سلسلة *#الحب_والفراغ_العاطفي 💔*
الحلقة السادسة 6⃣
زي اخويا 🤷♂
*كلامنا في الحلقة دي هيدور حوالين النقطة دي إن شاء الله 👋🏻*
ناس كتير ممكن تقول أنا فيها إيه لو هزرت مع قريبي وضفته عندي عالفيس واتكلمت معاه والحياة تبقى عادي خالص...انتو ليه معقدين الأمور كدا ‼
مهو أصلََا زي أخويا 💁🏻
*◼طب نفكر براحة بس...👐🏻*
هل يجوز إنك تتزوجي أخوكي؟!
بالطبع لأ ❌
طب هل يجوز إنك تتزوجي ابن عمك أو ابن خالك أو ابن الجيران اللي كنتو متربيين مع بعض وانتو صغيرين؟!
أيوا يجوز بس أنا مستحييييل أوافق بحد منهم أو أنظر ليه بالمنظور دا لأننا زي الإخوه بالضبط 🧐
◀ معتقادتنا وأفعالنا يا غالية عمرها مهتغير شيء من اللي ربنا شرعهولنا، وحدود ربنا واضحة وضوح الشمس ☀
ربنا سبحانه وتعالى خلقنا وهو أعلم بنفوسنا وقلوبنا الضعيفة *"وخُلِقَ الإنْسَانُ ضَعِيفَا"*
ربنا سبحانه وتعالى هو اللي ركبنا وعالم بتركيبنا، عشان كدا حدلنا حدود في التعامل، وحرم الإختلاط، لأنه من الطبيعي جدََا الطرفين يميلوا لبعض 👌🏻
واحنا لازم نحافظ على سلامة قلبنا وطهارة ديننا لأن *النفس ضعيفة والفتنة خطافة ✋🏻*
الآية واضحة ومعناها عرفناه قبل كدا *"ولا متخذات أخدان"* والخدن: هو الخليل.
يعني يا بنات ويا شباب نلتزم بحدود الشرع، نحافظ على مبادئنا ومنتنازلش عنها أبدََا، ننشغل بعبادة الله عن أي شبهة ومعصية، ومهما اتقال علينا معقدين ومتشددين نثبت ونستعين بالله ونكثر من الدعاء عشان ربنا يثبتنا 👌🏻💜
أنا هنا مش بقول متتكلميش مع أي راجل نهائي، بس بقول على أد متقدري ابعدي عن التعامل مع الرجال ومتتعامليش إلا لضرورة ✋🏻
وارد جدََا تتعاملي مع أي حد لأي ضرورة كانت، سواء في المواصلات، أو في الأسواق، أو في مكان دراستك، أو مكان عملك، أو أي مكان...💧
بس التزمي بحدود الشرع... *(غضي بصرك، ومتخضعيش بالقول)*
ودا تالت ضابط من ضوابط التعامل بين الرجل والأنثى اللي هو *عدم الخضوع بالقول 🙊*
مترفَّعيش صوتك ومتضحكيش بصوت عالي متتكلميش غير في المضمون 👌🏻
وهذكركم وهذكر نفسي بكلمة طريفة كانت معلمتنا ربنا يحفظها دايمََا بتقولهالها ◀ خارج بيتك اتعاملي مِيري زي معاملة أمن الدولة بالضبط ✊🏻✋🏻لكن داخل بيتك مع محارمك اخضعي بالقول، ورققي صوتك، واتعاملي بكامل أنوثتك 💅🏻
وعشان السؤال اللي وارد جدََا حد يسأله واللي دايمََا بنسأله وهو *هل صوت المرأة عورة؟؟*
لأ...صوت المرأة مش عورة؛ الصحابيات كانوا بيسألوا الرسول صلى الله عليه وسلم، والرسول كان بيرد عليهم، لكن الخضوع بالقول هو اللي عورة...👌🏻
"فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا "
القول المعروف: هو إلقاء السلام والحدود في التعامل ومخاطبة الرجال بكلام ليس فيه ترخيم، و ده يدل على أن صوت المرأة ليس بعوره 🌺
فنحاول يا بنات إننا نتقي الله بكل ما أوتينا من قوة ونقبض كويس على جمر الثبات ✊🏻💜
*ربنا يثبتنا ويحفظنا وإياكم من الفتن ما ظهر منها وما بطن 🤲🏻*
*نكمل في الحلقة القادمة إن شاء الله 💝*
#الحب_والفراغ_العاطفي 💔
#فاطمة_خطاب ✍🏻
*فريق👈🏻أنتِ ملكة👑*
اللي تقرأ تسيب تعليق 😍🤗
