزواج رزق من الله والحجاب طاعه لله فكيف لطاعه أن تمنع رزق
انا عارفه انك بتلبسي كدا وبتحطي ميكب دلوقتي وبتظبطي نفسك يمكن حد يعجب بيكي
ردت بسرعه واستنكرت كلامي وقالت
لا لا أنا بتزين لنفسي مش للناس
ابتسمت وقولتلها
هو انتي بتشوفي نفسك وانتي ماشيه ولا الناس ال بتشوفك صدقيني اللبس داه مبيجبش رجاله
حسيت انها ادايقة فرفضت ازود ف الكلام
خلاص حطيت اخر دبوس ليا ف الخمار ولبسي بقى تمام
وهي كمان كانت خلصت وبتلم مكياجها
فقررت اختم كلامي معاها بسؤال
وقولتلها أنا خلاص اتزينت للجنه ياترى انتي اتزينتي لأيه _✍️
الدنيا_فانيه_فأجعليها_في_طاعه 💙
اللهم حبب إلينا الستر وزينة فى قلوبنا وأجعل تحت الستر ما يرضيك عنا🌻💛
#منقول
#اثبتي_فإنك_علي_الحق
