نمرّ

١

~
َهِلَالِيِ الْأَبْيَضْ ضَوْحّ
لِيّ طَرِيقْ دَرْبِيّ
~

_

_

واقف قدام المرايه يضبط كشخته اللي تسحر العين
بثوبه الاسود اللي يظهر تقاسيم عضلاته الفاتنه
وكأن هالثوب مافصل الا عليه

وشماغه الابيض الخليجي مع عقاله الاسود اللي زاد وسامته
وجماله المميز

لبس كبكه الاسود مع الفصوص الفضيه تبرق العين
وساعته الجلد باللون البني القاتم مع الفص الالماس اللي بجوانبها

انهى كشخته برش عطره الفخم بريحته القويه اللي تجيب راس من يشمها وكأنه يبي يعذب قلوب متعلقه فيه

تقدم من نظاراته ومسبحته اللي على الطاوله واتجه بعدها لجواله اللي كان على طرف السرير وهو يرن تجاهل المتصل وهو يحطه بجيبه

نزل من غرفته من الدور الثاني متجه لدور الارضي وهو يسمع الحوارات في الصاله حيث الجلسه اللي على الارض والفطور اللي يفتح النفس

تقدم منهم وهو يصبح عليهم بصوته الفخم ببحته المميزه
الجاذبه للسامع

:ياله تصبحهم بالخير والسرور

هدت الاصوات من صاحب الصوت الفخم اللي جاي لهم وارتفع صوت اكبر واحد فيهم

:ياله تصبحه باللي يتمناه ويبيه اغلى عيالي

ابتسم لجده اللي ويعتبره ولده واللي رباه من هو في اللفافه بعمر الشهور

تقدم وهو يعطيه بوسه الصباح مثل كل يوم في نفس هذا الوقت

وتقدم من امه اللي م جابته بطنها لكن ربته يدينها وهو يبوس راسها ويدينها بكل حب وتقدير

ابتسمت وهي تحط ايدها على خده وتمسح عليه بكل حب
وتقول

:شلونه حبيب امه اليوم

ابتسم لين بانت صفة اسنانه اللولو وهو يجلس جنبها ويحاوط ايده كتوفه النحيله بالنسبه له
ويقول

:مادامني مصبح على هالوجيه المسفره مايبيلها سؤال
كني فوق الغيم يابعد هلي وطوايفي

ضحكة بخجل من كلامه المعسول اللي دايم تسمعه يدلعها بالكلام
وهي تقول بحيا

:اقلط مد ايدك ياعساه هني على قلبك وعسل على روحك
يابعد طوايفي انت

باس راسها مره ثانيه وهو يبعد يده عن اكتوفها ويسمي بالله ويبدا اكل

رفع راسه من سمع جده يقول

:يانمر اليوم فيه عزومه عشا في بيتنا لا تتأخر وانا ابوك زين

هز راسه نمر وهو يشرب حليبه الحار ويخلص لقمته
وقال

:ابشر ياجدي على هالخشم انت تامر وانا انفذ يابعدي