سلسلة *#الحب_والفراغ_العاطفي 💔*
الحلقة الخامسة 5⃣
اتكلمنا المرة اللي فاتت عن أول ضابط من ضوابط التعامل بين الشاب والفتاة وهو *غض البصر* وعرفنا أد إيه هو شيء مهم جداً✊🏻
◼لازم يا بنات نستشعر مراقبة ربنا لينا وإطلاعه علينا وعلى جوارحنا وحركاتنا وسكناتنا... *(يعلم خائنة الأعين وما تخفي الصدور)* غافر / 19 .
◼نستعين بالله وكل شيء هيكون يسير بالإستعانة بالله والتوكل عليه .
◼في ختام كلامنا عن غض البصر أحب أذكركم بقول الله عزَّ وجل *(وما بكم من نعمة فمن الله)* النحل / 53 .
ربنا سبحانه وتعالى فضلنا عن كتير من خلقه ورزقنا نعمة عظيمة ألا وهي نعمة البصر 👀
النعمة اللي ناس كتير محرومة منها ، وبالتالي من الواجب علينا إننا نشكر النعمة دي ؛ وشكر النعمة عدم استخدامها فيما يغضب الله عز وجل فهل جزاء الإحسانِ إلا الإحسان؟!
◼يبقا نتوكل على الله ونقرر بقا من دلوقتي إننا هنجاهد بقدر المستطاع إننا نبعد عن أي شيء ممكن يوقعنا في المعصية دي 💪🏻اتفقنا بقا يا بناااويت🤝🏻
*طيب نعمل إيه تاني عشان نحافظ على قلوبنا وأنفسنا من الوقوع في الفتن⁉*
نبعد تماماً عن الإختلاط ✋🏻
نبعد عن أي شغل أو مكان بيكون فيه اختلاط بين الرجال والنساء ، ويدخل في كدا الإختلاط ما بين الأقارب يعني الخلطبيطة اللي بتكون في بيوت وعائلات كتير دي *لا تجوز ❌*
والخلطبيطة دي طبعاً أظن اللي الكل عرفها...بنلاقي الشباب والبنات بيهزرو مع بعض ويضحكوا مع بعض ويكلموا بعض وياخدوا أرقام بعض عشان لما يكونوا مخنوقين يفضفضوا مع بعض ويحكوا مع بعض بحجة إننا متربين مع بعض وهو زي أخويا وهي زي أختي 🤦♀
وتبدأ الكوارث تحصل بسبب التساهلات دي 💔
زي اخوكي إزاي بقا فهمينا ‼
الكلام دا بقا عايز قاعدة كدا حلوة مع بعض في الحلقة الجاية إن شاء الله ، عشان كدا بقا هسيبكم تاخدوا أول خطوة اتفقنا عليها ، وتدعولي كتييير 🤗
يلا بقا يا حلوين اللي تقرأ تسيب تعليق 😁
في أمان الله وحفظه 💜
#الحب_والفراغ_العاطفي💔
✍️#فاطمة_خطاب 💝
فريق👈🏻أنتِ ملكة👑
