نمرّ

٤

اتمنى البارت ينال اعجابكم🤗

-

-

وقف سيارته بالمواقف الخارجيه للشقق طفاها ونزل وهو يعد الثواني عشان يكون قدام الشقه

ترك المصعد وتوجه للدرج يطلعه بسرعه بكل خطوه يركب درجتين وثلاث عشان يلحق

والغضب والقهر معمي عيونه ومايشوف قدامه غير سحر وناويله بنيه شينه

طلع الدور الرابع بسرعه قياسيه وتقدم من الشقه وطلع مفتاحه وفتح الباب بسرعه ودخل مثل الاعصار وهو يصرخ بسمها

:ي سحر انتي ي زفتك وينك

سمع صوت بكاء طفل فالغرفه الجانبيه ودخل بسرعه وشافه سحر حاشره نفسها بالزاويه وبحضنها ولدها

يبكي من الخوف وهي تدمع وترتجف منه ومستعده تاخذ عقابها

تنهد عز بتعب وتحسف من شاف منظرهم اللي يحزن الواحد لف وجهه عنها وهو يتعوذ من بليس
ويقول بنفسه

"اهدا ي عزيز مهما كان لا تنسى انها يتيمه ومالها احد من بعد الله غيرك ارفق فيها وفي ولدك"

رجع ناظرها يشوفها تنتظرخ يسوي شي تقدم منها بهدوء وهذا اللي خوفها اكثر وكمشت على نفسها

مد ايده واخذ منها ولده وضمه وشد عليه بخفيف وهو يحس برجفته غض شفته بقهر من تصرفه وعدم تحكمه بأعصابه وقت الغضب

بعد عنها وقال وهو يعطيها ظهره ومتجه لصاله

:تعال ي سحر م راح اسوي لك شي بس بنتفاهم على بعض امور

م سمع ردها وطلع لصاله وجلس ع الكنبه ولده بحظنه اللحين يمسح على ظهره بخفه عشان يهدا ومنتظرها تجي

بعد فتره مهي طويله بعد م قدر يهدي ولده وينومه حطه ع ركبه بهدوء ولف من سمع صوت خطواتها

رفع حاجب وقال بهدوء وهو يناظر كشختها اللي م حركة فيه شعره

:بدري ي عمري كان طولتي اكثر داخل م ورانا شي

لمست السخريه في كلامه وطنشت وهي تجلس ف الكنبه اللي مقابله ومنتظره الرد منه

شافها ساكته وعرف انها تبيه يتكلم تنحنح بهدوء وقال وهو يرجع بصره لولده النايم ويلمح برائته

:انتي عارفه سبب زواجنا ي سحر وعارفه الظروف اللي جمعتنا فلا تقولين اني ظالمك واني م اعدل لان هالزواج من اول م كان مفروض يتم اصلاً بس انتي ادرا بالحال اكثر مني