سلسلة #الحب_والفراغ_العاطفي 💔
المقدمة 🌷🌷🌳
السلام عليكم ♥️
بداية كدا نجاوب مع بعض على عدة أسئلة ⁉
هو الحب حرام ▪▪‼
بصي يا ست البنات 🤗
لو كان الحب حرام لم يكن ليخلق الله لنا قلب ❤
الحب دا أمر جبلي *(فطري)*
ربنا سبحانه وتعالى خلق بني آدم وفطره على الحب والود 💙
بل إن الحب دا أمر مرغوب بيه وربنا سبحانه وتعالى أمرنا بيه 👌🏻
زي مثلََا حب الله وحب رسول الله دا أمر واجب على كل مسلم ومسلمة ▪
الرسول صلى الله عليه وسلم قال *(لا يؤمن أحدكم حتّى أكون أحب إليه من والده وولده والنّاس أجمعين).*
🔸نيجي مثلََا لحب الآباء لأبناؤهم وحب الأبناء لآباؤهم فدا شئ فطري يعني طبيعي جدََا الأم تحب أبنائها والأب يحب أبناؤه حتى ولو ظهر بعض الشدة والغلظة في التعامل لكن في النهاية بنلاقي الآباء بيعملوا كدا بدافع الحب لأولادهم بغض النظر بقا هل الطريقة دي صح✔ ولا غلط ✖
ومن الناحية الأخرى بنلاقي الأولاد بيحبو أباؤهم بطريقة فطرية خالص حتى ولو ظهر عكس ذلك لأنهم هما السبب في وجودهم في هذه الحياة ❤
دا شئ طبيعي خالص ولو لقينا كره وعدم حب من ناحية الأب أو الإبن بنعد الشئ دا شئ شاد ومخالف للأصل والفطرة 👌🏻
🔸نيجي بقا لحب الزوج لزوجته والزوجة لزوجها فدا بردو شئ فطؤي مكتسب بنلاقي الزوج يميل للزوجة ويسكن إليها والزوجة كذلك بطريقة فطرية ▪
ربنا سبحانه وتعالى قال : *(ومن آياته أن خلق لكم من أنفسكم أزواجََا لتسكنوا إليها وجعل بينكم مودة ورحمة)*
🔸وحبك لاصحابكم وأقاربك الناس اللي حواليك دي كلها أشياء فطرية بتُكسب من خلال الوقت والتعامل 🤗
🔸نيجي بقا للنوع الأخير واللي هو السبب في إننا نعمل السلسلة دي أصلََا اللي هو *الحب بين الشاب والفتاة💑*
هو دا بقا اللي بينقسم لقسمين *حلال وحرام* إيه هو الحب الحلال وإيه هو الحب الحرام...وهو فيه أصلََا حب حلال... وإزاي نقدر نتغلب عن الحب الحرام ⁉
*دا اللي هنتكلم عنه بإذن الله في الحلقات الجايه إن وفقنا الله تعالى وقدر لنا البقاء واللقاء 🤗💙*
#الحب_والفراغ_العاطفي 💔
بقلم✍️ #فاطمة_خطاب 🌷🦋
فريق👈🏻أنتِ ملكة👑
يلا يا ملكات قولولي رأيكم في أول حلقة 🤗😍
