#ذكرياتي
#بوسي_مصطفى
_________________
الحلقة الأولي :-
في منزل مكون من ثلاثة طوابق
تعيش بطلة قصتنا (رانيا)
في الدور الثالث
تستيقظ رانيا
رانيا/ صباح الخير يا حبيبي
هيثم / صباح الفل يا حبيبتي
ويقبل ايدها..
رانيا ببتسامة / يلا علشان هتتأخر علي شغلك
أنا نازلة تحت لماما هجهز الفطار متتأخرش
وأنزل ومعاك ياسين
أنا هاخد تقي معايا.
تنزل رانيا للدور الأول لحماتها (حنان)
ترن الجرس.
رانيا / صباح الخير يا ماما
حنان / صباح الخير يا رانيا ايه يا بنتي
مسبتيش تقي نايمه فوق؟؟
ليه الجو برد.
رانيا / أنا نزلتها معايا كانت صاحية
اصل هيثم بيلبس ونازل ومينفعش اسيبها
مع ياسين.
اعمل فطار زي كل يوم ولا حضرتك عايزة
حاجة تانية؟؟
حنان / لا يا بنتي اللي تحبيه بس رضعي بنتك الأول
لو مكنتش رضعت.
رانيا / لا يا ماما رضعتها بس خلي بالك منها لما بتزحف بتبهدل نفسها وتجيني المطبخ تغرق هدومها مياة.
حنان / ههههه يعني مكنتيش عيله زيها
يحي شقيق هيثم يستيقظ ويخرج من الغرفة
يحي / صباح الخير يا ماما
ويقبل يدها
يحي : صباح الخير يا رانيا
رانيا صباح النور يا يحي
وتدخل رانيا المطبخ وتترك بنتها مع حماتها.
حنان / صباح النور اتأخرت يعني في النوم النهاردة
مفيش مدرسة ولا ايه؟؟
يحي / في مدرسة طبعاً بس مش ناوي احضر النهاردة
عندي دروس
ومذاكرة كتير الإمتحانات قربت زي ما حضرتك
عارفه.
تخرج رانيا من المطبخ..
رانيا / يلا شد حيلك بكره تروح الجامعة وهتذاكر براحتك
يحي / يااااه أمتي بقي السنة دي تخلص واروح الجامعة
رانيا جهزت الفطار علي السفرة هيثم ينزل ومعاه
ياسين.. بالمناسبة عمزه(٣سنين)
حنان / يلا يا هيثم أفطر يا ابني علشان متتأخرش
علي شغلك.
هيثم / فين رانيا؟؟ صباح الخير يا يحي.
يحي / صباح النور اخويا الكبير وحبيبي
اللي هيخرج مييايه دلوقتي
من جيبه أخوك مزنوق في فلوس الدرس
ههههههههههههه
لو مفيش خلاص.
هيثم / ولو مفيش اجيبلك من تحت الارض
اتفضل الفلوس ومن غير البكش بتاعك ده.
يحي / متشكر اوي يا بشمهندس
عقبال ياسين وتقي لما يخلصوا فلوسك
علي الدروس هههههههههههه.
هيثم / متخافش هما أصلا مخلصينها علي البامبرز والشوكولاته
هيثم ينادي علي رانيا /'يلا بقي يا رانيا علشان نفطر
هتأخر علي الشغل
أنت تقرأ
ذكرياتي.
ChickLitيتوفى الأخ الأوسط ثم يتجوز الأخ الأكبر من ارملة أخيه. لتعاني الزوجة الأولى من هذا الزواج. القصة قديمة.. وخلصانه كتابة.. كل يوم حلقتين..
