نمرّ

٢

~
وَهَبْ لِيّ حُباً أُكَآفِحْ
لِلْوْصُولْ إِلِيّهٰ
~
قرائه ممتعه

_

_

طلعوا من مقر الشغل مع بعض وهم يتناقرون كنهم ضراير في بيت واحد

شغل نمر السياره لان المفاتيح كانت معه واخذها من حمد عشان يروح لمشواره بعد م يحطه في بيتهم

تنهد حمد بملل من نمر اللي م ناوي يعتقه ويترك سيارته اللي تشاركه في نص خرابه
وقال

:اقول يالهطف انت م ناوي تشتري سياره وتفكني من غثاك م حاله هذي كل م ابي السياره بمشوار ادق عليك عشان حضرتك التكرم وتجيبها لي

ضحك نمر وهو يشعل حبة دخان وينفخ هواها ع الدريشه المفتوحة ويقول

:اقول لا تمن علينا ي ولد امك والله واكبر يالمشاوير اللي تروحلها تدق عليه تقول الو نمر ابي السياره امي تبي المكان الفلاني

ضرب حمد كتف نمر بخفه وهو يضحك من طريقة كلامه
وقال بغضب مصتنع

:اقول عن الهذره الزايده افضل من سلفوع مثلك م ياخذها الا لدشرته والسوالب الناعمين يتسلون في سيارتي وانا ساكت للحين ومابلغت على اشكالك

صفر نمر وهو يرمي الحبه بعد م انتهى منها وقال وهو يفرقع اصابعه على دركسون السياره

:يعني انت الحين ملاك ومرفوع عنك القلم لا تخليني اكشف الخافي من ورا الستار ها خلنا حبايب

تكى حمد على بابه وهو يحرك راسه يمين ويسار ويقول بتريقه

:انا قدامك صغير يالهامور الكبير لا تتكلم وانت م تشوف نفسك ي حلو انت

وقف نمر عند الاشاره وهو يتميلح قدام المرايه اللي نزلها وهو يشوف نفسه ويقول

:ادري اني حلو م يحتاج شهادتك ي سحت تغار مني لاني حلو ي غيور

طلع حمد جواله من جيبه يلهي نفسه فيه من فضاوة نمر بالنسبه له
ويقول

:بلا بلا بلا تلايط ي شين الحلايا

سحب عليه نمر وهو يتحرك بعد م تغيرت الاشاره ويعدل نظاراته على عيونه

ناظره حمد بطرف عينه وهو يشوفه ملامحه الجاده يعني فيه شي مغير نمر ولا م كان اعتفس كذا
وقال بخوف

:نمر ايش فيك علامك تغير مودك

التفت نمر له وضحك بخفه من خوف حمد المبالغ عليه بالنسبه له
وقال بمزح

:ابد بس اشوف شكلي يطلع هيبه ولا لا

ناظره حمد بمعنى ي مسمجك وانت تخف دمك وقال بطفش منه

:ياورع اتكلم جد ايش فيك اعتفست كذا

تنهد نمر وهو يحك عيونه بهدوء بعد م وقف قدام بيت حمد
وقال