نمرّ

٥

قرائه ممتعه🤗

-

-

مسك نفسه واخذ نفس عميق وهو يحس بشعور يكرهه مايبي يحس فيه من رمان نساه بس الحين رجع له

ناظر نفسه ف المرايه لاخر مره ورش عطره المفضل وحط من دهن العود على ذقنه ومسح عليه

اخذ مسبحته وعصاه اللي م ياخذها الا وقت المناسبات وطلع نازل الدرج بخطوات بطيئه

سمع اصوات ف الصاله تقدم بهدوء وهو يعرف اصحاب الاصوات وقلوبهم الصافيه

تحمحم قبل لا يدخل واقبل عليهم بالسلام بصوت جهوري خلاهم يلتفتون له

ابستم حمد وهو يدر عليه السلام
ويقول بضحكه

:لو م اعرفك كان قلت وش مغير اخوي وعضيدي

نمر وهو يسلم على ابو حمد ويجلس جنبه بعد م اعطاه نظره ويباخر خاله

قال ابو حمد

:شخبار الشغل معك ي ولدي ان شالله مرتاح

ابتسم نمر بمتنان لخاله
وقال

:يسرك حال الشغل ي خال لا تشيل هم

تكلم الجد وهو يتكي على عصاته
ويقول

:لا تخاف نمر وحمد سبوع م ينخاف عليهم اصحاب همه

انتفخ صدر حمد من المدحه
وقال وهو يضرب صدره بهياط

:افا يبه احنا قده وقدود لا تشيل هم شي انا افداك ارتاح وخل الباقي علينا

ضحك ابو حمد على ولده وهياطه اللي م يتركه ابداً
وقال

:انا معتمد على نمر بالشغل بس انت الله يعوضني خير ي ولدي

حط حمد ادينه بصدره وبدراميه
قال

:افا يابو حمد م هقيتها منك تفضل هالتعبان عليه وين اروح الحين مالي الا امي اللي تفتخر فيني وسط العربان اما انت يابه الله يسامحك م اقول غير هالكلام

ضربه نمر على ظهره بخفه
وقال بضحكه

:اقول انثبر وخلك ساكت ماحد يعززلك غيري ولا انت م تستاهل ي بياع الكلام

ضحك ابوحمد على حركاتهم
وقال منهي النقاش

:خلاص انت وياه كلكم عندي مثل بعض بس وقفوا