ذكرياتي.

الحلقة ٧

#ذكرياتي
#بوسي_مصطفى
_______________

الحلقة السابعة

حنان ل هيثم / مبرووك يا ابني
مبرووك يا ميار
ميار نظرت لحنان ببتسامة
حنان : مش هتاخد مراتك تتعشوا بره
اهو تغيروا جو.
هيثم يهمس لوالدته : بس انا مليش نفس اخرج
حنان : بقربك ايه بلاش منها الكلام دا
ملكش نفس ليه يا حبيبي
وانت عامل عامله ولا ايه
دا جواز.. جمد قلبك كده وافرح
وفرح عروستك.
هيثم : عروستي؟!
حنان : اه امال.. مش عروستك؟!
يلا بقى اهو تفوكو عن نفسكم شوية.
ميار / آه علشان خاطري يا حبيبي
نفسي أخرج أشم هوا بره البيت

هيثم اتصدم لما قالت (حبيبي)
هيثم :"طيب يلا.
يحي بيخبط علي كتف هيثم بحزن /
مبرووك يا عريس.
هيثم : عقبالك يا يحي.
يحي : عقبالي ايه؟
اتجوز اتنين؟
هيثم يهمس ل يحي : بقولك ايه انا اللي فيه
مكفيني.. ارحمني انت كمان.
يحي : خلاص بس اهدا
___________-

رانيا قاعدة في البلكونة مع مامتها.
وصال / هعمل قهوة اعملك معايا.
رانيا اكتفت بهز راسها.
وصال / ليه يا بنتي
اسمعي يا رانيا
انا عايزاكي تروقي علشان خاطري
اللي حصل حصل.. واللي بتعمليه في نفسك دا
مش هيرجعه.
رانيا بحزن / مش قادرة يا ماما لو من كام شهر شوفت اللي أنا فيه في حلم مكنتش أصدق إني أحلم إن جوزي يتجوز 😭لكن أني أعيش اللحظة دي في الحقيقة مش مصدقة
صحيني يا ماما قوليلي أني بحلم وهصحي من نومي هلاقي جوزي قاعد جنبي.
وصال / مش عارفه اقولك ايه
واتنهدت وصال بحزن وهي مدمعه علي حال رانيا
و دخلت  المطبخ
شوية
ورانيا تشوف هيثم وميار خارجين مع بعض
ميار ايدها في ايد هيثم
رانيا بأنفعال / مامااااااااااا

جت وصال بسرعة / في ايه يا بنتي؟
رانيا بتشاور لتحت
وصال / خلاص يا بنتي هدي نفسك متعمليش كده

رانيا : شايفة ياماما ايدها في أيده كأن في حب بينهم
وصال / يا بنتي كفاية بقي اعصابك
عامله كده علشان خارجين
مع بعض امال لما يتقفل عليهم باب واحد هتعملي ايه
رانيا / وقتها همووووت
وبتصرخ رانيا..
وصال دخلتها جوه وقفلت باب البلكونات.
وصال : بس يا بنتي الجيران تسمعك.
رانيا : هيثم اتجوز يا ماما
هيثم مش هيبات في حضني الليلة انا وولاده
هيثم هيبات عند حد غيري يا ماما.
لا آآآآآآه... قلبي هيوقف مش قادرة اتخيل لأ.
وصال : اعملك ايه بس
ارحميني وارحمي نفسك يا رانيا
هتموتي من اللي بتعمليه في نفسك ده.
__________
في شقة حنان.
حنان / على فين يا يحي؟
يحي/ خارج شوية مع صحابي
أبعد عن جو البيت الكئيب ده.
حنان / جرا ايه يا ابني هو انا ناقصة؟!
يحي / لازم تعرفي ان ميار اتجوزت هيثم
ونسيت كريم ابنك خلاص
وفي واحده فوق هتموت من قهرتها
متزعليش من رد فعل رانيا بقي
حنان : تعمل اللي تعمله محدش حاسس بيه.
يحي : انا حاسس بيكي يا ماما
لكن اللي حصل مش هو الحل
صدقيني المشاكل اللي هتحصل هتبقى اكبر بكتير
من مشكلة إن أكرم يلاقي اب يرعاه ويفضل عايش
معانا هنا
مش علشان هيثم غلط إنه اتجوز لأ
الغلطه الحقيقة في الاختيار نفسه.
كريم كان مستريح يا ماما
علشان تجوزيها ل هيثم كمان.
حنان : بقولك ايه يا يحي
شوف يا ابني كنت رايح فين
انا دماغي فيها اللي مكفيها.
حل عني بقى.
يحي بيفتح باب الشقة : حاضر يا ماما.
________________