#أسئلة_الرؤية_الشرعية😍😍😍
أنت بتدخن ؟
= لا شكماني سليم 😉
- بتصلي ؟
= وبصوم كمان 😜
- لو رجعت يوم وملقتش مراتك طابخة أكل هتعمل أيه ؟
= عادي هنطلب أكل جاهز 🍔🍕🍟
- بالسهولة دي ؟
= طالما هي اللي هتحاسب أنا خسران أيه 😎
- وهي تحاسب لك ليه
= مش هي اللي مطبختش، تتحمل بقى
- هتسكن فين ؟
= في شقتي طبعًا
- لا يا شيخ ، وانا اللي فكراك هتسكن في الشارع
= لا مش لدرجة الشارع احنا مش قطط يعني
- لو مراتك وأمك اتخانقوا مع بعض هتقف مع مين فيهن ؟
= مع المظلوم، وأمي مش ظالمة 😘
- لو مراتك زعلتك هتعمل معاها أيه ؟
= كما قال الشاعر : تزعلني أزعلك وابوظلك منظرك 💇
- لو مراتك حبت تشتكي منك تشكي لمين ؟
= تشتكي مني !!! دا أنا نسمه
- ولو النسمة بقت عاصفة
= عاصفة الأمومة 😂
- بجد ، تشتكي لمين
= تشتكي لي
- وهتعمل ايه ساعتها ؟
= هنتصر لنفسي طبعا 👊
- تقبل إن مراتك تشاركك في قراراتك ؟
= وتشاركني ليه، ما تعمل قرارات لنفسها، ولا لازم نزنق بعض يعني 😬
- لو انت جعان جدا ومعاك بيتزايه فيها 7 شرايح ممكن تدي مرات كام شريحه منهم ؟
= هديها الكرتونة 😛
- ترضى إن مراتك تلبس مايوه ؟
= لو هتلبس كالسون تحت منه واسدال فوق منه معنديش مشكلة 😂👌
- وهتقلع الحجاب
= هي حرة طبعا ، إن مكانتش تاخد حريتها في شقتها هتاخدها فين 😕
- عندك فيس بوك ؟
= دا بتاع مارك مش بتاعي ✋
- توافق تدي مراتك باسورد الواتس ؟
= مش هرد عشان غباء السؤال 😎😂
- هو لازم تاخد باسورد فيس مراتك ؟
= هي هيبقى عندها فيس
- هتشحن لمراتك رصيد بكام ؟
= دا اكيد، لها مني كل شهر كارت بحاله
- كارت بـ 200 😍
= لا 180 🙋
- مجاتش على 20 جنية
= 20 جنية ايه ، دا الكارت على بعضه بـ٣ جنية
- دا فين ده 😮
= كارت فكه 180 دقيقة 😋😂
- ياااااااااا ربي أنا زهقت، انت ازاي كدا، عندك اسئلة ؟
= طبعا
- اتفضل
= انتي استحملتي واحد زيي ازاي😂😂😂😂😂😂
جرعة #كمدية
