#ذكرياتي
الحلقة العاشرة
بعد كام ساعة نزلت ميار
ميار / صباح الخير يا طنط.
حنان بضيق / صباح الخير !!
قولي مساء الخير الظهر أذن
ميار بلامبالاة/ وانا يعني هصحي بدري اعمل ايه؟؟
حنان / فعلا هتصحي بدري تعملي ايه!!
لا عندك عيل بيصحي بدري
يروح مدرسته ولا عندك راجل عايز اللي يفطره
علشان يروح شغله ولا حاجة أبداً.
خليكي نايمه فوق.
ميار / يوووة يا طنط نفس الأسطوانة دي مبتتغيرش
كنت كل ما تشوفي كريم تسمعيه الكلمتين دول
ويطلع يتخانق معايا
حنان قعدت تعيط لما جت سيرة كريم سابتها ميار
وطلعت شقتها.
بعد شوية...
رانيا نزلت بولادها تحت.. البيت مفيش صوت.
دخلت جوه ل حنان لاقتها نايمه
دخلت المطبخ شطبته وعملت الأكل
وخرجت قعدت بره شوية
قلقت على حماتها فكرت تدخل تاني تطمن عليها.
رانيا بتوتر / ماما.
حاولت مرة أخري تصحيها مفيش رد.
هزتها بردو مبتردش تعمل ايه تتصل ب هيثم
طب تحاول تاني
بدأ الخوف يتمكن منها.
ياسين / ماما عايز اكل.
رانيا واقفة قلقانه.
الولاد بيبكوا من الجوع
رانيا مش واخده بالها من قلقها علي حنان.
بعد محاولات من رانيا في افاقت حنان بتفتح عينها
رانيا بتنهيدة
حنان / ايه كنتي خايفة عليه؟؟
رانيا وهي بتمسح دموعها / طبعاً يا ماما
حنان / من شوية كنتي عماله تزعقي فيه!!
رانيا / انا آسفة يا ماما اعصابي تعبانه بس اليومين دول.
حنان / عارفة يا رانيا خوفك عليه خلاني حاسة
اني ظلمتك
وظلمت هيثم كمان بجوازته دي انا عارفة طبع ميار كويس
رانيا ساكته مردتش.
حنان / أنا فعلاً ندمانة علي الجوازة دي.
الباب بيخبط جامد تجري رانيا تفتح الباب
حنان واقفة علي باب اوضتها بترقب
ميار / مساء الخير يا رانيا.
رانيا استدارت ل حنان علشان تسندها.
ميار دخلت / رانيا شوفي الإختبار ده كده؟؟
حنان قربت علشان تقعد ورانيا لسه مسنداها /
إختبار ايه ده يا بنتي؟؟
رانيا من بعيد شافته
ميار/ دا إختبار حمل يا طنط شوفي كده يا رانيا
الشرطه التانية ظاهرة كده
رانيا بتحاول تنظر للاختبار بعدم إهتمام ولكن هي عندها فضول تعرف
بعد صدمة رانيا اللي مقدرتش وقتها تداري غضبها
رانيا ب حده / أنتي عارفة إنها واضحة جاية تسأليني ليه؟؟!
ميار بفرحة / طلعتلك فوق علشان اتأكد
بجد أنا حامل دا هيثم هيفرح اوى.
حنان / مبروك يا بنتي.
رانيا بنظرة لحنان كلها عتاب وحنان بتغمز لها
ميار / ايه رانيا مش هتقوليلي مبرووك!؟؟
رانيا جواها نار يعني
( مش كفاية اتجوزت كمان هتخلف منه دا)
اللي كانت رانيا بتقوله لنفسها.
في الوقت دا كان هيثم داخل البيت
هيثم / ايه يا جماعة سايبين الباب مفتوح ليه الجو برد بره
رانيا ل هيثم / ايه رأيك اقول للمدام مبروك ولا تقولها انت
هيثم بدهشة / مبروك!!! مبروك علي ايه؟ !!
ميار بسرعة / أنا حامل
هيثم ابتلع ريقة وقعد من المفاجأة عينه ناحية رانيا.
رانيا أخدت الولاد كعادتها كل يوم ومأكلتش.
أنت تقرأ
ذكرياتي.
Chick-Litيتوفى الأخ الأوسط ثم يتجوز الأخ الأكبر من ارملة أخيه. لتعاني الزوجة الأولى من هذا الزواج. القصة قديمة.. وخلصانه كتابة.. كل يوم حلقتين..
