ذكرياتي.

الحلقة الثانية

#ذكرياتي
#بوسي_مصطفى
________________ ((((( ٢ ))))))

الحلقة الثانية :-

في المساء رجع هيثم إلي المنزل
متكلمش مع رانيا.. تناول الطعام وبعدها.

هيثم / الحمد لله.
حنان / ايه يا ابني الأكل زي ما هو!
ما اكلتش ليه؟
هيثم / أكلت يا ماما أنا طالع أنام
مصدع شوية تصبحوا علي خير.

هيثم طلع شقته
حنان ل رانيا
اطلعي يا بنتي لجوزك لو تعبان يروح للدكتور
رانيا / حاضر يا ماما هشيل الأكل واغسل الأطباق.
قاطعتها حنان / لأ خدي الولاد واطلعي دلوقتي

رانيا دخلت شقتها نيمت ياسين وتقى
ودخلت ارضاها
هيثم لسه منامش.. فكرت رانيا تبدأ هي
وتتكلم معاه.

رانيا / في ايه يا هيثم تخرج الصبح متكلمنيش
اتصل بيك متردش تيجي من الشغل متكلمنيش برضه
أنا عملت ايه لكل ده؟؟!

استدار هيثم ل رانيا
هيثم / أنتي اللي بتسأليني!
ولا أنا اللي مفروض أسألك
ايه اللى شوفته الصبح ده؟؟
ودا مش أول مره وأنا نبهت عليكي قبل كده.
رانيا / مامتك اللي طلبت مني ادخل اصحي يحي
وانا احرجت معرفتش أقولها ايه.
هيثم / يحي مش صغير علشان تدخلي اوضته
ايوه اخويا وعارف أخلاقة كويس
وانا كمان واثق فيكي يا رانيا
لكن ميصحش اللي حصل ده.
رانيا ب دلال / خلاص بقي أنا آسفة
مش هتتكرر تاني متزعلش بقى.
هيثم بغمز / يعني هو زعلي كان يهمك أوي!
رانيا / طبعاً يهمني أنا مأكلتش حاجة من الصبح
علشان حسيت إني زعلتك بس مكنتش أقصد صدقني
هيثم / مينفعش يا رانيا اللي حصل دا
ماما قالتلك.. قوللها معلش يا طنط
حضرتك ممكن تصحيه لكن انا مينفعش
ولو زعلت منك تعالي قوليلي
وانا هتكلم مع ماما وهي هتفهمني
وعمرها مهتزعل منك بعد كده
أكيد مش واخده بالها من إن يحي مبقاش صغير.
رانيا / خرجني بره الموضوع دا
مش عايزة مامتك.
بس قولي بقى.. انت خلاص مش زعلان؟؟
هيثم : لا يا حبيبتي مش زعلان بس متتكررش
مرة تانية.. مفهوم.
رانيا ببتسامة : مفهوم يا بشمهندس.
هيثم ببتسامة : خلاص اطفي النور ده.
رانيا : حاضر.
_____________

في الصباح.. في شقة كريم..

ميار / مبتشوفش هيثم بيعامل مراته إزاي
دا مبيرفضلهاش طلب
حتي كانت عند مامتها امبارح.
كريم / رانيا مبتروحش عند مامتها
غير كل فين وفين وبطلي بقي
تبصي لغيرك وانسي انك تروحي عند مامتك
غير كل جمعه.

هيثم نازل من شقته سمع الخناقة بين كريم وميار
هيثم خبط على باب الشقة

هيثم بعد ما فتح كريم الباب
يلا يا كريم هتتاخر علي شغلك.

نزلوا مع بعض وكل واحد ركب عربيته

في المساء في شقة حنان..
هيثم ل رانيا :
اطلعي يا رانيا وأنا قاعد مع ماما شوية.
رانيا : حاضر تصبحو على خير.
يرددوا : وانتي من اهله.
رانيا طلعت شقتها