#ذكرياتي
الحلقة السادسة.
_____________
في شقة كريم...
والدة ميار / مش هتقوليلي كنتي فين؟
ميار / كنت عند رانيا يا ماما
اخيرا شوفت قهرتها وحزنها علي
حياتها يا ما قهرتني هي وهيثم
بحبهم لبعض هزارهم وضحكهم.
كنت بتحسر وقتها علي حياتي مع كريم
اللى كانت كلها خناق ومشاكل
معرفش انا السبب ولا هو اللي مكانش
قادر يفهمني.
والدة ميار / لازم تطلعي الأفكار دي من دماغك
دا لو كنتي عايزة
تعيشي هنا.. العداوة يا بنتي بينك وبينها
هتخليه يفضلها عنك هي أم أولاده
متنسيش وكمان أول فرحته.
ميار / اطمني هي بعد زيارتي ليها مش هترجع البيت
تاني.
في شقة والد رانيا..
وصال / علشان خاطري يابنتي ارجعي بيتك
وحافظي عليه.
بعد محاولات كتيرة وافقت رانيا ترجع بيتها.
وصال / البسي يلا وانا هلبس الولاد وترجعي دلوقتي
رانيا / بس الوقت متأخر بقول ارجع الصبح.
وصال / لأ ترجعي دلوقتي وانا هروح معاكي
اوصلك وابات وارجع الصبح.
رانيا بالفعل رجعت البيت بتفتح الباب الرئيسي
ل البيت علشان تدخل
يخرج هيثم من عند والدته يشوف مين يتفاجيء
ب رانيا يجري يفتحلها الباب ويأخد منها الولاد.
هيثم / كنت عارف أني مش ههون عليكي.
رانيا / يلا يا ماما علشان نطلع فوق
وصال / لا مؤاخذة يا جماعة هبات الليلة
والصبح هروح البيت
حنان / بتقوليلي ايه يا ام رانيا بستأذني
في بيتك؟؟
اتفضلي يا حبيبتي ادخلي على
رانيا يتجاهل ل حنان وهيثم :
يلا يا ماما علشان عايزة انام
وبالفعل طلعت وصال مع رانيا.
هيثم اخد الولاد وطلع شقته.
ميار لما شافت رانيا اتغاظت.
ميار : اهي الست هانم رجعت يا ماما.
والدة ميار : غريبه!!
يبقى شكلها رضيت بالأمر الواقع.
ميار : ولا يكونش فهمها حاجه تانية
ما انا برضه عايزة افهم.
رجعت تاني ليه بعد اللي قولتهولها؟!
هيثم دخل جوه ينيم الولاد.
وصال انا هنام هنا يا ابني جنب الولاد
هيثم / لا يا طنط نامي جوه مع رانيا.
وصال : علشان بس تعرف تنام.
هيثم : متشغليش بالك بس بيه
أنا المهم عندي ان حضرتك تحاولي تهدي رانيا
من ناحيتي وعرفيها إني بحبها ومقدرش
استغني عنها.
هيثم طول الليل قاعد في الصاله بيفكر
هيقول ايه ل رانيا.
بعد ما حددوا كتب الكتاب بعد أسبوع.
الحلقة العاشرة:-
#ذكرياتي
#بوسي_مصطفى
_________
وتمر الأيام والوضع زي ما هو رجعت وصال
بيتها هيثم ورانيا.
عايشين مع بعض زي الاغراب
هيثم بياكل تحت مع والدته.
رانيا مبتنزلش تحت قاعدة وقتها كله لوحدها
هي وأولادها.
و من وقت للتاني هيثم بيحاول يتفاهم معاها
ويقولها إن دا كله
مجبر عليه وإنها هي اللي في قلبه ومفيش شيء
هيتغير رانيا
بس رانيا كانت بتقفل معاه الموضوع
وتنفعل وتبكي.
أنت تقرأ
ذكرياتي.
ChickLitيتوفى الأخ الأوسط ثم يتجوز الأخ الأكبر من ارملة أخيه. لتعاني الزوجة الأولى من هذا الزواج. القصة قديمة.. وخلصانه كتابة.. كل يوم حلقتين..
