ألحان الحب "نوفيلا"

الأقتباس الثالث 💯💃🏻

يجلسا في أحد المقاهي المطلة على شارع رئيسي هاديء رفعت يداها للنادل تحدثه بلغة أجنبية تطلب منه احضار كوبان من القهوة... بلحظة بدلت فنجان القهوة المعدوم من السكر بأخر خاص بها سكره معتدل قبل أن يعود من دورة المياة....

عاد ليجلس أمامها يرفع الفنجان يرتشف منه ليبصق ما أرتشفه في مِحرمة بتقزز عاقدًا بين حاجباه، ضحكت بقوة تنظر إليه بإبتسامتها الواثقة...

صاح بحنق :

- غيرتي الفنجان صح!

- مبتحبش السكر ليه؟

ابتسم بهدوء يجيبها وهو يأخذ فنجانه من أمامها :

- مزاجي في القهوة السادة

ابتسمت بمشاكسة تواجهه :

- وأنا مزاجي أضايقك دايمًا

غمزها بمكر مرددًا بمشاغبة زادت من حنقها :

-لما نرجع مصر هنشوف هتضايقيني أزاي قدام لمياء

عقدت ساعديها تلوي شفتيها بضيق تتطلع له بنظرات نارية صامتة ثم فكت تشابك ساعديها تُشير بسبابتها في وجهه :

- أقسم بالله لو فضلت كدا وكل شوية تقولي لمياء لمياء هروح أقولها إننا بنحب بعض من قبل ما تسافر وتبقى تخبط دماغها في الحيط

رفع أحد حاجبيه بتهكم مرددًا بسخرية :

- لا والله !!

ألتقط أنفاسه بهدوء يطالع وجهها المتجهم وأعينها بالعبرات المحبوسة المتلألأة فمد أنامله عبر الطاولة يمسك بيدها هامسًا بمحبة بنبرة جدية :

- أنا مش بخبي حبي ليكي علشان مش عايزه بس أنا مش هقدر دلوقتي أروح للمياء أقولها لمياء أنا خبيت عليكي سر كبير كان المفروض أنتي أول واحدة تعرفه بس للأسف فضلت باعدك عن إنك تعرفيه سنين، صدقيني مش هعرف أشوف نظرة خيبة الأمل جوه عنيها...