نمرّ

٢٦

قرائه ممتعه🤗

-

-

تصنم مكانه من سمع اسمه وحس بغمامه بيضا تحلق فوقه ، من فرحته اللي انتشرت فـ صدره فجأه

وعى على صوت اخوه جراح اللي فرحته توازي فرحة سطام
قال جراح وهو م مصدق
:صدق يبه

هز راسه بـ ايه وقال
:ايه عرفت اللهم لك الحمد ، يله خلونا نروح له

وقف سطام وهو يحس برجوله م تشيله
وقال:يعني نايف قريب

قال الجد
:يله بسرعه م عندنا وقت

بلع ريقه سطام وقال بنبره مخنوقه
:كلمك هو

ناظره الجد بهدوء وقال
:لا بس واحد يعز عليه

عقد حواجبه جراح من كلام ابوه وقال
:طيب وش يضمنك انه يقول الصدق

تنهد الجد وقال بحده منهي النقاش
:اعرفه واثق فيه تبون تجون معاي اهلاً وسهلاً م تبون كيفكم

قال سطام بسرعه وبدون تفكير
:انا جاي معك يبه

سطام كان خايف من اللقاء اللي بينه وبين نايف ، هو متأكد من العتاب والغضب والدموع والضرب

وماعنده مانع انه يتحمل كل هذا من نايف واكثر ، بس مايدري ليش قلبه يرجف ويحس بخفقان راح يفقده وعيه

غمض عيونه من داهمته امور سيئه رفع راسه لفوق يكبح نفسه من الانهيار لانه م وقته الحين

كان متأكد ان هاليوم بيجي بس مايدري ليش خايف بشكل كبير من لقائه مع نايف

فتح عيونه وشاح بصره بالمكان مالقى احد ، اخذ نفس وطلع من البيت بخطوات ثقيله

ومثل م توقع كانوا منتظرينه بالسياره ، تحرك بهدوء عكس التخبطات داخله والشتات

ركب ورا بحكم ان جراح كان قدام ، قفل الباب بيد ترتجف من القادم ، حس بالسياره تتحرك

ماهتم لاسئلتهم اللي يسألونها لابوه ولا لفرحتهم وانهم اخيراً راح يشوفون نايف بعد طول غياب

كلمه نفسه سطام بعتاب
"ليش م قادر تفرح ي سطام ليش تحس بخوف انت الحين رايح له المفروض تنقز من الفرحه ، ايش فيك"

وزع نظره عليهم وهو يشوف الفرحه في وجيهم ، حس بحراره بعيونه والرؤيه تظبظبت بعينه فجأه

زم شفايفه ورجع راسه ع المرتبه ، تعرفون لما يرتفع عندكم الادرينالين واطرافكم ترتجف من التوتر والمشاعر المتلخبطه وماتعرفون تحددون شعوركم!!