انا بقول نضحك شويه
😇 حوار مع ملتحي ☺☺
= هي اللحية بتشوك ؟
- طبعا ، حتى شوف (بيحاول يحضنه) =D
= طب انت مربيها ليه ؟
- صاحبي عمل مشروع تربية أرانب و ابن عمي عمل مشروع تربية بط مسكوفي ، كان لازم اشوفلي حاجه اربيها =D
= طب اخدت القرار ازاي ؟
- كفكرة خدت مني 7 ثواني ، كتنفيذ مروحتش للحلاق اسبوعين ورا بعض =D
= طب هل فعلا في مكاسب مادية من اعفاءها ؟
- اومااااااال ؛ حساب الحلاق على الشعر غير على الشعر و الدقن
= ابوك محاولش يقصهالك ؟
- اتعلمت ، و بقيت اقفل باب اوضتي كويس و انا نايم و منعت امي تشتري مقصات للبيت =D
= انت بتربيها عشان تحميك من الشمس ؟
- آه و على الاقل ارخص من sun block و في الشتا ارخص من الكوفيه و في الخريف بتحمينا من عدوى الفيفر و اظن مش محتاج اقولك (ربيع) دا يبقى مين =D
= طب بتحس بحر بالصيف
- اكيد ، وبحسن ببرد في الشتا كمان ؛ انا انسان والله =D
= هي صحيح اللحيه تمويه ؟
- يا خبر ابيض ، دا انا بخبي فيها فلوس كمان =D
= موقف حصلك و اللحية خدمتك فيه ؟
- لما الحاج ضربني بالقلم ،موجعنييييش =D
= موقف حصلك و اللحية سببت لك احراج ؟
- لما بلعب كوره مع ناس اكبر مني و يقولوا باصي يا شيخ =D و لما بقع عشان اخد بلانتي ويقولوا بطل نصب يا شيخ =D
= موقف حصلك حسيت فيه انك مميز بسبب اللحية ؟
- لما أمين الشرطة يسيب كل الناس و يقرر يفتشني انا =D
= طب المايه بتوصل لخدودك عادي ؟
- لا ؛ لازم انقع راسي كلها في جردل =D
= سمعت انك بتحط لها جيل مثبت
- دا اكيد ، لحيتي سر جمالي =D
= طب بتعرف تنام منها على المخدة ؟
- لا ، بنام على ضهري زي الحوامل =D
= طب هي لما تكبر زياده عن كدا هتسبب مشكله ؟
- اوماااااال ؛ مش هعرف اقلع التي شيرت =D
= انت بترد بجد ولا بتهزر ؟
- عايزني ابقى ملتحي و اهزر !!! O.o استغفر الله استغفر الله استغفر الله 😂😂👊
