سلسلة #الحب_والفراغ_العاطفي💔
*الحلقة الأولى 1⃣*
لو اتكلمنا عن الحب اللي بيكون مابين الولد والبنت هنقسمه لقسمين *حب حرام🤚🏻* *وحب حلال ❤*
طب إيه هو الحب الحرام وإيه هو الحب الحلال ⁉
عايزين نكونوا متفقين إن قلوبنا مش بإيدينا،وملناش دخل بيها ممكن تميل غصب عننا،وعايزين نكونوا متفقين بردو إن قلوبنا ضعيفة...ضعيفة جدََا 💔
وبالتالي ممكن قلب الشاب أو الفتاة يقع في الحب غصب عنه وبدون ميكون للشخص دا دخل في الأمر خالص👌🏻
ممكن مثلََا شاب يسمع عن بنت ملتزمة مؤدبة فيها من الصفات الجميلة ما فيها؛فبالتالي قلبه ممكن يميل ليها غصب عنه خالص ▪
ومن الناحية الآخرى ممكن بنت تسمع عن شاب وعن أخلاقه ودينة فقلبها يميل غصب عنها وتتمنى لو يكون الشخص دا زوج لها ▪
أو أنه مثلََا شافها في مرة من المرات وشاف حجابها والتزامها أو هي شافته وشافت بعض من أخلاقة مع مراعاة غض البصر من الطرفين لكن مع ذلك لقى إن قلبه مال ليها أو العكس 👌🏻
وهنا منقدرش نحكم على الشاب أو البنت دول بعدم العفة أو بعدم الحياء،ومينفعش نقولهم إنكم عملتوا حاجة حرام لأنهم معملوش لسه حاجة حرام...دا كل ملهومش دخل فيه 👌🏻🤚🏻
طب امته نقدر نقولهم إنكم كدا غلط ‼
هنقولهم انتو غلط لو تمادوا في الحب،وبدؤا بلفت الأنظار،واتباع خطوات الشيطان▪▪
يعني الشعور الطبيعي دا لا يحل للشاب أو البنت إن حد منهم يروح للتاني ويصارحه بالحب دا،أو إن حد منهم يبدأ يلفت نظر الطرف الثاني بأي صورة من الصور 🤗
طب المفروص بقا يعملوا إيه ⁉
عايزين في الأول كدا ننتبه على شئ مهم جدََا ▪▪👌🏻
الحب معناه أسمى وأرفع من إننا ندنسه بعلاقة من العلاقات المحرمة...الحب اللي بيهوى بصاحبه في نار جهنم ماسموش حب...الحب اللي يشغلك عن طاعة الله مينفعش نسميه حب 👌🏻💙
والمفروض أول مالشاب أو البنت يلاقي من نفسه الشعور دا يروح بسرعة يعمل زوم على قلبه ويقولوا استووووب...مش دلوقتي...استنى شوية...إنت مش ملكي إنت ملك لله فمينفعش أسيبك تتعلق بغير الله ❤🤚🏻
*احفظوا قلوبكم وقفوها عند حدها بسرعها مترهقوهاش بأي شئ أوانه لسه مجاش 👌🏻🤚🏻*
تقريبََا كدا كله فهم أنا عايزة أقول إيه ▪▪🌷
عايزة أقول إن الميل الفطري دا شئ غير محاسبين عليه لكن التمادي والمبالغة هو اللي هنتحاسب عليه 👌🏻
دا طبعََا لو الشاب أو البنت حصل منهم الميل بطريقة غير إرادية...يعني من غير ميكون ليهم إيد في كدا...يعني متروحش البنت تهزر مع الشباب وفي الأخر تقول غصب عني...يعني متختلطش بالأجانب وفي الآخر تقول مش عارفه إيه دا...يعني متطلقش بصرها وفي الآخر تقول مش بإيدي...إلخ.
فهمنا ولا لأ؟!...يعني نحافظ على قلوبنا من البداية 🤚🏻💙
طب خلاص القلب مال نعمل إيه ⁉
*دا اللي هنعرفه المرة القادمة إن شاء الله 💝*
*انتظرونا ▫▫🌷*
#الحب_والفراغ_العاطفي 💔
*فريق👈🏻أنتِ ملكة👑*
خدمة👑أنتِ ملكة👑الدعوية
