يوم الرؤيـه الشرعيـة🙈💚
هى منتقبه ❤ وهو ملتزم 🙂
وهما هدفهم الجنه وبيت مسلم ،
هى : صمت رهيييب وايد متشبكه ومتلجه وقاعده بالنقاب 🙂
هو : يارب هى مش بتتكلم ليه يارب يا دى النيله نص ساعه ومش عارف اهبب حاجه فكها من عندك يارب
هو : السلام عليكم
هى : وعليكم السلام حضرتك يافندم
هو : انتى بتتكلمى اهو طيب ايه
هى : افندم يا حضرتك 😐
هو : حضرتك اسمك ايه يا انسه ملك
هى : ابتسامه من تحت النقاب بس هى من النوع اللى بيضحك عينها بتقفل .شافها وعرف انه ضحكها
ضحك ❤
هو : طب يا ست البنات نبدأ ع خير الله انا مش عاوز شكلك ولا اى تفاصيل قد مانا عاوزك تساعدينى للجنه واقرب ل
ربنا اكتر ونفتح بيت مسلم ونربي عيالنا ع الالتزام صح ونكون متفاهمين ف كل شئ وتكونى ليا السند والزوجه والام والاخت والصاحبه والحبيبه والابنه وكل شئ ليا تكونى .
منبتش فـ يوم زعلانين وكل واحد يراضي التانى واللى بينا مهما يكون بره باب اوضتنا ميطلعش اى مشكله محدش يحلها غيرنا انا وانتى وان شاء الله انا واثق انك هتتقى الله فيا انا واثق
وفجأة وهوا بيتكلم راحت بدون مقدمات منزله النقاب ❤
هو : ♥ o_O 🙂
هى : زير وكولدير مدلوق عليها
هو : انتى بجد وبحق وحقيقى
هى : اه حضرتك
هو : يعنى طبيعى مش حاطه كريم تفتيح
هى : لا والله ابداً
هو : غسلتى وشك ب ايه قبل ما تيجى
هى : صابونه دوف واتوضيت وصليت ودخلت 😐
هو : اللهم صلي عليك يا نبي يارب باركلى . انا امى دعاها اتحققلى
هى : وضع يا أرض انشقى وابلعينى
هو : ف وضع يارب ساعدنى احافظ عليها
هو : اتكلمى بعد اذنك
هى : احمممممممممممممممممممم احممممممممممم بص حضرتك يافندم حضرتك انا عاوزه الجنه وعاوزه افتح بيت مسلم صح وذريه وزوج صالحين وعاوزه زوجى يصحينى لقيام الليل والفجر واكون ليه خير الصحبه الصالحه انا
هو : وانا إن شاء الله هحفظك القرآن
هى : قول والله وربنا احلف 😍😍
هو : ههههههههههههههه وربنا بجد انا خاتم القران الحمد لله وبراجع يومياً عشان حب الدنيا ميدخلش فـ قلبي
هى : بعيون مدمعه وهاتك يا عياط
هو : مالك يا آنسه
هى : انا هقول لحضرتك حاجه بس متقولش عليا طفله
انا ف سجودى كنت بدعى كتير ف زوج يكون خاتم القرآن ويساعدنى اختمه معاه ويحفزنى اكتر ونحفظ سوا واجبله شيبسي اما يسمعلى صح من غير اخطاء واغلبه بلايستيشن كمان وهوا يجبلي شيبسى بالجبنه المتبله وشوكلاتات كتيييير وبالونات كتيييره وعصير فراوله وشويبس اناناس وباتيه جبنه بالزتون
هو : نظرته ليها قاعد قدام بنته بجد
هو : حضرتك حابه تقولى حاجه يا آنستى
هى : لا حضرتك يافندم حضرتك شكراً
اه لا استنى
بص حضرتك لو حصل نصيب وبقيت خطيبى حضرتك تضاف عندى فيس لا حضرتك مازلت اجنبى عنى ..
مكالمات ف الفون لا ، كل يوم جمعه اما تيجى حضرتك هقدم لحضرتك العصير وهقعد مع حضرتك ف وسط بابا وماما واختى ، مفيش خروج ، مفيش اى كلام من بتاع القلوب ده ، حط كويس ف دماغك مفيش حاجه بتيجى وبتفرح ب معصيه ربنا يا تبنى الاساس من الاول صح عشان ربنا يبارك يا لك مطلق الحريه حضرتك ✋
هو : بنظره اعجاب وفخر
وانا يا زين ما اخترت يا ست البنات يشرفنى ان زوجتى تحافظ عليا وتحافظ ع نفسها لحد ما تبقي حلالى ❤
----------------------------------------
هو : عمى انا موافق ع اللي حضرتك تقول عليه واى حاجه
والدها : على خيره الله يابنى ربنا يقدم ليك اللى فيه الخير
هى : بتصلي استخاره وبتتمنى من ربنا يتمم ليها ع خير
هو : ف نفس اللحظه كان بيصلي استخاره وبيتمنى من ربنا تكون البنت دى حلاله
بعدها ب يومين اتصل ..📞
هو : السلام عليكم يا عمى ☎
والدها : وعليكم السلام يابنى عامل ايه واخبارك ايه ؟؟
هو : الحمد لربي حضرتك وبيتكلم وبكل قلق ، هوا حضرتك يعنى حضرتك يعنى ايه الاخبار
والدها : انتى لحقتى عديتى الراجل ب حضرتك ، والله يابنى انت عارف ان كل شئ قسمه ونصيب وعارف ان الراحه دى بتبقي بينكم ومنقدرش نغصب حد علي حاجه .
هو : بعيون فيها رغرغه دموع فهمت يا عمى وبدأ الضيق عرف صوته
والدها : بس الحمد لله نظرتى فيك مخيبتش وبنتى الحمد لله حصل قبول
هو : مش مستوعب لحد دلوقت ، طب احلف كده وربنا انها وافقت
والدها : ياعينى دا اتصدم ، فوق يابنى دا انت ادبست فوق
هو : والله اجمل واحلى تدبيسه عمرى
والدها : بتقول ايه يابنى
هو : مقولتش حاجه ياعمى وربنا انا انا انا قولت مين شاف انى قولت
والدها 😊 :طب هتصل بيك نحد د يوم عشان الاتفاق ع الباقي
هو : عمى هوا ينفع يبقي خطوبه وكتب كتاب
والدها : لا كتب الكتاب يكون يوم الفرح غير كده لا يعنى لا
هو : قلبه اتقبض ، حاضر يا عمى ربنا يعديها ويتممها ع خير يارب
' ' --------------
- وبعد مرور سنه اتحدد معاد الفرح وكتب الكتاب
ويوم الفرح 👰
مكنش مصدق نفسه انه خلاص هتكون حلاله وهيشوف وشها تانى بعد غياب سنه كامله مش وشها فيه وانها هتكون ملكه بكل حاجه تخصها ذاتها ..
وهى طالعه من الكوافير بالابيض
هو : فضل واقف متنح ليها ان برغم انها متخفيه الا ان طالع منها نور جميل بالابيض
هو : انتى بقيتى بتاعتى وحلالى خلاص
هى : لا لسه حضرتك
هو : لا لسه ازاى انا جوزك وانتى جمبي بالابيض لا ازاى
هى:لسه مكتبتش الكتاب حضرتك عشان ابقي حلالك
هو : طب يلا هاتى ايدك عشان نروح النادى بسرعه ونكتب كتابنا يلا هاتى
هى : نعم لا طبعا ايدى مش هتتمسك إلا بعد الكتاب ويلا امشى قدامى
هو : هاتى ايدك الناس بتبص علينا يلا هنتحرج
هى : انا مالى ومال الناس انا ليا دعوه ب ربنا وعشان اما احلف ان مفيش حد مسك ايدى غير بابا واخويا وجوزى ابقي مكدبتش ويلا قدامى اركب يلا عشان انا هقع بالفستان ده وهعيط 😭
هو : لا إياكى دمعه تنزل انا فرحتك
وركبو العربيه وركب هوا السواق بقا وهى ركبت من ورا والناس كلها ف اتم الاستغراب ولا مسك ايدها ولا هى راكبه جمبه ،
دى اكيد مغصوبه عليه ، دا اكيد متخانق معاها
وصلو النادى ♥
وبعد ما مضوا ع القسيمه والمأذون اعلن جوازهم
🌸بارك الله لكما وبارك عليكما وجمع بينكما ف خير🌸
