*#الحب_والفراغ_العاطفي💔*
الحلقة الحادية عشر 1️⃣1️⃣
*من يومين وصلتلنا مشكلة وطلب للنصيحة مننا على رابط صراحة الخاص بالفريق وحبيت أعرض المشكلة في حلقة مستقلة من حلقات سلسلتنا عشان نتعظ ونحافظ أوي أوي على نفسنا*
*الرسالة محتواها ⤵️*
السلام عليكم ورحمة الله وبركاته..
أنا بحب بوستاتكم جدا جزاكم الله كل خير..
عندي مشكلة ومش عارفة اعمل فيها إيه وكمان عيزاكم تنشروها علشان تكون عبرة لكل بنت متنخدعش وتصدق أي واحد مهما كان قصادها وجاي بطريقة خطأ..
ولا تنخدع في نفسها إنها ملتزمة ومستحيل تقع..
أنا اتخدعت وحبيت واحد علي النت انبهرت ببوستاته وكلامه عن الحرية وغير كده هو كان معتقل فده اللي خلاني احبه واتعلق بيه أكتر واصدقه
فضلت احبه سنتين وهو كل الفترة دي بيخدعني..
هو بره مصر ومُطارد وكان دايما يقولي إنه هيفضل يحبني وهنرتبط حتي لو لآخر يوم ف العمر نستني ومنرتبطش غير ببعض..
كل شوية كان بيتعرف ع بنت جديدة ويسيبني ويرجع تاني بس المرة دي
بيخدع بنت بينه وبينها ٢٠سنة وطيبة واخوها معتقل ومش عارفة ايه الحل
ازاي اخليها تعرف انه كذاب ومخادع وخدع كذا بنت قبلها..؟!
اللي مضايقني البنت رغم صغر سنها والمحنة اللي هي فيها مرحمهاش بيخدعها وبيضحك عليها زي ما عمل معايا..
الشخص ده ظاهريََا ملاك قدام كل الناس وأصحابه لكن ف الحقيقة أبشع ما يكون نفسي ربنا يفضحه للكل
أنا هقول اسمه ممكن تنشروه أو تخفو الاسم
اسمه......هو صحفي بس بيشتغل معلق ف تلفزيون وطن ف تركيا
بيخدع البنات من خلال الفيس والآسك..
رغم إنه اعتقل وشاف الظلم بس ولا همه بيظلم بنات الناس ويتسلي بيهم
كل اللي اقدر اقوله حسبي الله ونعم الوكيل ف كل ظالم وربنا يفضحهم يارب..
بيتظاهر انه شخص محترم وحر وهو منافق بوجهين..
كل كلامه شعارات وكذب..
كل اللي بتمناه ربنا يفضحه علشان مفيش بنت تقع فيه..
وللأسف البنت اللي بيتكلم معاها حاليا بيكذب عليها برضو وبعتتله صورها بالنقاب وبيكلمها وبيتسلي بيها..
أنا اتدمرت نفسيََا كنت شيفاه ملاك
رغم كذا حد قالي ابعدي وبيضحك عليكي بس صدقته لإن أنا عمري م حبيت قبل كدا..
كان هو أول حب أنا ملتزمة وعمري م كلمت شاب ف حياتي..
.... كان بالنسبة لي شيفاه حد مش بشر لغاية لما دمرني...
ودلوقتي بيهددني بصوري بنقابي وتسجيلات صوتية..
مش عارفة ازاي صدقته..
لما بفكر ف كلامه فعلا هو شخص خاين حتى محترمش شرف طليقته
كان دايما بيحكي عنها انها جبارة وسيئة شيطانة وخانته مع واحد محترمهاش رغم بينهم اولاد وعشرة
بس لما فكرت لقيت اني ازاي اصدق واحد افشي اسرار زوجية وعاب ف طليقته ال كانت عشرة عمره...
كنت كأني عامية مش شايفة غير اني بحبه...
ظاهر للكل انه محترم وعلشان كان ضد الانقلاب وظاهر للجميع انه ثوري واعتقل ومطارد فكنت مخدوعة فيه
لكن طلع منافقين بوجهين حتى صورة بروفايله بتوضح دا إنه بوجهين ظاهر للناس محترم وهو مختفي وراء أفعاله البشعة...
بيوقع البنات والبنت ال بعت لكم عليها للاسف وقعت هي كمان وبعتتله صورها وبتكلمه.. 💔
.......................... 📩
*في الحقيقة إني مبقتش عارفة ارد اقول إيه بالضبط…* مشفقة جدََا على أي بنت اتخدعت بكلام خَدَّاع وكَذَّاب، وإني على ثقة إن حتى الثورية دي خدعة وكذب وعلى ثقة إن أكونته أكونت فيک مش حقيقي بيخدع بيه البنات وبيتسلى بيهم وخلاص ومفيش ولا گلمة من الـِ قالها حقيقة 💔
فـ يا بنات متصدقوش ومتقعوش ومتنخدعوش بسهولة..حكموا عقلكم قبل أي حاجة ومتصدقوش حتى لو قالک إنه إمام وخطيب وحافظ القراءات العشر..متصدقيش حتى لو جاب المصحف وحلفلک عليه إنه صادق..متصدقيش حتى لو قالک على عهود مبتخلصش..متصدقيش حتى لو هو صادق بجد؛ لإنه في النهاية هتفضل العلاقة محرمة أيََا كانت، والراجل والـِ بييجي يخبط عالباب مش بيخبط عالقلوب..✋🏻
يا بنت الناس صورتک حتى لو بالملحفة متتبعتش لأي شاب حتى لو خطيبک حافظي على نفسک يا عفيفة..💝
*گلمة للأخت صاحبة الرسالة:* هنيئََا لکِ توبتک، ولعل التجربة دي کانت درس ليکِ بس للأسف درس قاسٍ جدََا..انصحي البنت وفوقيها قبل فوات الأوان حتى لو خلاص حبته، ربنا خلقنا وفضلنا على گثيرٍ من خلقة وخلق لينا عقل نفكر بيه..خليها تحكم عقلها وحاولي تنقذيها من الـِ هي فيه 👌🏻
طبعََا مش هينفع ننشر اسم الشاب ولا حسابه لإننا نحاول بقدر الإمكان إننا نساعدکم ونحل مشاگلگم بدون تشهير أو فضيحة..وعلى أمل أن يتوب الله على هذا الشاب..!!
*ربنا يحفظكم يا بنات ويصلح حالكم!!*
#الحب_والفراغ_العاطفي💔
*فريق👈🏻أنتِ ملكة👑*
t.me/antymaleka
