سلسلة #الحب_والفراغ_العاطفي💔
الحلقة الثالثة 3⃣
كتير من البنات لو سألناهم وقولنالهم ليه بتلجأوا للحب الحرام هنلاقي الإجابة المشهورة اللي كلنا حافظينها ▪▪
أصل عندي *فراااغ عاطفي💔*
السبب اللي معظم البنات ممكن تقولوا هو *"إن أهلي بُعاد عني،وأمي مشغولة عني،ومش بلاقي حنية أو إحتواء من أهلي؛عشان كدا لما لقيت حد فاهمني وحنين عليا وبيسمّعني كلام حلو لأول مرة اتعلقت بيه وقلت هو دا اللي هيملأ الفراغ اللي عندي"*
مش هي دي بردو حجة ناس كتير▪▪ ‼
طب سؤال ⁉
هل كل البنات اللي عفت نفسها وقلبها وماسمحتش لنفسها إنهـا تكون ليها علاقة محرمة مع أي شاب أيًا كان دي معندهاش فراغ عاطفي ⁉‼
يبقا الحقيقة يا بنات إنه فراغ إيماني مش فراغ عاطفي؛لأننا لو ملينا قلوبنا بحب الله مش هنحتاج لأي حب معاه،لو غمرنا قلوبنا بحنان الله مش حنحتاج لأي حنان معاه،لو استشعرنا حب ربنا لينا ورحمته بينا مش هنحتاج لأي حد في حياتنا يحسسنا بالإهتمام 👌🏻
عارفة يا بنات إن الحب فطرة ربنا سبحانه وتعالى فطر قلوبنا عليها؛لكن لازم ننتبه،ونستعمل فطرتنا في المحل المناسب ليها ✋🏻
طبيعي جدًا إن أي بنت يكون نفسها إنهـا تحب وتتحب وتحس بالإهتمام من اللي حواليها...دا شعور طبيعي جداً مش غلط،بس مش دلوقتي .. خلي الحب في أوانه 👌🏻✋🏻
في نهاية الحلقة عايزين بس نوجه رسالة لكل أم وكل أخت وكل أخ وكل أب كمان 📢
بناتكم أمانة في أيديكم،خليكم انتو منبع أسرارهم،حسسوهم بالأمان وهما معاكم،خصصوا وقت واتكلموا معاهم فيه،احتضنوهم وفرحوهم ولو بكلمة بسيطة...البنت دي مخلوق رقيق جداً وسهل إنه يتراضى،فمتقسوش عليهم غير في الوقت اللي يستعدي القسوة وبس وبعد كده احتضنوهم وطبطبوا عليهم،ربوهم على أُسس الإسلام ومبادؤه،ازرعوا في قلوبهم العفة والحياء وحب الله وحب رسول الله وحب أمهات المؤمنين 💙
لكل أخ...لازم تعرف *إنك كما تدينُ تُدان✋🏻* بطل تلعب ببنات الناس،البنات مش لعبة بتلعب بيها،وقلب أختك مش لعبة في إيدك،لو أختك محترمة وعفيفة ومستحيل تكلم ولد في حياتها بس لما بتلاقيك بتكلم وتصاحب وتلعب ببنات الناس بيتكسر في قلبها كسر كبير قوي ممكن متاخدش بالك منه 💔
حسس أختك بالثقة بالأمان...حسسها إنك سندها وقوتها وقت الضعف...احكيلها عن يومك،افتحلها قلبك وخليها تحكيلك عن تفاصيل يومها،ولو غلطت م تزعقلاش وفهمها غلطها براحة عشان تفضل تحكيلك 💙
لكل أخت...قربي من أختك،متحكيش أسرارك غير ليها ومتخليهاش تحكي لحد غيرك،انصحيها وقوميها،وافتحي قلبك ليها،بلاش نحافظ على الجفاء اللي بقا في بيوووت كتييير قوي دا ✋🏻
دي مجرد نصيحة نحاول أننا لو على وشك زواج نطبقها مع أولادنا،ولو لسه صغيرين نطبقها مع أخواتنا 👌🏻
لكن مع كل دا هل الفراغ العاطفي حجة للحب الحرام ⁉
أكيد لأ طبعًا...مفيش مبرر أبداً للمعاصي ✋🏻
نستعين بالله ،ونتقوى بالله،ونتقي الله في نفسنا وفي غيرنا 💪🏻
الحب رزق،والرزق من عند الله،وما عند الله لا يُنال إلا بطاعته 💙
لا تعصي الله لأجل من تحب فقلب من تحب بيد من عصيت👌🏻
طولت عليكم صح 🤭
*نكمل الحلقة الجاية بقا إن شاء الله 🤗*
تابعونا ▫▫
#الحب_والفراغ_العاطفي 💔
#فاطمة_خطاب ✍
فريق👈أنتِ ملكة👑
https://t.me/antymaleka
