ألحان الحب "نوفيلا"

🔥🎉🎉

29_9
نوفيلا ألحان الحب هتكون نوفيلا تكميلية لرواية لن أحبك 💃🏻حاجة كدا خفيفة وحلوة مفيهاش تعقيد الروايات 💓💯مفاجأة بحضرها من فترة وحبيت أنزل أول فصولها النهاردة أحتفالًا بعيد ميلادي🎉🎂🎈

هنزل بإذن الله فصل كل يوم 💃🏻😁😎😇 وحقيقي تعليقاتكوا هتفرق جدًا لإن الحقيقة الفكرة المجنونة دي طقت في دماغي شهر 8 ومن وقتها بدأت أظبط الفصول وأحداثها وأكتبها 😄😄

أحداثها بسيطة مجرد أحداث هتظهرلنا شكل الحياة ما بين أبطالنا بعد سنين مع بعض وتحديدًا بعد سنتين من أخر مشهد في الخاتمة في الرواية فاللي مقرأش الرواية يا إما يروح يقرأها أو يقرأ الخاتمة هتلاقوها زي الفل موضحة حاجات كتير💯🖤

وكمان علشان لو حبيت أعمل جزء تاني في أي وقت للرواية يتكلم عن أولادهم مش هذكر أبطالنا دول بمشاهد كتير علشان كدا حبيت أكون مُنصفة مع الكل 🤷🏻‍♀️😉 كمان الفصول هتكون طويلة فعلشان كدا عددهم قليل 💃🏻

البداية بقى قبل ما تقرأوا النوفيلا👈🏻 آسر مات.. مات بجد🙂

علشان ملاقيش حد يقولي هو آسر صحى تاني 💔 عارفة إنها مؤلمة بس الحقيقة إن اللي بيموت مبيرجعش... جيباله مشاهد تفكرنا بيه وتوضح تأثر الأبطال بيه بس هو خلاص بقى ذكرى جوه القلب ☹

وهرجع أوضح تاني آسر لو كان عايش مامتش الوضع كان هيختلف...

لمياء بدل ما أخدت خطوة وكشفت ورقها كان ممكن تخاف عليه وترفض إنها تكمل في طريقها... هو طبيعي كان هيتشل الرصاصتين جايين في نفس اللحظة لأصابة العمود الفقري أنا بكتب رواية واقعية اها فيها لمحة خيال بس مقدرش الخيال هو اللي يسيطر على كل الأحداث... فريدة ممكن مكنتش تتغير حسن وقتها كان هيرفض جوازها من آسر تحديدًا بعد ما عرف إن سليمان هو اللي قتل سالم فوقتها فريدة ماكنتش هتقتنع بالرفض وتوقعوا أي تصرف مغرور متملك ممكن تعمله علشان تبقى مع آسر...

ثانيًا لو آسر كان عايش وأدهم خباه لفترة وقتها علاقة أدهم ولمياء هتتهز وبدل ما كانت تاخد منحنى الركود في العواصف الغاضبة الوضع كان هيزداد سوء ومش بعيد ما تكملش معاه ، أو لو كان آسر أختفي لوحده فترة لأنه مثلا قبل الحادثة عرف إن لسليمان دور في قتل أبو لمياء وقتها ظهوره بعد السنين دي هيكون أنانية منه خصوصًا الوجع اللي فراقه أتسبب فيه جواهم او لو فرضنا أن وقت صدمة لمياء فضل حسن واقف قدام غرفة العمليات وفجأة آسر ردت فيه الروح من تاني وأخفى إنه عايش عن الكل كنت حقيقي هحسها فيلم هندي أو قصة متكررة ومهروسة في ألف مسلسل قبل كدا + إن هنا هتكون فريدة متجوزة فارس ووقتها بقى ممكن تتشتت ما بين وجود آسر وفارس وكمان الموقف ده هيوضح إن آسر مكنش بيحبها فبدل ما كلنا كنا متعاطفين معاه هنتحول بكتلة غاضبة مش طايقاه 🤷🏻‍♀️

ولو حصل وكانوا اتجوزوا مكنش الموضوع هيخلى من مشاكل غيرة توجهها للمياء... اللي غيّر فريدة أو بمعنى أدق رجعها لشخصيتها الأساسية هو الصدمة... صدمة الفقد 💔

أتمنى أكون وضحت كل الجوانب الخاصة بآسر وأتمنى كمان تستمتعوا بالنوفيلا 💓💓

أعتراف بسيط كدا في الأخر* الكتابة حقيقي مش ساهلة بس ممتعة بتبسط لما بكتب بلاقي مكان أخرج فيه مشاعري بطريقة سوية لما كنت بتأخر عليكوا في أعمالي مش بيكون علشان ألم فوت أو كومنت بالعكس كان علشان بكتب الفصل وفعلًا أول لما كان بيخلص كنت بنزله بالظبط الوضع مع النوفيلا دي أغلب فصولها خلصت بس اللي لسه هما أخر فصلين ودول أطول فصلين فيها هبدأ أنزل الفصول لاقيت الفصلين خلصوا وأنا بنزل هنزلهم لاقيت فصل واحد هنزله وهستنى لما أخلص الأخير وينزل خليكوا عارفين إني مش هخبي عليكوا فصول أنا بكتب علشان بحب الكتابة مش علشان شهرة بس ده ميمنعش إني بفرح لما بلاقي كلمة حلوة بعد المجهود ده وبخلي ماما وعيلتي يقرأوا كلامكوا علشان يفتخروا بيا ويعرفوا إن عندي هواية مفيدة مش شرط ألقى منها ربح مادي ع قد ما بلاقي حب الناس❤ أنا حقيقي بشكركوا💯

أمينة عزت